1 TIMOTIUS 5:20 - PERJANJIAN BARU NALCA YUBA

²⁰ Bok aldib sikda malya ubija dara, yok nim eneba lok ganya bobnok aboka, nimi nauba longolomakaʾ hnoum ab omoma leboka wabnok.

1 TIMOTIUS 5:20 ပူးပေါင်းရင်းမြစ်များ

RASUL 19:17

Nimi nidyaʾ Yahudi nimi yokaʾ ab, Yahudi gom nim eb, Epesus heikek ulumek nimi nidyaʾ ara, ban unuweisil an yuba kemek dara, sikda hyak ganya loka dasuk. Wera danyek, Wenelesilnya Yesus si ara imik nenewoka gibgiga balamek.

RASUL 5:11

Dara, nimi nidyaʾ Imik Neyung yuba donaʾ nim eb, salyaʾ nim eb, ban unuwal an yuba kemek dara, hyak ganya loka dasuk.

RASUL 5:5

Dara, bera alak Petrus bedya wenyan yuba kel yabok sab-sab, sokok sam gololonga malyingginiboka, dibaʾ somogok. Dara, nimi nidyaʾ ban unuwal an yuba kemek dara, hyak ganya loka dasuk.

2 KORINTUS 7:11

Wera ban neik ganya era, al Imik Neyung seinilamla sok, ugunja angoo senewoka soloma dasuknya nedya unusukaʾ anyek, ugunda pe kendenelum! Wera an ganya enyek bolumaʾ adya, ganya goulunaʾ hnon lumaʾ ganya enyek, perobaʾ nenenaʾ hnon, malya unaʾ lek senenaʾ hnon, lok ganya hnon, nunda eibsibya senen ganya hnon, yeirinaʾ ganya hnon, meknelemak nim ek igina nenesinaʾ ganya hnon, ban bololum ganya adya, ugunuk nidyaʾ laga dosuk. Dara unululumaʾ nidyaʾ adya pe memelum beknaʾ ulumla.

EPESUS 5:11

Nimi gunaʾ lomok sam anam ulumak nim edya ulumak sok, perob gomaʾ dib gomnya salyaʾ neikso unura yabanaʾ ara mem. Alda ugunja dara, sikja meknewoka unulumaknya nenyek, nim eibnokaʾ aboka laga nenelelulum.

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

2 TIMOTIUS 4:2

Anda Imik Neyung yub ara sobaʾ lel eleklelom. Perob salek gom, malya salek gom, sobaʾ meewoka ululom. Anda nimi ganya dangallilisilom, meilinya nera ban aboka wenelesilom, banyek unuwolulum aboka nimi ganya wekellilisilom. Anda hyak ganya kaboka siklewoka ulumenekanya, pe neklesilom.

TITUS 1:13

Ban ununumnaʾ lelemoknya benedya lemoknya nera hyak aldib nong. Anasa, sikda dib yuba dolomakaʾ nong anyek, pe salalmoublenokaʾ aboka, anda hyak pe oma leboka wenelesilom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!