1 TIMOTIUS 5:18 - PERJANJIAN BARU NALCA YUBA

¹⁸ Nenesa leboka, Imik Neyung yuba momnya dobok ara, ”Sapi pam ara gandum wanamaʾ goroklelebok dara, sibamaʾ henga darawoka goubnenggom mem,” hyok. Onoʾ, ”Wa welemna nim era welemnaʾ amba dara, deknaʾ dolomak bok,” hyok, anasa lemna.

1 TIMOTIUS 5:18 ပူးပေါင်းရင်းမြစ်များ

MATIUS 10:10

Nimi wa welemak nang era, denaʾ ara nim adya eleklemak bok anasa, ugun binilumaʾ amba, gwaneng lin akleng eb, boksoma penya so gom, yan ongonaʾ gom, gamaʾ dungunaʾ gom ara bobnenggunulum,” hyok.

LUKAS 10:7

Ugunda ban hnonok ek ok ulumnelum. Wa welemna nim era deknaʾ doboka delemakaʾ anasa, ugun ulumun ek anya denaʾ beibnesak dara, doboka delelulum. Yok-yok e pik salyaʾ welem-welem aro yabanaʾ ara mem.

ROMA 10:11

Anasa geisa Imik Neyung yuba momnya dobokaʾ ara an wenyalamla, ”Heknedya alak ganya aldib senewanamla dara, eimik alya dabnenggunumla,” alamla.

ROMA 11:2

Imik Neyung ara alja weboka dosuk nim era lek aboka yaknenggubsuk. Goma, Elia bera alda Israeli nim emba leboka Imik Neyung ak anaso unulumak al bilimokaʾ Imik Neyung yuba momnya dobokaʾ ak sam momnya dobokaʾ ara, ugunda elgom ululum de?

ROMA 4:3

Anasa Imik Neyung yuba momnya dobokaʾ ara, hek alamla do? ”Abraham bera Imik Neyung ak dib nong senewok dara, ban unu bobok ganya enesa leboka, Imik Neyung ara alak perobaʾ nenewok,” wenyalamla.

ROMA 9:17

Anasa Imik Neyung yuba momnya dobokaʾ ara Firaun bek wenhyok, ”Wera anasa nara anak sekiyiwagesaʾ ara, wera anedya, nara nadyaʾ migibaʾ anak laga amab elegoka, anya anedya nadya si nera mok soko nidyaʾ perobaʾ ob lelewolul aboka ununggesa,” wenhyok, hyok.

1 KORINTUS 9:14

Anasonya neikik, Wenelesilnya bedya orowek, seleb Imik Neyung perob lero yanggan yuba bo lero yabalamak nang era, yuba lelemakaʾ ak an ulumlyaʾ anyek, or doboka deregoka ulunok, hyok.

GALATIA 3:8

Imik Neyung yuba momnya dobokaʾ adya dara, nimi Yahudi gom nim era sikda Imik Neyung ak dib senewanamak dara, ban adya perobaʾ nenewanasilaʾ ara, orowek ella ulumookanya, wera ban perob lero yanggan yub era men danyek Abraham bek, ”Imik Neyung ara an pik uboka, mok soko me nidyaʾ ara perobaʾ nenewanamla,” hyok.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.