1 TIMOTIUS 5:11 - PERJANJIAN BARU NALCA YUBA

¹¹ Bok, nong ara gobenya bok youk gelewa ek dara, youk gelewa momnya dol yabamenaʾ ak ara, momnya dobnenggunulam, mem. Nera sikda nenya ab neikaʾ ulusinim ganya nauba seiniwoka, nara Kristus ab neikaʾ ulunam senenanya nera mek dangoka, men nenya dobnun senenaʾ anasa, sikja si nera momnya donggom.

1 TIMOTIUS 5:11 ပူးပေါင်းရင်းမြစ်များ

1 TIMOTIUS 4:3

Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

1 TIMOTIUS 5:12

Nera sikenek momnya dobmun bok, nenya dobdanarak dara, sikja Imik Neyung ak pe bojam ulumnemab ameknya nek blekoka lonaʾ adya, sik dam nang malya uldalamak.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

1 TIMOTIUS 5:9

Ban damumduk an lebnamna yub enyek, unulumeija gelewa enyek, ugunja dara, wera youk gelewa henelumukanya, momnya dobnelum ara, alja gibnaʾ era denga penya so leboka boklomso dara, hnonda gel genera nenya ara li hnonok doboka alaʾ nenya somogamso dara, or momnya dobnelum.

YAKOBUS 5:5

Ugunda hyak unuruwaʾ garan orokaʾ anyek, pero-pero senenanya loboka, sokok an ulumlaʾ nidyaʾ damoka lelewoka dero dakdowolum. Ugunda youbnamna pam enesoʾ ak ugun damnya weildalalum.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

WAHYU 18:3

Dara, yok-yok mok soko ulumak nim era, alja salyaʾ salaleneseng ganya anggur mek enyek, seleb sikda jek. Hnonda sokok an wenewoka bo un dub nang eneba, alak salyaʾ salawoka, sokok an bonaʾ dekdo yaben nang eneba, alja salyaʾ salaleneseng ganya youruk-youruk anaʾ enedya dub dangamek,” hyok.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.

WAHYU 18:9

”Hnonda sokok an wenesin dub nang era, alak neikaʾ salyaʾ salawoka ulumeija nang era, onoʾ ban gel gedya dub dangoka pe ulumakaʾ bokoka domek nang enyek, sikda alak uka delemlya soloma welelamlyaʾ eibnemak dara, alsamba ganya ingmuna berewoka engewanamak.