1 TIMOTIUS 4:12 - PERJANJIAN BARU NALCA YUBA

¹² Anda goubenya ululamaʾ anasa, yok nim edya anak, alda mek goubenenya benyaʾ seneweigijek. Bok alda saawoka, Imik Neyung mab adya anja unulumennya nenyek diliwagenokaʾ aboka, anja yuba sanaʾ maka hnon, anja ununaʾ hnon, nim ek wanaʾ unaʾ hnon, ganya geisa uboka Yesus Kristus ak dib senen ganya hnon boboka bojam ululom.

1 TIMOTIUS 4:12 ပူးပေါင်းရင်းမြစ်များ

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

1 KORINTUS 11:1

Nababya Kristus adya unulamlaʾ anyek, diliwoka ulumna sok, ugumbabya nadya unulunanya nenyek dililenululum e.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 TESALONIKA 2:10

Ugun Kristus ak dib senelum nimi gangganek ara, nunda geisaʾ uboka, hyak pe unuwoka, si gegena ponaʾ loboka, ulumouba. Nunja unu ulumoubnya nera, ugumba seleb eillilisulum, hnonda Imik Neyung anaba ella ulusil.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

2 TIMOTIUS 2:15

Anak Imik Neyung adya dara, nasamba wa pe welenelnya bera an senelenggululaʾ aboka, hyak pe yeiriwoka welelom. Anja wa welelamaʾ ara, alya ubnelyek senewoka, anya Imik Neyung ak ab neknaʾ yuba pe sunuwoka neklelomaʾ aboka hnon, pe keeboka welelom.

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

2 TIMOTIUS 2:7

Ban nidyaʾ eini lebnanya nera, Wenelesilnya bedya anak anyek ella dolulaʾ aboka, migibaʾ eleganenggel bok anasa, anda hyak pe keboka senelwenelelom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

TITUS 2:7

Anda yokaʾ-yokaʾ nidyaʾ unulumenaʾ ak ara, yok nang edya diliwagenokaʾ aboka, perob ok unululom. Anda yuba neklesimenaʾ ak ara dib nong ok anyek, laga angawoka neklesilom.

YAKOBUS 3:13

Nimi ben hnon ugun gangganek ara, heknya ek geremseng uboka pe ella ulumla do? Wera unululanya geknebaʾ alda geremseng uboka, ganya sokok nenebdangoka, perob nong unaʾ adya laga amalelul.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

1 PETRUS 5:3

Ugunja nim enera, bo ubnelum aboka elegeisik nim ek ara, ugunja dara, senenggom dub nang edya ununaʾ enyek ununggom, mem; alda sikja ugunuk diliwanesijenya nenyek unulululum.