1 TIMOTIUS 4:1 - PERJANJIAN BARU NALCA YUBA

¹ Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

1 TIMOTIUS 4:1 ပူးပေါင်းရင်းမြစ်များ

MATIUS 18:7

Ban sokok an ara nimi malya ubnokaʾ aboka, malya nenelesilaʾ damok anyek, hyak omom nongaʾ ak ulumla. Ban unulusilaʾ damok ara sob ulumnelabok, alda unul eleklamla nim enyek, hyak omom nongaʾ ak ulumak!

LUKAS 17:1

Yesus adya alja yuba doro diriga ban nang ek, ”Nim ek malya ul eleksinaʾ ara sob ulumnamla. Bok malya ub eleganesilnya be nong anyek, hyak omomaʾ ak ulumla!

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

RASUL 13:2

Dara sikda gwanenga denaʾ loboka, Wenelesilnya bek giboka ulsinilimek sum enyek, Imik Neyung Geisinya adya sikenek, ”Barnabas beb, Saulus beb, nadya sikja webnerak senemsa wa webduruk aboka, nasamba gaboka sekiyiwanalum,” hyok.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 20:23

Bok Imik Neyung Geisinya adya, nara yabalamna heikek nidyaʾ ara, wera anak henga goubsin ek beibnenjak sum hnon, nauba gweklemnalam sum hnon, yenewanenggel wenyalanelaʾ ok, nara ella ulumna.

RASUL 21:11

Alda nuk sam yeiniboka, Paulus bedya gouka noronaʾ ek domok. Dara, Paulus bek ab dobok gouka noronaʾ adya, alja yan eb, soruk ab norobdangoka lebokja, ”Imik Neyung Geisinya bedya nak wenyanel ara, Ban gouka noronaʾ damnya bera, Yerusalem heikek ab, Yahudi nim edya henga goubijekanya, Yahudi gom nim edya sorukuk eleganamak,” wenyaboka lemok.

RASUL 28:25

Wera Paulus bemba yuba sabnob aboka longomek ara, Paulus bedya yuba seleb lebgogomok dara, sikda nauba lolobdangoka goboka lo balamek. Paulus bedya lo balamek anasa sidyaʾ lebdakamok yub ara ban: ”Ununumnaʾ lelemoknya Yesaya bek pik uboka, Geisinya adya nunja neyung yabo youmaʾ nang ek lesuk yub era pe lebok.

1 KORINTUS 10:20

Yokaʾ-yokaʾ giblemakaʾ ak bo beil biniboka giblemakaʾ ara, Imik Neyung ak beil banggulumak bok, yu ganya bisaʾ ak bo beil balamak. Nadya dara, ugunda bisaʾ giblemakaʾ ab neikaʾ hiboka unaʾ ara, mem senelemna.

1 KORINTUS 11:19

Ugun gangganek ara, har berek Imik Neyung adya perob senelesil nanga hnon, har berek yuba dib donaʾ orok bok, ulumak nanga hnon, laga danokaʾ aboka unulusil.

1 KORINTUS 12:11

Ban nidyaʾ unulamlaʾ ara al neik Geisinya bedya ok unulamla. Nimi yok-yok elaʾ gigiro Geisinya elegosunun senemnaʾ ok sunuwoka yok-yok eleklesil.

1 KORINTUS 2:10

Bok, Imik Neyung adya nuk seleb alja Geisinya pik uboka, nuk memesuknya nenesa laga amasuk. Imik Neyung Geisinya adya yokaʾ-yokaʾ nidyaʾ ara, geklewoka ero yabalamla dara, onoʾ Imik Neyung adya anyek, unuwanamna senemna lomok doknomna anaba, laga gelewoka beillilamla.

2 KORINTUS 11:3

Hawa gek bagaʾ geremseng adya bob geregemok sok, Kristus ak ganya gekman bojam ululumaʾ anyek, bob neneweisilyek senewoka lok ganya bolomna.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

2 TIMOTIUS 4:4

Sikenek dara, nimi pe jong ulumak yub ek dara, kebibyek aboka o pika lebeldalamnamak bok, salyaʾ malya hwam yub ek sam ara, or pe kelenob senewoka o bakoka kelemnemak.

YAKOBUS 3:15

Ban lebna geremseng unaʾ era, imik heikek ab yangganggululabok, alda sokok ab hnon, bisaʾ ak ab hnon, nimi ganya dukaʾ adya lanalamla.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.

1 YOHANES 4:6

Bok nuk dara, Imik Neyung ak ab nim ulumab. Dara, Imik Neyung ak ella ulumak nim era, nunja yuba kelemak. Bok, Imik Neyung ak ab unaʾ orok nim edya dara, nunja lelemab yub ek kenggulusak. Wera nunda ban adya dib ulumla ganya seininaʾ ab, sondaʾ anasa seininaʾ eb, ella dangalamab.

YUDAS 1:18

Sikja dara ugunuk ara, ”Eimik soko dengaboka sidyaʾ daknamla salek oka danamla dara, perob yub ek dolbalek nenelemak nimi hnon lanawanamak. Wera an nim era, sikja malya unulunob senen ganya edyok wekdeknewoka ulumak nim ek ulumnemak,” hyek.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.

WAHYU 13:14

Dara, ban eimik yu nongaʾ enedya, lok so beknaʾ dibaʾ alak elegok adya, men yu nongaʾ amba leboka, loka dabsinaʾ unuru yabalamok adya, ban sokok an ulumeija nimi nidyaʾ ara, bobnenewoka ubsuk. Hnonda, ban men yu nongaʾ era, oldan gab edya menengaʾ diligaʾ hwam bok, or ulumlyaʾ anyek, alja nonga sunuwoka memenaʾ ara, galak girikek gom meewoka sekiyiwolulum aboka orugosuk.

WAHYU 16:14

Wera ban hyeiya anasoʾ ara, hyak yu hwam unaʾ ganya enyek, yokaʾ-yokaʾ mengewoka unuru yibilimek. Dara ban winilya ganya yu nong era, nidyaʾ soko me bilimeekanya, wenewoka bo un dub nang ek, Imik Neyung hyak migib ululanya bedya senenggom sum enera, obdanok aboka, mamagiyiweisik.

WAHYU 18:2

Dara alda yuba migibaʾ nauba bii aboka, ”Seleb malyinggil! Ban Babel nauba heik era seleb malyinggil! Anya, wenera bisaʾ gong danyeb, yu hwam ganya adya un oulyanga dal. Anya ane lomok an nidyaʾ ab, hyak malya anasa lek senelemak wining gong eb danyek, ulumak.

WAHYU 18:23

Anya nim ara lampu dilinaʾ gom, nenya gela domna enyek eiya hlaboka sanaʾ yub gom digum danaba, hyakaʾ hnon kebnenggunumak. Hnonda anja bonaʾ bo dekel giriknaʾ nang era, senenggom nang ulumeekanya, yok-yok mok soko nimi nidyaʾ ara, anja bobnenewoka sonda lebsulum.

WAHYU 19:20

Dara ban yu nongaʾ ab, anyeb neikaʾ dara sonda leboka gamyakaʾ hogung ak yok-yok damoka memelemoknya beb, henga goubsuk. Ban sonda lelemoknya bera, beknaʾ dibaʾ yok so damok unulumokaʾ adya, sikda gamyakaʾ adya beknaʾ doboka, aljaʾ sunumnaʾ ak giblemek nang ek bob nenesuknya. Wera sik penya danera, gasaʾ adya sobaʾ singilamlaʾ uk mek gwanek, embengaʾ somobdaboka obsuk.

WAHYU 2:11

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, eimik somoknaʾ damoka lanawanamla sum era, alak bebeganggunumla,” aro momnya dobnelam, hyok.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

WAHYU 2:29

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul!” aro momnya dobnelam, hyok.

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.

WAHYU 20:10

sikenek nauba sondaʾ leboka malya nenelesuk bisaʾ dubnya Iblis ara, sobaʾ singilamla uk mek gwanek doboka doronggok. Wera anyaganera, men dara, yu nongaʾ ab, sonda leboka bob nenesuknya beb, doronggousuk. Dara sikda anyeganera, inimnek yubyek pik, malya nenewoka nauba sobaʾ gwekelmorulumnemak.

WAHYU 20:8

Dara, bisaʾ enedya mok soko me pika dombadya nidyaʾ eb girigoka, yok-yok mok soko nimi nidyaʾ, Gog beb Magog bebdak anyek, sondaʾ lero yibinamla. Dara, nimi bolowesilya nim era, obdanob aboka ebmamaganamlakanya, nimi deng ara, mek weneng anasoʾ ak danamla.

WAHYU 3:13

”Heknyek o yakaʾ ara, Imik Neyung Geisinya adya alja yuba donaʾ nim ek lelemlaʾ ara, pe keblul!” hyok.

WAHYU 3:22

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ anyek, pe keblul!” hyok.

WAHYU 3:6

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ pe keblul,” hyok.

WAHYU 9:20

Anyek bok, an unuwoka osinaʾ orok nim era, sikja malya unulumekaʾ ak ab ganya dangawanggumek. Hnonda, dangman adya hnon, mal gablenaʾ dabom girik adya hnon, gal adya hnon, yokaʾ-yokaʾ adya hnon, memelemek sununaʾ ek, heng eilinggulumlaʾ, o kenggulumlaʾ, yana yabanggulumlaʾ anyek, gibelmorulumek.