1 TIMOTIUS 3:8 - PERJANJIAN BARU NALCA YUBA

⁸ Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

1 TIMOTIUS 3:8 ပူးပေါင်းရင်းမြစ်များ

ROMA 3:13

Sikja denggoroknaʾ era, nimi soko loklomna selengaʾ enesoʾ anyek si aklowoka, sikja silyum era pe makaʾ lelewoka, sikja sibamaʾ ak ara, malyaʾ si sabsinaʾ yuʾ anyek ulumla.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

1 TIMOTIUS 3:12

Arasinya bera alda gela hnonoknya bek ululul. Dara onoʾ bera alja mab eb, alja ek ulumak nimi nidyaʾ ara pe bo ulusulul.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 5:23

Anda mek dem ok sobaʾ denggom. Alda anja mona malya ulunggelekanya, sobaʾ neiklelamnya nenesa, nonga pewogululaʾ aboka, anggur meka hnon sum era mekaʾ delelom.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

YAKOBUS 3:10

Neik silyum ak ab, Imik Neyung ak perob aboka gibnaʾ hnon lanalamla dara, onoʾ nunja hemyab ek weme len yuba lanalamla. Kabo nim o, ban ara hyak mem!

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.