1 TIMOTIUS 3:2 - PERJANJIAN BARU NALCA YUBA

² Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 3:2 ပူးပေါင်းရင်းမြစ်များ

LUKAS 1:6

Dara sik nang penya era, Imik Neyung ganya ak pe hekel eleklereekanya, Imik Neyung adya oruksin yub eb, sobaʾ amba meemen yub eb dara, meknenaʾ orokaʾ anyek, pe unulurek.

LUKAS 2:36

Dara onoʾ al anyeganera, Asyer nang yilaʾ Fanuel manggel, alja si nera Hana, ununumnaʾ lelemok gel gek hnon ulumok. Alda neboka, seleb yamen dangamok. Anasa nenya dobok salek era, gibnaʾ sekbadyok alaʾ nenya ab neikaʾ ubdek.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

PILIPI 2:15

Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

1 TIMOTIUS 3:12

Arasinya bera alda gela hnonoknya bek ululul. Dara onoʾ bera alja mab eb, alja ek ulumak nimi nidyaʾ ara pe bo ulusulul.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

1 TIMOTIUS 4:3

Sondaʾ amba bobnenewoka lelesak nim era, sikja dara, gela donaʾ ara mem, alamak. Hnonda denaʾ ara salyaʾ dero yabanaʾ ara mem, alamak. Ban wenyalamakaʾ anaba, denaʾ ara Imik Neyung ak dib senewoka dib yub ella ulumak nim edya, denaʾ ara perob aboka Imik Neyung ak giboka delenokaʾ aboka uyimok bok, lelemak.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 5:22

Anda nimi yok nim ek benera Wenelesilnya bedya wa webnamla aboka, men berra soruka dib yaboka ununggom mem. Yok nimi malya unaʾ ak dara, anja dob salawoka neikik ununggom mem. An nong anyek pe geisa ululomaʾ aboka diri uldalalom.

1 TIMOTIUS 5:9

Ban damumduk an lebnamna yub enyek, unulumeija gelewa enyek, ugunja dara, wera youk gelewa henelumukanya, momnya dobnelum ara, alja gibnaʾ era denga penya so leboka boklomso dara, hnonda gel genera nenya ara li hnonok doboka alaʾ nenya somogamso dara, or momnya dobnelum.

2 TIMOTIUS 2:24

Imik Neyung alja wa welelanya bek dara, waldanaʾ yuba hyak mem. Bok saawoka, alda yok nimi nidyaʾ ak namen ok uboka, yuba pe nekoka, ganya pe siklewoka ululul.

TITUS 2:2

Nengmabo nauba nang ek dara, sikda ganya siklewoka kaboka ulunokaʾ aboka, perobaʾ ok seiniwoka ulunokaʾ aboka, hnonda yok nim edya perob senelesak nang geknebaʾ ulunokaʾ aboka, onoʾ yuba dib senebmoubuka, hyak wanaʾ ubdangoka, pe siklewoka welenokaʾ aboka pe neklesilom.

IBRANI 13:2

Dara hnon nim era, yok nim ek, ek yoululum amek dara, sikda elgom bok, wera lero nang ek denaʾ elegemekaʾ anasa, ugunda nimi yok nim ek, ek yanalum aboka perobaʾ lenaʾ ara hiliknenggom mem.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 4:9

Yokaʾ-yokaʾ ak seiniwoka yu yabnaʾ loboka, ugun moumen anaba ugunjaʾ e pik perobaʾ lebdangoka doboka beil dalalulum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.