1 TIMOTIUS 3:16 - PERJANJIAN BARU NALCA YUBA

¹⁶ Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 3:16 ပူးပေါင်းရင်းမြစ်များ

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

MATIUS 28:2

Dara al wene sab-sab enyek, senenggom sogoumaʾ dorogok. Wera Wenelesilnya bedya lero ben hnon imik heikek abaʾ ara yingginiboka pika seregemek girik era demegoka, alda girik dub eilib enyek an bukumok.

MATIUS 3:16

Seleb meka dabok dara, Yesus ara mek lomok abaʾ ara goboka welok enyek, wene sab-sab im pika gaboka, Imik Neyung Geisinya ara, bek wining enesoʾ anyek alak bul yinggyuk ak eibuk.

MATIUS 4:11

Anya wera, Iblis ara Yesus ak ara lo byuk dara, Yesus ara, lero nang gong edya yeiniboka alak aralemek.

MARKUS 1:13

Wera Yesus ara lika denga hnonok uboka ebdobnya mek badya mabok sum era, bisaʾ dubnya Satan bedya sunubyaawok. Beiyik ulumlaʾ hnoum ulumok dara, lero nang edyaʾ Yesus ak arawoka bo ulumek.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

MARKUS 16:5

Wera gelewa dara, Yesus diyimekaʾ lomok sam wekoka kemelemek enyek, nimi goubenenya be hnon, geisa akleng ongomoknya benyek, sirik sam bulumokaʾ ak eibek. Dara, sikda anyek eiyiboka loka dabsuk.

LUKAS 2:32

wera, yok-yok mok soko nim emba dara, laga aamanaʾ geknenaʾ danamla dilinaʾ era yalakanya, anja nim Israeli nim emba dara, imik giginaʾ damok danamla,” hyok.

LUKAS 20:44

Anasa Daud benyek babya blebsinaʾ dubnya bek ara, nadya Wenelenelemnya, amok bok dara, wera hekaʾ adya blebsinaʾ dubnya bera Daud nang yilaʾ senewanasibya do?” hyok.

LUKAS 22:43

Dara, Imik Neyung lero ben hnon yeiniboka, alak ganya akwaʾ dimok.

LUKAS 24:4

Gelewa dara, sikda ganya ebsukaʾ anasa, anam seiniro seklemek dara, wene salek enyek nimi penya nang geisa akleng ok ongo-ongo bilirek nang enyek sik berem sekdek.

LUKAS 24:51

Ban unul yabok sab-sab, alda sikenek ab bokdangoka, imik heikek doboka bo welewok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 13:3

Yesus ara, neyung bedya nidyaʾ yok-yok migib unulamlaʾ ara, nak seleb elegenyookanya, Imik Neyung ak ab yeilimsaʾ ara, onoʾ saaboka Imik Neyung ak binimna senewoka ella umok.

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 16:28

Nara Imik Neyung bek abaʾ ara sokok yeilimsa. Dara, onoʾ wen saaboka sokok loboka Neyung bek binimna,” hyok.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 20:12

wera alda Imik Neyung lero nanga penya geisa boksom ongo-ongo bilirek nang ek eiyisuk. Penya lero nang era Yesus adya beʾ girik ek sam, ben hnonda huk sam ben hnonda yan ak sam, bulurekaʾ ak, Maria gedya eiyisuk.

YOHANES 6:62

Wera nimi dibaʾ me nera onsok saaboka youmaʾ ulumsaʾ ak welewanyaʾ eibmun bok dara, hekaʾ hubnalum do?

RASUL 1:19

Dara, nimi nidyaʾ Yerusalem heikek ulumek nim era, Yudas bek alak an unumokaʾ anyek, ella dangamek. Anasa leboka, Yudas bek unumok soko era, sikja yub edya, Hakal-Dama aboka si simek. Nunja yuba dangawoka san dara, eneng sokok aboka si simek.

RASUL 10:34

Wera Petrus bedya leb einiwokja, ”Nara wenyok Imik Neyung adya nimi nidyaʾ mok soko nang era neik nang nenelesil ara wenyok ella dan.

RASUL 14:27

Wera Paulus beb, Barnabas beb dara, seleb Antiokhia heikek yarek dara, anyagan Imik Neyung yuba donaʾ nim eb neikaʾ ak mamagiyiwoka, Imik Neyung adya arawoka, sik pik uboka yok-yok heikek nidyaʾ perobaʾ unulumok anyek nekesirik. Dara onoʾ, Imik Neyung adya Yahudi gom nim eneba Imik Neyung ak dib senewoka dolomakaʾ ak hekaʾ huboka pika bakamokaʾ anyek nekesirik.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

ROMA 10:12

Wera dara, Yahudi nim ab, Yunani nim eb dara, yok-yok gebeldan damok era hnon unggulumla. Anasa ban hnonok Imik Neyung enedyok nidyaʾ nim amba wenesinya ulumlakanya, alak bii alamak nim nidyaʾ ak perobaʾ nenelesil.

ROMA 10:18

Anasa nara ugunuk heibsunun: Wera sikda kenggulumek de? Sikda seleb kelemek bok, ”Sikja salamek anyek koblemok yub era mok soko nidyaʾ obdangoka, sikja salamek yub era mok soko dagalongnaʾ nidyaʾ ob lelemok.”

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 3:4

Anaso gom, hyak orok! Alda ban momnya dobok sok, ”Yok-yok anja yub ek ara, anedya anda aldib lelemlaʾ ara, laga beknaʾ danamla. Dara, anak yana lelewananjak dara, oblamaganalam,” an wenhyokaʾ anasa, wera Imik Neyung ok dib nong ulumlakanya, nimi nidyaʾ ak dara, sondaʾ nang ok ulumak.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

ROMA 9:5

Wera sikda youmaʾ ulumek nang edya mengerob nang ulumaakanya, Mesias Kristus bera alda yokaʾ-yokaʾ nidyaʾ alak hnonok imik ululabok, nim ek sam ak dara sik nang yilaʾ ak ab beibek. Bok alda Imik Neyung sobaʾ giblemnemabnya bek ulumla. Amin!

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 2:7

Geremseng unaʾ ugunuk neklesinaʾ ara, Imik Neyung adya soko uyiwanggom salek anyek, nuk si imik danokaʾ aboka, ban geremseng unaʾ era, nuk ara gunuwoka doknowok ulumlaʾ anyek, orowek seiniwoka beiyisuk.

2 KORINTUS 1:19

Anasa Imik Neyung bedya me Yesus Kristus si anyek, Silas bedya gom, Timotius bedya gom, nadya gom, leb elegousubnya nenyek dara, or, orokaʾ ak sene bobnenewoka lebnenggusub. Al Yesus ak dara, ”Or” anaʾ ok ulumla.

GALATIA 2:8

(Imik Neyung adya Petrus bek nimi bolaʾ garalamak nim ek, yuba len wa arawoka migib elegemoknya bedya, neik so nababya bolaʾ garanaʾ orok nim ek neik wa welelulaʾ aboka arawoka migib eleganyok.)

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

EPESUS 1:9

alda soko nang blebnamna senemokaʾ doknomokaʾ ara, alja men ganya doboka Kristus pik uboka, wen nuk laga nenewok.

EPESUS 6:19

Nara Imik Neyung yuba lel yabanya dara, Imik Neyung adya ban yub enyek sablom aboka neknululaʾ aboka, nasamba hnon mololenululum. Wera anadya nara Imik Neyung adyaʾ perob lero yanggan yub era, yok nim ek asaʾ ganya boboka doknomok yub era pe leb eleganamnya yuba gak enyek neksununaʾ aboka hnon mololenululum.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 1:6

ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

KOLOSE 2:2

Sikda nidyaʾ yok-yok pe ella ubnamaakanya dib mel-mel aboka dib senenaʾ dibaʾ dosulul aboka, anya onoʾ sikda Imik Neyung adya men laga danggumokaʾ, al Kristus nong anyek pe ella ubnemak aboka, sikda ganya lomok sangabdangoka, wanaʾ ubdangoka ulunok senelamna.

2 TESALONIKA 1:10

Ban nidyaʾ ara, Imik Neyung ak dib senelemak nim edya gibnunaʾ aboka hnon, onoʾ alja munaʾ Imik Neyung mab edya nak gibnenokaʾ aboka yanamla sum era, ugunda nunja bo yeilimouba yub ek dib senewoka dolumaʾ anasa, yok nim unuwanamakaʾ gangganek sam ugumbabya ulumnelum sum enyek, nidyaʾ gigiwoka unuwanamla.

2 TESALONIKA 2:7

Wenyek dara, nimi malya nenesinaʾ nimi gangganek sam wa ara gelelenga wero yabalamla bok, gunuwoka welemla. Bok al ulumlaʾ ara, soruka salalamlaʾ anyek, gokgobok sam nenewalya dara,

1 TIMOTIUS 3:9

Bok, sikda mek ganya geisa uboka, alda Imik Neyung adya laga nenemok dib senenaʾ ak ganya kweboka, dib salabmoubuka, ulunok.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 7:7

Nimi nidyaʾ benera perobaʾ danamla aboka ouma debnaʾ ara, imik ululanya bedya meksonya bek unulumak ara, sondaʾ lebnenggunuseng!

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 PETRUS 1:20

Imik Neyung ara soko anam uyiwanggom bok, Kristus ak men weboka doboka sekiyimok. Wera mok soko sidyaʾ daknamla salek enera, ugunuk blebsununaʾ aboka sokok sam yeilimok.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

1 YOHANES 1:2

Ban embengaʾ unaʾ en laga dangal yabok sum era, nunda alak okoka eiyimouba. Anasa wera, nunda anasemba leboka ban embenga unaʾ anyek ugunuk lero yabalamab. Wera ban dib embengaʾ ulmoubnaʾ ara, Neyung beblaboka neikaʾ ulurekaʾ ara, alda nuk hogung ak seleb laga dangamok.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

WAHYU 17:5

Dara alja asok ok ara, yok si gunuwoka sin si nenyek momnya domek. Ban unu momnya domek si nera, ”Babel heik hyak senenggom nong heik era, nimi sokok an malya dangoka, salyaʾ dongon gelewa sikjaʾ genong genyaʾ!” wenyaboka webemek.

WAHYU 17:7

Anasa ban lero era nak, ”Anda hekasa omom ganya bololam do? Wera anasa nara anak, ban gel gera, alda hek gel ge ulumlaʾ ara, al yok yu nongaʾ enyek, alak abagamokaʾ ara, huk ara sekbadya ubookanya, bonga sagobadya bogokaʾ anyek, neknenggen.

WAHYU 7:9

Nen seleb dara, nimi mandebnaʾ hyak einildaknaʾ oknaʾ anyek, senenggom dub ekla bunaʾ ak, domba me adya saramek seklemekaʾ ak eibsa. Dara, seklemek nim era, nidyaʾ yok-yok mok soko ulumak nim ek ab hnon, nidyaʾ yok-yok nimi yilaʾ ulumakaʾ ek ab hnon, nidyaʾ sikja nimigumaʾ yok-yok unulumak nim ek ab hnon, nidyaʾ yok-yok yuba salamak nim ek ab hnon, an nimi gong danyek ulumek. Sikda geisa dolungnaʾ akleng ongowoka, anya yokol meklaʾ sikja soruk ak leb salawoka bo seklemek.