1 TIMOTIUS 3:15 - PERJANJIAN BARU NALCA YUBA

¹⁵ Wen unumnyaʾ adya mandewanyaʾ anaba, Imik Neyung mabo dangoka pe ulumakaʾ damok anyek unulumakaʾ ara men ella danalum aboka ubna. Dara nera, yuba dolomak nimi nong ara sikda egomnaʾ dibaʾ embengaʾ ulmoublamla Imik Neyung adya perob dib yuba dukduka dangalamakaʾ anasa lebna.

1 TIMOTIUS 3:15 ပူးပေါင်းရင်းမြစ်များ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

MATIUS 18:18

”Ugunda banyek ella danalum: Ugunja sokok anyeb, nera memnya wenyalalumnya nera, imik heikek anaba memnya danamla. Alda sokok anyeb, ugunja nera or wenyalalumnya nera, imik heikek anaba nera or danamla.”

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 18:37

Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

RASUL 1:2

Yesus ara alda anam imik heik sam binggumok salek, Imik Neyung Geisinya migib adya arawoka, nadya yuba lebnokaʾ aboka yuba lenaʾ gak nang ek anyek pe unuwanalum aboka wenewoka neklesuk.

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

ROMA 9:26

Anya sikenek hanyagarab, ”Ugunda nadya nim gom,” amnyaʾ ak ara, anyeganyeb sikenek, ”Embengaʾ ulumla Imik Neyung bedya mab aboka henemak,” hyok.

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

1 KORINTUS 3:16

Ugunda Imik Neyung e ulumab senenaʾ ara, ugun dam nang elgom uldalalum de? Imik Neyung Geisinya ara, ugunja ganya lomok ulusil ara, ugunda elgom de?

2 KORINTUS 3:3

Ugun nong ak dara, nunda ugunsamba welemoubukanya, ugunda Kristus bedya momnya donaʾ ululumaʾ ara, yok nim ek laga amalasulum. Bolpen adya momnya dobnenggubsuk bok, alda Imik Neyung embengaʾ ululanya alja Geisinya bedya momnya dobsukaʾ ara, girik lagasaʾ ak dobnenggubsuk bok, alda nimi ganya ek momnya dobsuk.

2 KORINTUS 6:16

Imik Neyung e ab bisaʾ gibnaʾ e neb dara, neikaʾ ara hek soʾ ak ulumnamso do? Ugunda embengaʾ ululanya Imik Neyung bedya e ululum. Imik Neyung adya lebokaʾ ara, ”Nara sik hnoum ulumnesinikanya, sik gangganek yabalamnamna. Nara sikjaʾ Imik Neyung ulumnamna dara, sikda nadya mabo silibaʾ ulumnemak.

2 KORINTUS 6:7

Dib yuba lenaʾ adya hnon, Imik Neyung migib adya hnon, Imik Neyung adya perobaʾ nenenaʾ era, hnonda yin dibaʾ oldan danasa hnon, blebeldan danasa hnon, nunda Imik Neyung adya perob wa wen nang ulumab beknaʾ era amalamab.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.

GALATIA 3:1

Galatia nim o, ugunda dongdang anaʾ hwam nim ek ululum! Ugun din hengek Yesus Kristus gal dubuk oboka glamekaʾ ara, ugunuk laga neksisa bok anasa, hek nang edya geregoka bobneneweisik do?

EPESUS 4:21

Ugunda aldib alja yuba kelumukanya, al lomok ara dib yub ok ulumlaʾ sunuwoka nekesik dara, anasoʾ ununaʾ ella dangoka dobnenggulum.

KOLOSE 1:5

Ban dib senenaʾ hnon wanaʾ unaʾ hnon ara, imik heikek ugunsamba beillilisilaʾ ak ganya welelumaʾ ak ab lanalamla. Ban ganya wenaʾ ara, ugunda men dib nong yuba kelum adya ella dangalum. Ban perob lero yanggan yub ara,

1 TESALONIKA 1:9

Nunda youmaʾ ugunuk sam yuba bo yanggumouba dara, hekaʾ huboka nuk ugunja perobaʾ leboka dosulumaʾ ara, nimi nidyaʾ sikda anaso unumek aboka neklesak. Nimi nidyaʾ ara, ugunda hekaʾ huboka, bisaʾ ak molowoka gibnaʾ loboka, Imik Neyung hnonok ululanya bek alak ok dib beiliwoka ulunobaʾ aboka nidyaʾ ara lolumnya nenyek, sikja dara unuwek aboka neklesak.

1 TIMOTIUS 3:14

Nara anak seʾ kemel yanenggen senenadyok, or malye aboka onoʾ ban momnya doboka beibgen.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 3:5

Nimi ben hnon, alja meneng mabo silibaʾ enyek pe bo unaʾ elgom dara, Imik Neyung yuba donaʾ nim ek dara, alda hekaʾ huboka bo ubnamso do?

1 TIMOTIUS 4:10

Nimi nidyaʾ blebsinaʾ dubnya, Imik Neyung embengaʾ ululanya bek, dib nong ara, nu yuba dib senelemab nimi bleblesilnya bek eleganesin amokaʾ ara, dib eleganesil anyaʾ aboka, nunda duboka yeiriwoka welemab.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

2 TIMOTIUS 2:20

Hyak senenggomaʾ somna ek ara, yok-yok bonaʾ beilinaʾ ara, nauba ulumla. Wera bonaʾ beilinaʾ ara, hnonda dangman meilik yubaʾ adya memelemak dara, hnonda gal adya gom, soko adya gom, mememnaʾ ak ulumla. Dara beilinaʾ ara, hnonda hyak pero-pero senenggom bonaʾ enesa ulumla dara, hnonda dom digum so bonaʾ danasa ulumla.

IBRANI 10:21

Anya nuk dara wera, senenggom yuba lenaʾ dubnya yak nim ek ulumabaʾ ara, anara Yesus nong ak ulumla. Dara Yesus ara alda Imik Neyung ek sam wa nusamba welesilnya be hnon ulumla.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?

WAHYU 7:2

Wera hnon kemelamsa dara, yok lero hnon henga doroklamla sam ak ab lanawokaʾ ak eibsa. Lero era Imik Neyung mem an beknaʾ ak bomookanya, alda dombadya lero, soko ab mek ab soldob meneganalum aboka migibaʾ enyek elegosuk nang ek an hyak senenggomaʾ bii aboka,