1 TIMOTIUS 3:12 - PERJANJIAN BARU NALCA YUBA

¹² Arasinya bera alda gela hnonoknya bek ululul. Dara onoʾ bera alja mab eb, alja ek ulumak nimi nidyaʾ ara pe bo ulusulul.

1 TIMOTIUS 3:12 ပူးပေါင်းရင်းမြစ်များ

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.