1 TIMOTIUS 3:11 - PERJANJIAN BARU NALCA YUBA

¹¹ Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

1 TIMOTIUS 3:11 ပူးပေါင်းရင်းမြစ်များ

MATIUS 4:1

Wera Yesus ara bisaʾ dubnya Iblis adya sunuwolulaʾ aboka, Imik Neyung Geisinya adya hwalek oblyek sam bo byuk.

YOHANES 6:70

Danyek, Yesus sikenek, ”Wei, ugunda obadya nang enera, nadya sekiyisisaʾ an anano? Bok, ugun gangganek ara, ben hnon bisaʾ me ulumla,” hyok.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

1 TIMOTIUS 1:12

Nara nunja Wenelesilnya Yesus Kristus ak perob aboka sob-sobaʾ giblamna. Alda nak aralenululaʾ aboka migiba seleb elegenyok. Wera wa nen wen dara, Paulus bera bojamnya senewoka sekiyinyokaʾ anasa, perob aboka giblamna.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 6:2

Neikaʾ uboka arawoka wa welemaknya bera, alda neik yuba donaʾanya bek dara, nunda neik Imik Neyung mab ulumab senewoka, or malye dolbalek neikaʾ anyaʾ senewoka mek so gibnenggunuseng. Sikja arawoka welemaknya bera, alda neikaʾ hiboka wanaʾ ulusilnya anasa, wera nun moumen benyek perob dangalalul senewoka nauba arawanaseng, wenyaboka anja nauba nekoka wenelemnesilim.

2 TIMOTIUS 3:3

Sikda yok nim ek wanaʾ unggulumnamak, malya ubgen bar aboka, laga leldanaʾ ara ununggulumnamak, sikda yok nimi si ak, bera malya unululanya aboka malya nenelemnemak. Sikda gasa hwam ok boboka ulumak nimi geknebaʾ ulumnamak. Sikda perob unaʾ ara, hyak lek senelemnemak.

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.