1 TIMOTIUS 3:1 - PERJANJIAN BARU NALCA YUBA

¹ Nimi ben hnon bo usin wa webnun senewalenya bera, alda perob wa webnun ganya seinilamlaʾ adya pelelaba, hnon wenyalamak dara, dib lelemak.

1 TIMOTIUS 3:1 ပူးပေါင်းရင်းမြစ်များ

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

RASUL 1:20

Onoʾ Petrus bedya dara, ”Anasa orowek Mazmur yub ek momnya domok ara, Alda ulumlya ak ara yokaʾ yuba deso aboka nimi gakdenaʾ ak danamla. Al ulumlyaʾ ak ara, nimi lunuwoka unaʾ ara lobnemak, hyok. Onoʾ hnon momnya dobokaʾ ara, Alja wa weboka ununaʾ ella dangamlyaʾ ara yok nim lunuwoka dorowanamak, wenyamok,” hyok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

ROMA 11:13

Wei, Yahudi gom nim o, nara ugunuk wenyhenesin. Wera na nong ara, Yahudi gom mok soko nim emba yub lenaʾ gaknya ulumna anasa, ban yub damok era nadya welemna wa senenggomaʾ perobaʾ ara wera an senelamna.

EPESUS 4:12

Ban unura elegousukaʾ ara, munaʾ Imik Neyung mab era, welenok aboka elegousuk. Pe welemeijaʾ adya, Kristus adya nonga perobaʾ nenewoka nauba danggiga balalulaʾ aboka elegousuk.

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

1 TIMOTIUS 4:9

Ban yub enera hyak dib nong anasa, doboka onoʾ hyak dib senewanok.

2 TIMOTIUS 2:11

Dara, ban lelemak yub era dib nong: ”Nunda alablaboka somogomouba dara, onoʾ eimik era suboka alab neikaʾ embengaʾ ulumnemab.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 12:15

Dara nimi nauba malya nenewoka, sembejaʾ gebnesilya damok yu nongaʾ sikaʾ anyek lanawalyek aboka, ugunda nimi be hnon Imik Neyung bedya perob eleksinaʾ ak ab mok gebdalyek aboka pe diri ulululum.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

1 PETRUS 4:15

Ugun gangganek ara nimi ben hnon, alda nim olomla gom, hokaʾ dolomla gom, yu ganya boboka malya unulamlaʾ adya gom, yok nim edyaʾ bok dobsalawoka ulumlaʾ adya, malya dangalamla adya igina kwewoka gweklelum dara, perob gom.

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.