1 TIMOTIUS 2:8 - PERJANJIAN BARU NALCA YUBA

⁸ Anasa wenera, or yokok-yokok sam anaba nengmab ara, sembejaʾ manaʾ orok soruka yangawoka molowanokaʾ aboka, banara lebsin. Dara, yok nim ek gorogoka yu ganya bonaʾ waldanaʾ ara loboka, mololonokaʾ aboka lebsin.

1 TIMOTIUS 2:8 ပူးပေါင်းရင်းမြစ်များ

MATIUS 21:21

Anasa Yesus adya sikenek, ”Aldib, ugunda ganya daldom-daldom anaʾ loboka, dib senelemnelum dara, nadya ara gal ek wema dabne sok, ugumbabya anasonya nera unuwanasom. Dara nenyek ok gom, alda ban mein enyek an lebnelumja: Somokdangoka senenggom mek gwanek sam bologoldal bilom, henelum dara al gigiwoka unuwanamla.

MATIUS 5:44

Bok wenera nadya ugunuk lebnesinaʾ ara, Ugunja isaʾ nang ek wanaʾ ulumunukanya, ugunuk lek senelesak nim emba heng uboka Imik Neyung ak mololelulum.

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

LUKAS 23:34

Dara Yesus ara lero mololomokja, ”Neyung o, ban nang enedya unulumakaʾ ara, damok ara elgomjok ulumakaʾ anasa, sikja malya unaʾ era sikenek ab memelesilom,” hyok. Yesus adya ongolomok akleng era, heknedya dobnamla aboka, yina bomdewoka bokol dalamek.

LUKAS 24:50

Wera Yesus ara alja yuba doro diriga ban nanga nidyaʾ heikek abaʾ ara bo gobsuukanya, Betania heikek bo busuk. Anyek anyeb dara, alja soruk lakoka, alja mab ek perobaʾ leb elegosuk.

YOHANES 4:21

Yesus adya alak, ”Yok yanamla sum enyek, nim adya Imik Neyung ak ara, mein enyekan gomaʾ, Yerusalem heikek ok gomaʾ, giblemnemak ara dib senewalom.

RASUL 10:2

Alda Imik Neyung ak lok ganya boboka ulumookanya, alja mab eb nimi nidyaʾ neik so lok ganya boboka pe ulumek. Alda Yahudi nimi bok bonaʾ garan ulumek nim ek arawoka, onoʾ alda Imik Neyung ak hyak sobaʾ molomok.

RASUL 10:31

Dara, benedya nak lebnyok ara, wei Kornelius o, Imik Neyung adya anja molonaʾ ara kebgelekanya, wera anja yok nang ak eleklelam ara perob senewoka beklenggel.

RASUL 10:4

Kornelius bera lero enyek lok anasa keebdaboka lemokja, ”Neyung o, hekaʾ ak ulumla do?” hyok. Wera danyek lero adya Kornelius bek, ”Anja molonaʾ ab, anja eleklelam ab, Imik Neyung saramek uboka alda perob senelamlakanya, onoʾ anak beklenggel,” hyok.

RASUL 21:5

Bok anyagan ulumouba salek enyek, Yerusalem heikek ban salek era oka dok dara, Tirus nang era anyagan loboka, nunda lanawoka balamouba dara, sikja gelewa mab ab, nidyaʾ nuk arawoka bobsiknya nera heik gokgobok sam bo bokol bisik. Wera mek gwan berem mek ekla bunaʾ ak byuba dara, nunda nidyaʾ sikeneb komo lumugoka heng uboka molomouba.

RASUL 7:60

Dara onoʾ, hnon komo lumugoka Imik Neyung ak yuba bii aboka lemokja, ”Wenelesilimnya Imik Neyung o, ban unulumak malya unaʾ era sikenek lunuwoka gwirib lobsimenek lobnelam,” aboka molobgogomokaʾ seleb dara, alda dib somogomok.

1 KORINTUS 7:7

Nadya ganya ak dara, nimi nidyaʾ ara, nadya ulumna sok, sikba ulumneseng senelenabok, nimi yok-yok ara, Imik Neyung adya elaʾ girigo yok-yok eleklesil. Anasa, hnon nim era ban nenyek elegemokaʾ adya, alba unululabok, yok nim era yok elegemokaʾ adya, yok unulamla.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

PILIPI 1:12

Hemyab o, nadya dara, nak yokaʾ-yokaʾ ununyokaʾ anadya nimi nauba Imik Neyung adyaʾ perob lero yanggan yub ek keboka dib senelamakaʾ anyek, ugunda ella danasom senelamna.

1 TESALONIKA 1:8

Anasa ugunub anyeb uboka, Wenelesilnya bedya yub era, mok balamokaʾ ara Makedonia mok eb uboka, Akhaya mok oboka lelewok. Dara onoʾ nenyek ok gom, alda ugunda hekaʾ huboka Imik Neyung ak dib senelumaʾ ara, yok-yok mok soko nimi nidyaʾ ella dekaʾ adya, wera nunja dara, ugunsamba dara anaso-anaso unulumak henggunusibya.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

YAKOBUS 4:8

Ugunda Imik Neyung berem bumun dara, alda ugun berem yanasil. Ugunda malya unaʾ nim o, ugunja soruk era pe mek elekdolulum! Ugunda ganya penya-penya ululum nim o, ugunja ganya enyek geisa nenebdolulum!

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.