1 TIMOTIUS 2:5 - PERJANJIAN BARU NALCA YUBA

⁵ Imik Neyung ara al hnonok ok ulumlakanya, nim ab Imik Neyung ab hnoumunga wiknenanya soko nang doknya bera, Yesus Kristus hnonok gobdo ulumla.

1 TIMOTIUS 2:5 ပူးပေါင်းရင်းမြစ်များ

MATIUS 1:1

Yesus Kristus beiyimek nang yilaʾ, Abraham bek ab uboka, Daud dubnya bek ab uboka, ulumek nimi si ara ban. Anasa Abraham bek abaʾ ara, Daud be ulumok salek enyek uboka Yesus beibek nimi yilaʾ era ban:

MATIUS 1:23

”Nenya mekaʾ dobnenggumeijaʾ goubenya gel gedya me boboka beibnamla dara, me nenedya si nera Imanuel, aboka sibnemak,” amok. (Imanuel ara Ibrani yub bok, nunja dara, Imik Neyung nub ulumab, alamak.)

LUKAS 14:22

Dara oruknaʾanya bedya eili bek ara, Neyung anja lelamnya nera seleb unuwan bok, ekla ara gloʾ or ulumla, hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

RASUL 4:12

Anasa, sokok anyagan ara, yok si nedya hnon embengaʾ blebsulul aboka Imik Neyung adya nim ek lebnenggusuk. Yesus si adya ok nimi blebnesil aboka lesuk,” hyok.

ROMA 1:3

Alja me nek dara, nim ek sam dara, Daud nang yilaʾ ak ab beibek;

ROMA 10:12

Wera dara, Yahudi nim ab, Yunani nim eb dara, yok-yok gebeldan damok era hnon unggulumla. Anasa ban hnonok Imik Neyung enedyok nidyaʾ nim amba wenesinya ulumlakanya, alak bii alamak nim nidyaʾ ak perobaʾ nenelesil.

1 KORINTUS 8:4

Dara, denaʾ ara meewoka giblemaknya nek beil balamak yub ek dara, nera meewoka giblemakaʾ ara nong ak dara, dib nong unggulumlaʾ ara, nunda ella ulumab. Dara onoʾ nunda hnon sokok an yokaʾ-yokaʾ ulumlaʾ adya ella ulumabaʾ ara, Imik Neyung ara hyak hnonok Imik Neyung ok ulumlakanya, yok Imik Neyung era, hnon mekaʾ unggulumla.

1 KORINTUS 8:6

nun nong ak dara, Imik Neyung nunja neyung hnonok ok ulumla. Al adya dara, yokaʾ-yokaʾ nidyaʾ uyimoknya bek ulumla. Nunda al nong amba ok ulumab. Nunja Wenelesilnya bera, nuk dara hnonok ok ulusilaʾ ara, Yesus Kristus hnonok ulusil. Nidyaʾ yokaʾ-yokaʾ ara, Yesus Kristus pik moruwoka uyimok. Dara, nunda al adya embengaʾ ulumab.

GALATIA 3:20

Wera anasa, nimi penya dara-dara ubna danyek, hnoumunga wiknenanya bera ulumla. Bok Imik Neyung ara hnonok ok ulumla anasa, alja ganya doboka yokaʾ-yokaʾ unulamla ara, yok nanga be hnon hnoumunga wiknenya danggunumso.

EPESUS 4:6

Neik hnonok Imik Neyung enyek, nimi nidyaʾ sikjaʾ neyung ulumla. Wera Imik Neyung enyek mok soko me nidyaʾ amba dubnya uboka, nidyaʾ ara alja ok wa weboka, alda yokaʾ-yokaʾ nidyaʾ lomok ulumla.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

IBRANI 12:24

anya wenyok yuba bo yanggannya Yesus bek ab, dara Habel bedya eneng era hmeng so, alda hyak yeiriwoka migibaʾ salamla enenga, lobol goulusin eneng ek sam, seleb youlum.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

IBRANI 8:6

Imik Neyung adya nim ab dibaʾ wenyabdab an yub era, wen lelelanya nera pe lebokaʾ adya, hyak pelemlaʾ anasa, neik so Yesus ara alda hyak senenggomaʾ perob wa nenyek, youmaʾ yuba wa gak nang edya welemek wa nenesoʾ ak gom, alda hyak perobaʾ anyek welemla.

IBRANI 9:15

Wera anasa, men youmaʾ unuwanalum an yub ulumoka wenyek, nimi nauba malya dangoka igina kwelesuknya nek ab blebsununaʾ aboka, Kristus ara somogok. Dara wera, nimi nidyaʾ Imik Neyung adya youboka dolosil nim era, Imik Neyung adyaʾ denghenggunumla bonaʾ eleganesin amokaʾ anyek dobnokaʾ aboka, Kristus ara, wenyok unubdanamab yub ek nu an ulumab nim eb danasa hnoumunga wiknenanya ulumla.

1 YOHANES 2:1

Najabo yab o! Ban momnya en ugunuk momnya doboka beibsinaʾ ara, ugunuk malya ubmunuk aboka ubsin. Bok, hnon malya umeibya dara, wera nunsamba arawoka sasinya ben hnon ulumlaʾ ara, nera Yesus Kristus pelelanya bek lebna. Aljaʾ Neyung bek malya unaʾ doboka bobogeisilom aboka mololesil.

WAHYU 1:13

Dara onoʾ ban uk dininaʾ sekbadya beiyimekaʾ hnoum ara, nimi sirikaʾ anasoʾ ak ben hnon sekemok. Bera alda hyak waran nongaʾ anyek yan anaba siklemok akleng ek ongomok. Aljaʾ saramek sam ara dangman selerobaʾ ak wan-wanamok.