1 TIMOTIUS 2:10 - PERJANJIAN BARU NALCA YUBA

¹⁰ Bok alda saawoka gweidyaʾ dibaʾ subnamlaʾ ara, Imik Neyung ak giboka, alja mabo dangamna nim edya ulumaknya nenyek, ana diligaʾ doboka unulumnemak.

1 TIMOTIUS 2:10 ပူးပေါင်းရင်းမြစ်များ

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

RASUL 9:39

Dara, Petrus ben nong ak wenyaboka el byik dara, Petrus bera sekoka neikaʾ balamek ara, Yope heikek Dorkas ge somogomok ak beiyimek ek byik dara, Petrus bera alda imik ek sam e byik. Dara anyagan nenya seleb somogomok anasa or youwek ulumek gelewa nidyaʾ era, Petrus be sekel byuk enyek, aknel ganagal biniboka, Dorkas ge embengaʾ ulumok wenyek, sikenek wiboka elegesuk aklenga danyek aawoka, hyak nauba engewoka lelemek.

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

1 TIMOTIUS 2:11

Gelewa ak dara, yuba sanaʾ ara loboka, gelegoka ganya sokok nenebdangoka, yuba pe keboka ella dangalanok.

1 TIMOTIUS 2:9

Anasonya neikik gelewa anaba, gelewa ara pe ganya seiniwoka, domdigum boksom enyek ongolonokaʾ aboka lebsin. Nimi nak perob senewanenokaʾ aboka honga goboka boloknenggom, emas meilik selerobaʾ dangman jobdobaʾ arobaʾ geregoka, rupiah senenggomaʾ deklemeija akleng enyek, ongonggom mem.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

WAHYU 2:19

Anja unululamaʾ ara, nara nidyaʾ ella ulunggen. Anera, anda wanaʾ ululamaʾ hnon, anda dib senelelamaʾ hnon, nidyaʾ ara nara seleb ella ulumna. Anya anda yok nim emba aralalamaʾ hnon, anda siklewoka welmorululamaʾ ara, nara seleb ella ulumna. Hnonda anda youmaʾ dara, wa welelum bok, wenyek danyek, nauba welelamaʾ ara, nara seleb ella ulunggen.”