1 TIMOTIUS 1:9 - PERJANJIAN BARU NALCA YUBA

⁹ Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

1 TIMOTIUS 1:9 ပူးပေါင်းရင်းမြစ်များ

MATIUS 10:21

”Nimi nidyaʾ nadya weis ek obnelum aboka, yok nim ek lebdangdo yibinemak salek hnon yanamla. Neiksonya nera hnonda eili bedya alaʾ me ak gom, alja me nedya eili bek gom unubdangdo yibinemak. Meneng mab edya, sikjaʾ genong neyung ak yok nang ek obnelum aboka yuba dibdangdo yibinemak.

ROMA 1:30

Anasa ban sik nong ara, sondaʾ minin nang, nimi deresin nang, Imik Neyung ak lek senenaʾ nang, malya unun nang, ganya imik neneldan nang, kebom-keboma meren nang, yu ununaʾ ak ganya hwibmouboka unun nang, nauba nim ek blekna nang,

ROMA 4:13

Anasa Abraham beb al nang yilaʾ ak, ban soko en aljaʾ danamla amokaʾ ara, unuwanalum an yub amba leboka lebnenggusuk. Bok alda ganya dib senemokaʾ nong anasa leboka, perobaʾ nenewoka pik enyek anyeb uboka, ban mok soko amba lebsuk yub era, domok.

ROMA 5:20

Bok meknenaʾ hwam ok dangalalul aboka, unuwanalum an yuba hnon makok. Dara, hanyagarek meknenaʾ hwam ok gong danggiga balamlaʾ ak ara, wera wanaʾ uboka eleksinaʾ ara, sounum-sounum abgiga balamla.

ROMA 6:14

Ugunda unuwanalum an yuba migib lomok unggululum, bok wanaʾ uboka eleksinaʾ migib lomok ululumaʾ anasa, ugunuk malya unaʾ migibaʾ adya hnon gologanggunusil.

GALATIA 3:19

Wera anaso ulumla dara, unuwanalum an yub era hekasa elegesuk do? Ban unuwanalum an yub era, nimi bleknaʾ hwam anasa, seʾ elegosuk. Hnoumunga wiknenanya hnonok pik uboka lero nang edya elegeisik. Unuwanalum an yub era, gigiwoka unulamlyaʾ ara, Abraham bek eleganenggen amoknya benyek yalya dara, wera unuwanalum an yub ek lobongganamak.

GALATIA 5:18

Bok ugunuk dara, Imik Neyung Geisinya adya bo ulumnesil dara, wera unuwanalum an yub ek ara, ganya dib beiliwoka unggulumnelum.

GALATIA 5:21

hman ganya boldanaʾ ab, yu meka deregoka ganya uu anaʾ ab, bera seboka eiya hlan malya unaʾ ab, anasonya nidyaʾ ara malya unaʾ ak ulumla. Nimi ban malya unaʾ enyek nauba unuru yabalamak nang era, Imik Neyung mab adya misaʾ hnon dobnenggunumak aboka, youmaʾ hnon seleb nekesisaʾ ara, onoʾ saawoka sumen hnon neksin.

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

2 TESALONIKA 2:8

wera nimi malya nenesinaʾ dubnya bera alda laga danamla. Dara Yesus ara alja senenggom ganya nong senedyaʾ uboka yanamla sum era, bisaʾ dubnya bera alja malya nenesin bolgamalaʾ ablaboka si leboka obnamla.

1 TIMOTIUS 4:7

Nimi ganya penaʾ orok yuba, salyaʾ hwam neknaʾ yub ek ab, mok nenewoka ululom. Na nong ara, Imik Neyung alsamba ok pe ulunun senewoka, an damnya sunuwoka pe ululom.

1 TIMOTIUS 6:20

Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

2 TIMOTIUS 2:16

Salyaʾ lelem yub era, Imik Neyung si ak malyaʾ nenelemak yub enyek, anda mok nenewoka ululom. Ban unu malya uro saro yabalamak yub era, nimi malya ganya nauba danggiga balasilaʾ anasa, anak dara, nera mok nenewoka ululom.

2 TIMOTIUS 3:2

Nim ara nanokok pewonulul senewoka ulumnamak, rupiah hogung ok beiyiwoka ulumnamak, dengdang anaʾ ganya boboka sondaʾ hwam ok lelemnemak. Sikda yok nim ek geklewoka derewoka walamnamak, nauba nimi yuba lek senewoka bleklemnemak, eleganelemaʾ perob alamakaʾ ara, elgom ulumnamak. Dara, hnonda nimi pe ulumaknya nek ara, sikda lek senelemnamak.

TITUS 1:10

Yuba blekoka eʾ dem yuba leboka, nimi gliboka yokaʾ amba bo balasak nim era nauba ulumak. Okoka dara, Yahudi yuba domek nimi nong enyek, anaso nauba ulumak.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

TITUS 1:6

Nimi yuba dolomakaʾ gaka bo usinnya bera, si gegena ponaʾ oroknya bek ululul. Alda gela hnonok domlyekanya, alja mab era Kristus ak dib senewoka, onoʾ nauba blekoka, salyaʾ yiri-yoro al giriknaʾ orok mabo yaknya bek ululul.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

IBRANI 11:31

Wera ganya dib senenaʾ adya, Rahab gera salyaʾ dongolomok gel bok, alda mok soko maka hmeil bilirek nang ek perobaʾ leboka doboka doknosukaʾ anasa, yok bleklemek nim eb dara neikaʾ obnenggubsuk.

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

1 PETRUS 2:7

Ban girik enera, ugunja alak dib senelelum nim ek dara, deknaʾ nauba girik era an. Bok girik enyek an, dib senenaʾ orok nim emba dara, ban yub enyek lero momnya dobokaʾ gigilamlaʾ ara, ”E sonaʾ nang edya ikoka sobnenggumek girik era, wera hyak gobdo perob girika dok,” aro momnya dobok.

1 PETRUS 3:20

Nera Nuh be ulumok salek, Imik Neyung ak keboka ununggulumek nim ek lel elegel byuk. Ban salek era Nuh bera anam mek ekla bunaʾ e solomok dara, Imik Neyung ara or siklewoka diri ulumokaʾ ara, seleb sobdakok sum era, nimi nidyaʾ seleb gobdo somogek bok, nimi linbadya nim ok blebsuk.

1 PETRUS 4:18

Imik Neyung bukuk sam ara, ”Nimi pe ulumak nim enyek babya okoka blebsinaʾ okna ulusil dara, nimi nauba malya ulumaakanya, Imik Neyung ak hyak gobdo mekaʾ elgom nim ek ara hekaʾ hubnesil!” aro momnya dobok.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.