1 TIMOTIUS 1:5 - PERJANJIAN BARU NALCA YUBA

⁵ Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 TIMOTIUS 1:5 ပူးပေါင်းရင်းမြစ်များ

MATIUS 12:35

Nimi nidyaʾ perob yub ok saro ulumak nim era, sikda perobnya nok deknewoka ulumak adya pe saro ulumak. Dara onoʾ malya unaʾ adya ok deknewoka ulumak nim era, sikjaʾ sibamaʾ ak abaʾ anaba malya yub ok saro ulumak an.

MATIUS 5:8

Nimi geisa ganya boboka ulumak nim era, Imik Neyung bek eibnemak anasa, pe ulumak!

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

RASUL 23:1

Wera Paulus bera Yahudi nang yuba sanaʾ gak nang anyagan ulumek nang ek pe keebdaboka lebokja, ”Nadya hemyab o, na embengaʾ ulunenya nenesa dara, nadya mek ganya edya dara, Imik Neyung ak malya unaʾ ara orok senelamna,” hyok.

RASUL 24:16

Wera nenesa leboka, nadya mek ganya enyek geisa ulunun senewoka, Imik Neyung ak anaba, onoʾ nimi sirik ak anaba, sikenek hyak pe unulunun senewoka sunulyamalamna,” hyok.

ROMA 10:4

Unuwanalum an yub pik peldisinaʾ damok elemekaʾ ara, Kristus yeilimok adya alak peldisinaʾ damok dok. Wera anedya nimi nidyaʾ ganya alak aldib senelemak nang era, peldisinaʾ en dolomak.

ROMA 12:9

Anasa wanaʾ uldanaʾ ak dara, malye senewoka or-ora unaʾ ara hyak mem! Yu ganya boboka malya unya nera mok nenewoka, perobnya nenyek unulululum.

ROMA 14:15

Anasa anda an yokaʾ hnon delelamakanya, anjaʾ hem bek alja ganya soloma dabel dililam dara, wera anda wanaʾ uldalalulum alamla yub ek sunuwoka ununggululam. Kristus ara alsamba seleb somogok anasa, anda denaʾ anasa leboka anjaʾ hem bek somogoldinaʾ ara mem.

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

1 KORINTUS 13:1

Nara nim adya yuba nidyaʾ ella dangoka salasinya bok, lero nang yub anaba ella dangoka salasinya bok, yok nim ek, wanaʾ unaʾ orok dara, wera nadya ella dangoka salasinya yuba danara, abya meklaʾ ak moka go-go alamla sokaʾ ak, senenggom nyonyanaʾ nyo-nyo alamla sokaʾ ak, ulumnesinya.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

1 TIMOTIUS 1:18

Najabo, Timotius o! Men ununumnaʾ lelemek nang edya Imik Neyung adya anak eimik wa welemnamla aboka geklewoka lenjekaʾ anyek, sikja lenjeknya nenyek seiniwoka, lebgen. Anasa, banera dib lebnyek senen ganya boboka, pe ganya duboka yeiriwoka welelom.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 3:9

Bok, sikda mek ganya geisa uboka, alda Imik Neyung adya laga nenemok dib senenaʾ ak ganya kweboka, dib salabmoubuka, ulunok.

2 TIMOTIUS 1:3

Nadya neyung yab edya youmaʾ sikda ulumek sok, nadya mek ganya senenya lonaʾ adya, aralenanya Imik Neyung bek perob aboka giboka mololamna. Nara inimnek yubyek pik Imik Neyung ak molol yabenek ab dara, ugunuk hnon seiniwoka sob-sobaʾ mololesin.

2 TIMOTIUS 1:5

Anja genong Eunike geb, anja donggel Lois geb dadya, sikja Kristus ak dib senelerek sok, anja Kristus ak dib senelelamaʾ ara, nara seiniwoka ulumna. Nadya dara, anda anaso uboka Kristus ak dib senelamlaʾ anyaʾ senelenggen.

2 TIMOTIUS 2:22

Goubenya nim edya nenyek perob senewoka malya ulumaknya nek, anda mok geboka ululom. Anda Imik Neyung amba ok perob senelamla sunuwoka pe uboka, alak hyak dib senewoka, nim ak wanaʾ uboka, hyak namenaʾ anyek ululom. Perob ganya boboka, Wenelesilnya bek araweisilom aboka, molowoka ulumak nim eblaboka, anaso unu ulululum.

TITUS 1:15

Nimi ganya geisa ulumak nim ek dara, yokaʾ-yokaʾ nidyaʾ ara geisa deng ok ulumla. Bok nimi yuba okoka ganya goluwoka donaʾ loboka, ganya sembejaʾ adya ok goluwoka ulumak nim era, sikja sobaʾ seininaʾ ab, sikja mek ganya seininaʾ ak ara, seleb sembejaʾ ok dokaʾ anasa, geisa unaʾ ara mekaʾ me anaba unggulusil!

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

IBRANI 13:18

Dara nunda yokaʾ-yokaʾ ak ara hyak pe unya nenyek senelemabaʾ anasa, wera nusamba leboka hyak sobaʾ heng uboka mololomnesulum. Nenera nunda ella ulumabaʾ ara nunjaʾ mek ganya ek dara, hyak pe ulumabaʾ anasa.

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

YAKOBUS 4:8

Ugunda Imik Neyung berem bumun dara, alda ugun berem yanasil. Ugunda malya unaʾ nim o, ugunja soruk era pe mek elekdolulum! Ugunda ganya penya-penya ululum nim o, ugunja ganya enyek geisa nenebdolulum!

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 3:16

Bok ban unuwanamunaʾ amba dara, pe namen ganya edya heknaʾ ganya boboka unuwanalum. Ugunda Kristus adya diriga ban nim ulumnelumaʾ anasa, yok yuba donaʾ orok nim edya wabnesak bok, ugunja pe ulumnelumnya nenesa wabnesak ab dara, onoʾ sik dam nimi meknewab senewoka sikenek saawoka alya dabnesilaʾ anasa, perob unaʾ an ella ululumnya nok unulululum.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.