1 TIMOTIUS 1:18 - PERJANJIAN BARU NALCA YUBA

¹⁸ Najabo, Timotius o! Men ununumnaʾ lelemek nang edya Imik Neyung adya anak eimik wa welemnamla aboka geklewoka lenjekaʾ anyek, sikja lenjeknya nenyek seiniwoka, lebgen. Anasa, banera dib lebnyek senen ganya boboka, pe ganya duboka yeiriwoka welelom.

1 TIMOTIUS 1:18 ပူးပေါင်းရင်းမြစ်များ

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

1 KORINTUS 4:17

An nenesa leboka, hem Timotius benyek na lunuwoka ugunuk bilom aboka bokol yeisin. Al Timotius bera, Wenelesilnya bemba ganya goluwoka pe welelanya bek, nadyaʾ yokaʾ dam me neneso wanaʾ ulumna me nek, bokol yeisin. Alda hyak pelemla senewoka, welelul senelamna me. Dara alja ugunuk, nadya Kristus ak dib senemsa danyek ulusenya nenyek an ara, nadya yuba donaʾ nimi wenero yabalasinaʾ anyek, ugunuk saawoka bekellilimnesil.

1 KORINTUS 9:7

Heknedya yinaʾ bonanya ululabok, albeyok doboka dekoka denemso de? Dara, onoʾ heknedya alja wak sam den gal yinaʾ mesodyok, doka dakoka denaʾ lobnamso de? Dara, heknedya domba beillilesodyok, moum souba londowoka denaʾ ara, lobnamso de?

PILIPI 2:22

Timotius bera ugun gangganek wa pe welesukaʾ ara seleb eillilelum. Alda nablaboka neikaʾ Imik Neyung adyaʾ perob lero yanggan yub era yeiriwoka lero yabalenamnya. Nab alab dara, nimi neyung eb alaʾ me neikaʾ kwebdangoka ulumak sok ulunam.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 TIMOTIUS 4:14

Ununumnaʾ lelemek nang edya ansamba hnon orowek geklewoka lebjeekanya, nimi bo usin nang edya anak soruka luluwoka, Imik Neyung ak alda ban wa welemnamla aboka soruk diyinjekaʾ adya, ban unu welelomaʾ aboka elegenjeknya nera, beillonggom, mem.

1 TIMOTIUS 4:4

Imik Neyung adya yokaʾ-yokaʾ nidyaʾ uyimokaʾ ara, perob anasa, Imik Neyung alak eleklesilimaʾ perob wenyaboka doboka den dara, wera nera memaʾ hnon unggulumla.

1 TIMOTIUS 6:20

Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

2 TIMOTIUS 1:2

Anya wera, nunjaʾ neyung Imik Neyung ak ab, nunja Wenelesilnya Kristus Yesus ak ab, wanaʾ uboka eleksinaʾ ab, angoo yadyek senewoka arasinaʾ ab, namen unaʾ ab dadya, anak arawoka ulunggulul.

2 TIMOTIUS 4:7

Nara pe yeiriwoka oldalamsa. Nara bik-bikal dakal bilimsa. Nara dib senenaʾ ak pe bojam ulmorulamnyaʾ ara sidyaʾ daknamla.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

PILEMON 1:10

Nara Paulus bera, henga goubnaʾ ek ulumsa salek era, Onesimus bera nadya me Imik Neyung me dangamoknya bemba, alak perobaʾ lebnelam aboka hnonok molowagen.