1 TIMOTIUS 1:17 - PERJANJIAN BARU NALCA YUBA

¹⁷ Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 1:17 ပူးပေါင်းရင်းမြစ်များ

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 5:44

Ugunda Imik Neyung be hnonok ok ululanya bedya gigiwousululaʾ aboka enaʾ loboka, alda ugunuk nimi yok nim edya nuk gigilesinok senewoka hogunga bo elelum dara, hekadya ugunda dib senewanasom do?.

ROMA 1:20

Alak ab laga danganggulumlaʾ ara, aljaʾ migibaʾ ulmorulamlaʾ ab, aljaʾ Imik Neyung unaʾ dibaʾ an hnon, bok alja soko uyiwok salek ab mouruwoka, an penya damok era, seleb eillilimak anasa, eilinggulumaknya nera, anyeganyeb ella dangalamak anasa, sikda sene bobnenewoka anasa-anasa henggunuseng.

ROMA 1:23

Dara sikda Imik Neyung adyaʾ perobaʾ denghenggunumlaʾ ara, lowoka nim anasoʾ sunulumakaʾ denghenelanya nenyek lunuwoka, wining anasoʾ gom, yokaʾ-yokaʾ ganya orokaʾ yan dombadya ulumlaʾ anasoʾ gom, soko pik belega yabalelanya nenesoʾ gom, anyek lunuwoka memelemek.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 16:27

Yesus Kristus pik uboka, Imik Neyung al alak ok hnonok, hyak geremseng nongaʾ si imik nenewoka gibnaʾ ara, alsamba ok hyak sob-sobaʾ ululul! Amin.

ROMA 2:10

Bok perobaʾ senenggomaʾ ab, si imik nenenaʾ ab, pewoka namenaʾ unaʾ ab dara, nimi nidyaʾ pe unulumak nang edya dobnemakaʾ ara, men youboka dara Yahudi nang hnon, anya dara, onoʾ Yunani nang eneba, sikenek yameb goluwanesil.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

IBRANI 11:27

Dara ganya dib senenaʾ adya, Musa bera dubnya be wabnelyek senewoka loka dabnenggubookanya, alda Mesir mok soko lobok. Anya alda lak gomnya nenyek heng yokaʾ bekoka eiyimnaʾ anaso anyek kemeldablemok.

IBRANI 2:7

Bok anda nim ek ara, lero ara imik nenewoka, nim ak dara, sokok nenewolum. Nim ek ara, alja si imik nenewoka, alja si nera gigiwoka,

1 PETRUS 5:11

Imik Neyung ak hnonok alak ok hyak sobaʾ or migibaʾ ulmorululul. Amin.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.

WAHYU 17:14

Anya sikda domba me ak mala boboka oldalamnamak. Bok ban domba me ara nidyaʾ wenelesak nang sikja senenggom Wenelesilnya ulumnamlakanya, nidyaʾ dub nang dubnya ulumlaʾ anasa, alab, sikenek weboka doboka alak bojam ulumak nang eb dadya, oblamaganamak,” wenyaboka nekenyok.

WAHYU 19:1

Ban nen seleb dara, imik heikek ara, nimi gong longowoka yuba irir aboka salamnaʾ anaso ak kebsaʾ ara, ”Haleluya! Imik Neyung ak or giblenob e! Blebsinaʾ ab, si imik nenenaʾ ab, migib unaʾ ab dara, nunjaʾ Imik Neyung aljaʾ ak ulumla. Alak giblenob e.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.

WAHYU 19:6

Dara nara, onoʾ nimi gonga longowoka yuba irir aboka salamna anaso ab, mek lumdam yub ollallek anaʾ anaso ab, liminga gururu anaʾ yub anaso ab dara, an unurub digum anasoʾ adya wenyalamokaʾ ak kebsaʾ ara, ”Haleluya! Nunjaʾ Wenelesilnya Imik Neyung senenggom migib yaknya bera, wera seleb dubnya dangoka wenel yabalasil. Imik Neyung ak or giblenob e!

WAHYU 7:12

lelemekja, ”Amin! Giginaʾ ab, si imik nenenaʾ ab, geremsengaʾ ab, perob aboka gibnaʾ ab, wa bonaʾ amba giginaʾ ab, migibaʾ ab, senenggom unaʾ ab, nunjaʾ Imik Neyung ak dara, or sobaʾ ulmorululul, aldib or unululul!” wenyaro giblemek.