1 TIMOTIUS 1:15 - PERJANJIAN BARU NALCA YUBA

¹⁵ Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

1 TIMOTIUS 1:15 ပူးပေါင်းရင်းမြစ်များ

MATIUS 1:21

Maria gera eimik nengma ak beibnamla. Ban me nenedya alja nimi sikja malya unaʾ ak ab blebnesilaʾ anasa, alja si nera Yesus ak aboka sibnelam,” hyok.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 18:11

Anasa nimi dibaʾ me ara weiningdangamek nim ek blebnunaʾ aboka yeilimok!”

MATIUS 9:13

Ugunda ban yub enera hekasa lero momnya dobokaʾ anyek seiniwoka einiwanalum: Nara pam unuruwaʾ oboka gibil yangganaʾ ak perob senenggulumna bok, alda angoo yadyek senen ganya ek perob senelamna. Anasa nara nimi seleb pe ulumab senelemak nim ek youbsununaʾ aboka yanggumsa bok, alda nimi nara malya nanga seneldalamak nang enyek, youbsununaʾ aboka yeilimsa,” hyok.

MARKUS 2:17

Wera Yesus adya sikja heibsikaʾ anyek keboka, alja sikenek lebnesukaʾ ara, ”Nim eikaʾ ulumak nim edya hwesin nang ek hwebneso senenggulumak bok, alda nimi neiklemak nang edya ok hwenaʾ nang hwebneseng senelemak. Nara sokok sam yeilimsaʾ ara, pe ulumak nim ek nak yanokaʾ aboka yanggumsa, alda malya un nim enyek, nak yanokaʾ aboka yeilimsa,” hyok.

LUKAS 15:2

Wenyek Parisi nang eb, Yahudi yuba neksin nang eb dara, omoma lelemek. ”Wei, ban benera malya nang enyek, yoululum aboka leboka, denaʾ anaba sikeneb neikaʾ delemak!” aboka lelemek.

LUKAS 19:10

Nimi dibaʾ me ara, weiningdangamoknya nenyek eboka blebnunaʾ aboka yeilimok,” hyok.

LUKAS 5:32

Nara nunda pe ulumab senelemak nim emba yanggumsa, alda malya unaʾ nim enyek, sikja malya unulumakaʾ ak ab, ganya dangawoka lobnokaʾ aboka yeilimsa,” hyok.

YOHANES 1:12

Bok, alak dib domek nanga nidyaʾ ara, alja si nek dib senemek nim era, Imik Neyung mabo dangalamak migiba elegosuk.

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

YOHANES 12:47

Nara sokok an yana lelelesununaʾ aboka yanggumsa, soko nimi blebsununaʾ aboka yeilimsaʾ anasa, nimi ben hnon heknedya nadya yuba keleladyok pe ununggulumla dara, nara alak yana lelewanggunumna.

YOHANES 3:36

Heknedya Imik Neyung bedya me nek dib senewalenya bera, dib ulmoubnaʾ ganya seleb dolomla, bok heknedya alja me nek bleklelanya bera, dib ulmoubnaʾ ganya hyak dobnenggunumlakanya, Imik Neyung adya yu ganya ara al nong ak sob-sobaʾ ulumnamla,” hyok.

RASUL 11:1

Yok-yok Yudea sokok sam ara Imik Neyung yuba lenaʾ gak nang eb, yok Imik Neyung yuba domek sik kabo nim eb, wera Yahudi nimi gom bok nim enebabya, wera Imik Neyung yuba dib senewoka dolomak an yub kemek.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 3:26

Wera anasa leboka, Imik Neyung adya alja me Yesus sekiyiwoka, binilam aboka, ugunuk men youlul aboka, orugomok. Ugunda nidyaʾ malya unaʾ ganya dangiyiwoka ugunuk perobaʾ neniyiwousululaʾ aboka, youlul aboka orugomok,” wenyaboka Petrus bedya lebok.

ROMA 11:14

Wera anedya nara nim ek sam dara, nadya mok soko nim ek sikja ganya soloma gebnesisinya adya, sikenek nimi wene nimi hnon blebnesisinya.

ROMA 5:6

Wera anasa, nunda anam hmeng ulusuk salek, Imik Neyung adya ban salek enyek senemokaʾ sunuwoka, Kristus ara nunda wonaʾ dangamoub nang emba seleb somogosuk.

1 KORINTUS 15:9

Wera nak dara, Imik Neyung yuba donaʾ nim ek nauba olosisaʾ anasa, nak dara, hyak soko nong ok an Wenelesilnya bedya yuba lenaʾ gaknya ulumnakanya, wera Imik Neyung yuba lenaʾ gaknya hengguneneseng senelamna.

EPESUS 3:8

Nimi munaʾ Imik Neyung mab ulumakaʾ gangganek ara perob nim ek ulumak bok, nak dara, hyak meilinya bek ulumna. Bok anyek babya, Imik Neyung adya aljaʾ perobaʾ eleksinaʾ ara nak eleganyokaʾ ara, Kristus adyaʾ nidyaʾ olowoka ella damenggom ununaʾ yuba ugunda Yahudi gom nim ek lel eleknaʾ wa nek hnonok eleganyok.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 1:19

Anda dib nong yub enyek ganya kweboka salabmoubmenekanya, ganya seininaʾ ak nekel eleklesilnya nek pe keboka, dulaʾ engewoka welelom. Hnon nim era, ban ganya lomok ono wenelelanya nenyek pe kenaʾ orok dara, sikja dib senelemakaʾ ara malya dangoka eiyiba daralamla.

1 TIMOTIUS 3:1

Nimi ben hnon bo usin wa webnun senewalenya bera, alda perob wa webnun ganya seinilamlaʾ adya pelelaba, hnon wenyalamak dara, dib lelemak.

1 TIMOTIUS 4:9

Ban yub enera hyak dib nong anasa, doboka onoʾ hyak dib senewanok.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

2 TIMOTIUS 2:11

Dara, ban lelemak yub era dib nong: ”Nunda alablaboka somogomouba dara, onoʾ eimik era suboka alab neikaʾ embengaʾ ulumnemab.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 7:25

Wera anasa, Yesus ara, alda sobaʾ ulmorulamlakanya, bleblesil nim enesa leboka, Imik Neyung ak sobaʾ mololosilaʾ anasa, aldib sobaʾ ulmorulamlaʾ adya, nim Imik Neyung ak al pik uboka yalamak nim era, hyak gobdo dibaʾ amba bleblesil.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 5:11

Dara laga len yub era ban: Imik Neyung ara nuk seleb dib embengaʾ ulmoubnaʾ elegesuk. Dara, ban dib embengaʾ ulmoubnaʾ damok ara alja me lomok ulumla.

WAHYU 21:5

Dara onoʾ al ekla bunaʾ ak bukumoknya bedya, ”Yokaʾ-yokaʾ nidyaʾ ara, gobdo wenyoknya nenewanaʾ ara, kendelom!” hyok. Dara onoʾ hnon nak, ”Ban yub enera hyak dib nongaʾ uboka, alda dib senewanamak yub ek anasa, anda or momnya dobnelam,” wenyaboka lebnyok.

WAHYU 22:6

Dara onoʾ an lero era nak hnon lebnyokaʾ ara, ”Ban lebna yub danera, hyak dib nongokanya, ganya beilimnaʾ nong yub ek ulumla. Anya Wenelesilnya Imik Neyung bera, ununumnaʾ lelemek nang, sikja Wenelesilnya benyaʾ, alja lero ek Imik Neyung bedya mab ek eimik unuwanamlaʾ anyek, sikenek ella danokaʾ aboka, laga neksulul aboka nak oruganyok,” wenyhenyok.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.