1 TIMOTIUS 1:13 - PERJANJIAN BARU NALCA YUBA

¹³ Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 1:13 ပူးပေါင်းရင်းမြစ်များ

LUKAS 12:47

”Alja wa dubnya bedya ganya seininaʾ ara ella ululadyok, pe diri unaʾ loboka, alja lelemla sok pe sunuwoka wa wenggululanya bek hyak nauba legebnaʾ deboka obnamla.

LUKAS 23:34

Dara Yesus ara lero mololomokja, ”Neyung o, ban nang enedya unulumakaʾ ara, damok ara elgomjok ulumakaʾ anasa, sikja malya unaʾ era sikenek ab memelesilom,” hyok. Yesus adya ongolomok akleng era, heknedya dobnamla aboka, yina bomdewoka bokol dalamek.

RASUL 22:4

Dara, nadya wenyok lanabok yuba dolomak nimek doluwoka lobaʾ nenewoka olosisa. Nera sikda nidyaʾ gelewa ab, nengmab ab, nadya henga geregoka, gasa ek beillilisisa.

RASUL 3:17

”Wei hemyab o, anasa wera, ugunub ugunja dub nang eb, Yesus ak unulum ara, elgom adya unulum anyek, wera nara ella ubsin.

RASUL 8:3

Bok, Saulus bera yeiniboka Imik Neyung yuba donaʾ nim era, nauba deijik senewoka soldob menegonun aboka dulumok. Dara, alda hnon ek obgogowan dara, onoʾ hnon yok ek biniboka Imik Neyung yuba dib senemna nang, nengmab ab gelewa ab, doboka bobna dara, nimi henga gereksin ek sam henga geregel balasuk.

RASUL 9:1

Dara onoʾ al neik salek Saulus bera Wenelesilnya Yesus ak diriga ban nang ek yeiriwoka olosunun senen ganya boboka, yub adya lobaʾ nenellilisuk.

RASUL 9:13

Bok Ananias bedya dara, ”Wenelesilimnya, o nara ban benesa nimi nauba alsamba, alja nimi munaʾ Imik Neyung mab Yerusalem heikek ara nauba oboka unulusil alamaknya bek anasa,” hyok.

RASUL 9:5

Wera Saulus bedya, ”Neyung o, anda heknya do,” aboka heimok. Dara onoʾ adya Saulus bek lebok ara, ”Nara Yesus anja lobaʾ nenewoka olonelemnya bera nara alan,” hyok.

1 KORINTUS 15:9

Wera nak dara, Imik Neyung yuba donaʾ nim ek nauba olosisaʾ anasa, nak dara, hyak soko nong ok an Wenelesilnya bedya yuba lenaʾ gaknya ulumnakanya, wera Imik Neyung yuba lenaʾ gaknya hengguneneseng senelamna.

1 KORINTUS 7:25

Wera gela nenya dobdanggom nim emba lebnamna. Ban nenesemba dara, nara Wenelesilnya bek ab yuba hnon okoka neknenggunyok bok, Wenelesilnya bedya nak angoo yadyek senewoka eleklenelnya bedya, ban senelenanya nenyek neknesin.

GALATIA 1:13

Nara youmaʾ Yahudi yuba domsakanya unulamsaʾ ara, ugunda nidyaʾ seleb kelelum. Nara Imik Neyung yuba donaʾ nim ek nauba malya nenewoka oboka, orok nenewoka obgiga balamsa.

PILIPI 3:6

Ban nenesa leboka, nauba yeirilamsakanya, Imik Neyung yuba donaʾ nimi nauba malya ura obsisa. Nak dara, unuwanalum an yuba donaʾ ak sam amba dara, nara hyak si gegena mekaʾ ponaʾ oroknya bek ulumsa.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.