1 TESALONIKA 5:1 - PERJANJIAN BARU NALCA YUBA

^1-2 Wera na kabo nim o, Wenelesilnya yanamla sum era, nim adya hokaʾ dolomak nim inimnek gelelenga yabalamak sok, al yanamlaʾ ara, ugunda pe ella ululumaʾ anasa, yokaʾ-yokaʾ unulumnamla salek era, ugunuk momnya doboka elekdanggunusibya.

1 TESALONIKA 5:1 ပူးပေါင်းရင်းမြစ်များ

MATIUS 24:3

Wera Yesus ara Zaitun meinik biniboka bulumok dara, alja yuba doro diriga ban nang era alab neikaʾ sikbeyokaʾ yuba sabnobaʾ aboka yek. Dara sikda alak, ”Neyung o, nidyaʾ ban lelelamnya nera hek sum ek unuwanamlaʾ ak aboka neksilom,” hyek. Anya, ”Neyung, an yanalamaʾ beknaʾ dibaʾ ab, sidyaʾ daknamlaʾ beknaʾ ab dara, hek lok so beknaʾ ak lanawanamla do?” hyek.

MATIUS 24:36

”Hek sum ek, hek jam ek Yesus yanggan sum era, imik heikek ulumak lero nang eneba elgom, Imik Neyung bedya me neneba elgom, alda Imik Neyung ok hnonok albeyokaʾ ella ulumla.

RASUL 1:7

Dara, Yesus adya alak diriga ban nang ek lebsuk ara, ”Imik Neyung bedya ok, alja sum enyek unuwanamna senewoka ella ulumla. Anasa ban unun damba dara, ugunsamba gom, Imik Neyung bedya ok ella ulumla.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

1 TESALONIKA 4:18

Anasa, ban yuba lebdangoka ganya hekellildalamnalum.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

YUDAS 1:3

Nadya hemyabo wanaʾ ulusin nim o! Nunja neikaʾ dib senewoka domouba blebsinaʾ damok enesa, momnya doboka beibsununaʾ aboka ulumnakanya, onoʾ munaʾ Imik Neyung mab ek dib senenaʾ damok gobdo elegesuknya bemba, ugunda duboka salabmoubnelum aboka, ugunuk dukaʾ lolom-lolom along sok wenyaboka lebnesin senewoka momnya doboka beibsin.