1 TESALONIKA 4:9 - PERJANJIAN BARU NALCA YUBA

⁹ Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

1 TESALONIKA 4:9 ပူးပေါင်းရင်းမြစ်များ

MATIUS 22:39

Dara onoʾ penenya bok al neik soʾ ara: Andam nang wanaʾ uldalalam sok, an kabo nim ek unuwoka wanaʾ ulusilom.

YOHANES 14:26

arasinya bera, Neyung bedya nadya si pik uboka bokol yanasil Geisinya edya, yokaʾ-yokaʾ nidyaʾ ugunuk neklemnesilikanya, nara ugunuk lesisa yuba nidyaʾ bekellilimnesil.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

2 KORINTUS 9:1

Nimi munaʾ Imik Neyung mab ek aranaʾ ara, ugunda arawanasibya ganya seleb nauba bololumaʾ anasa, unuwanalum aboka momnya dobnenggunusisinya. Makedonia nim ek anaba, sikda anaso ganya bolomak aboka, ugunuk gigileng sok lero yibisa. Makedonia nim ek ara, Akhaya mok ulumak Imik Neyung mab era seleb lemoub gibnaʾ ek abaʾ, sikda anaso arawanamab aboka seleb seinibgogomek aboka nekesisa. Dara, ugunja unululumnya nedya, nimi nauba yeng ganya neneiyilum.

PILIPI 3:15

Nunda nidyaʾ Imik Neyung yuba domoubukanya, seleb ganya kalasil nim era, neik ganya enyek unu bobnemab. Bok ugun gangganek sam ara, nimi hnon yoko seinilemun dara, Imik Neyung adya ugunuk nek arawanasilaʾ.

1 TESALONIKA 5:1

Wera na kabo nim o, Wenelesilnya yanamla sum era, nim adya hokaʾ dolomak nim inimnek gelelenga yabalamak sok, al yanamlaʾ ara, ugunda pe ella ululumaʾ anasa, yokaʾ-yokaʾ unulumnamla salek era, ugunuk momnya doboka elekdanggunusibya.

IBRANI 10:16

”Wenelesilnya Imik Neyung bedya dara, ban salek seleb dara, wenyek unubdanamab an yuba nadya eleganasinaʾ ara an. Nadyaʾ unuwanalum an yub ek, sikja ganya lomok sam beibnamna, anya sikja ganya seininaʾ ak hnon momnya dobnesin, ” hyok.

IBRANI 13:1

Dara, ugunja hemyabo nim ek wanaʾ uldanaʾ ara hyak pe unulululum!

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 2:10

Alja hem yab ek wanaʾ uboka ululanya bera, alda dilinaʾ ak pe ulumla. Wera anadya alak yokaʾ unuwalya dara, yok nimi malya unaʾ lomok malyinggijek senenaʾ ara, oluk diknaʾ hyak unggulumla.

1 YOHANES 3:11

Nunda wanaʾ uldalamnemab an yub era, men youbuka ugunuk seleb leb elegesik.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 4:21

Ban nenesa leboka, Kristus adya unulululum aboka nuk elegesuk yub era ban: ”Heknedya Imik Neyung ak wanaʾ ulumla dara, wera alkab ek anaba wanaʾ ululul,” hyok.