1 TESALONIKA 4:4 - PERJANJIAN BARU NALCA YUBA

^4-5 Imik Neyung elgom ulumak nim era, gel ganya nauba bolomak sok unggom. Ugunda nidyaʾ ara ugunja nonga geisa ulululaʾ aboka, pe eboka pe unuldalamnalum.

1 TESALONIKA 4:4 ပူးပေါင်းရင်းမြစ်များ

RASUL 9:15

Bok Wenelesilnya bedya Ananias bek, ”Anda or bilom e,” hyok. ”Nadya Saulus bek, nak aralenulul aboka, nadya yub enyek Yahudi gom nim ek hnon, mok soko dub nang ek hnon, alja mok nim Israeli nim ek hnon, leb elekdo yibilul aboka, nadya gaboka domna anasa, anda or alak bilom.

ROMA 1:24

Anasa leboka, Imik Neyung ara sikda sikja unulusibya senen ganya era malya unuru yabanaʾ ak lobonggosuk, wera anedya sikda sikja nong era malya neneldalamek.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

ROMA 6:19

Nara ban nim adyaʾ lelong sok wenyhenya nera, ugunja hmeng enesa lebna. Anasa ugunja nonga, soruka, yan era, youmaʾ dara, sembejaʾanya beb, wonaʾ unaʾ nauba danggiga balamlaʾ ak, sikja wa wen nang aboka bo elekdangalum sok, neikso wenebabya ugunda ugunja nonga, soruka, yan era, penaʾ adya ban pe munaʾ gobdo unaʾ ak bo balanggelaʾ anyek, alja wa wenya aboka bo elekdanalum.

1 KORINTUS 6:15

Ugunja nonga yok-yok ara, hiboka Kristus nong ululumaʾ ara, ugunda elgom de? Dara, Kristus adya nong ululumaʾ anyek, nadya doboka gela salanaʾ ak neikaʾ hil binisinya de? Hyak unuwanggunusinya, mem.

1 KORINTUS 7:2

Bok, doldanaʾ orok adya, meknewoka salaldalamakaʾ anasa, nengmab ak dara, alba alja gel ge dobnamla. Dara, gel ak dara, albabya nenya dobnamla.

1 KORINTUS 7:9

Bok, gela nenya dobsinya ganya nauba seinilemun dara, wera men gela nenya dobnelum. Gela nenya dobsinya ganya adya, anja ganya nauba oka delesilya dara, or gela nenya dobnelum dara, perob so.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

PILIPI 4:8

Wera, nadyaʾ hemyabo nim o, ugunja ganya ek ara, nim unaʾ perob dangalalanya nenyek, pelemak aboka gigiwanasijenya nenyek, nera pe unaʾ ab, gibildanaʾ ganya ab, perob ok ununaʾ ab, geisa ululanya neb, pelelanya neb, perobnya nedyok ugunja ganya ek deknewoka ulusulul.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.