1 TESALONIKA 4:3 - PERJANJIAN BARU NALCA YUBA

³ Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TESALONIKA 4:3 ပူးပေါင်းရင်းမြစ်များ

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

MATIUS 5:32

Bok wenyek dara, nara ugunuk dib lebnesin, Heknedya alja gel gera meknenaʾ orok bok, lobna dara, gel gera onoʾ yoknya bedya dolomla dara, wera gel genyek malya unaʾ dangallilimla. Anya heknedya yoknya bedya lobna gel genyek dolomla dara, beneba malya ulumla,” hyok.

MATIUS 7:21

”Nimi nak, Wenelesilimnya o, Wenelesilimnya o, alanyak nim era, nidyaʾ Imik Neyung wenesin heikek weknenggunumak bok, alda nadya neyung be imik heikek ululanya bedya unuwanok senelamlaʾ anyek unulumak nim ok weknemak.

MARKUS 3:35

Imik Neyung bedya unuwanok senelamlaʾ anyek unulumak nim enyek, sikenek danyek, nadyaʾ hemyabo, nadya hmal gelewa, nadya genong yab ulumakaʾ ara an,” wenhyok.

YOHANES 4:34

Dara Yesus sikenek, ”Nadya denaʾ era, nadyaʾ neyung, nak bokol yeilinyoknya bedya, alja senelamla anyek, unululul senelamlaʾ hnon, nak welelulaʾ aboka lenyok wa hnon, senenenya loboka welemna dara, wera nadya denaʾ era alan,” hyok.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

RASUL 15:20

Bok nunda wen sikenek, sikja nim ugumaʾ ak sam hweboka beil balamak denaʾ dijik aboka hnon, gel salaldanaʾ anyek lobongganok aboka hnon, enenga heiboka somogalya wininga manaʾ ak dijik aboka hnon, enenga dijek aboka hnon, momnya donaʾ pik, nera loblulum aboka beibnemab.

RASUL 15:29

Ugunda bisaʾ ak geklewoka hweboka beibija denaʾ masa era doboka denggom mem. Dara onoʾ, yokaʾ eneng ara salyaʾ denggom mem, nonga heiboka somogalya wininga manaʾ salyaʾ denggom, mem. Dara onoʾ, hnon gela salaldanaʾ ak, ugunda mok sam geboka ulululum. Ugunda ban nidyaʾ lebabnya danyek nidyaʾ mok sam geboka ulumun dara, wera hyak pelemunaʾ ara an. Seleb lebab, perob e,” wenyaboka momnya doboka beibek.

RASUL 20:32

”Dara wenyok, nara ugunuk Imik Neyung bek hnon, alja wanaʾ uboka eleksinaʾ yub ek hnon, dib elek lobsin. Al ugunuk migibaʾ nenellilisilikanya, onoʾ alja mabo munaʾ gobdo dangalillisilnya bek elek lobsin.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 7:2

Bok, doldanaʾ orok adya, meknewoka salaldalamakaʾ anasa, nengmab ak dara, alba alja gel ge dobnamla. Dara, gel ak dara, albabya nenya dobnamla.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

GALATIA 5:19

Wera nimi ganya oka desinaʾ adya ununaʾ laga eillilimabaʾ ara gela salyaʾ salanaʾ ab, sembejaʾ unaʾ ab, ganya sirigaʾ beilinggom ganya ab,

EPESUS 5:17

Ugunda dongdang anaʾ ara loboka, alda Imik Neyung adya unuwaneseng senelamlaʾ anyek pe seiniwoka ella dolulum.

EPESUS 6:6

Nim adya heng eiyiwoka unu welemak aboka kemelesija salek ok perob seneweisinok senen ganya boboka wenggom, mem. Alda Imik Neyung adya senelamlaʾ ak unulumak nang geknewaʾ Kristus yuba domek nang ek adya, alsamba ganya gouluwoka welelulum.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

KOLOSE 3:5

Anasa, sokok an ulumakaʾ yokaʾ-yokaʾ, gela meknewoka salanaʾ, sembejaʾ neneldanaʾ, salyeʾ unulunun ganya hwam ab, malinya nenyek unulunun ganya, nak nauba dangalanulul ganya ara, salyaʾ ak gibnaʾ ganya era, ban nidyaʾ ugun lomok ab ugun dam nang adya somogiyiwanalum.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TESALONIKA 4:2

Wenelesilnya Yesus bek ab hek oruknaʾ yub ak ugunuk elegosubaʾ ara, ugunda ella ululum.

1 TESALONIKA 4:4

Imik Neyung elgom ulumak nim era, gel ganya nauba bolomak sok unggom. Ugunda nidyaʾ ara ugunja nonga geisa ulululaʾ aboka, pe eboka pe unuldalamnalum.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

IBRANI 12:16

Anya nimi hnon hyak gel ak unuweisinya ganya adya wekdeknewoka, Esau bera gwaneng denaʾ piring hnonok amba aljaʾ yandonya bedyaʾ misaʾ era, pe seininaʾ loboka men dekok sok, neikso ununaʾ ara mem.

IBRANI 13:21

ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

IBRANI 13:4

Dara ugunda nidyaʾ ara gela nenya doldanaʾ ak ara hyak perobaʾ senewoka imik nenelemnelum. Wera sik salyaʾ dongolomak nim eb, meknewoka salyaʾ salaldalamak nim eb dara, Imik Neyung adya yana lelewanasilaʾ anasa, ugunda gela nenya ara hyak pe uboka mekneldanggom mem.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

1 YOHANES 2:17

Soko nim eb, yokaʾ-yokaʾ soko dubuk ulumla nidyaʾ ara, nim adya perob senelemakaʾ anyek, seleb dengabgiga balamla. Bok, nim Imik Neyung yuba doboka dib senelemak nim enyek, hnonok or sobaʾ ulmoublemnemak.

WAHYU 21:8

Bok nimi nidyaʾ lok hwam nim eb, yuba dib senenaʾ orok nim eb, malya uboka gasa ganya bolomak nim eb, nimi salyaʾ olomak nim eb, gelaʾ nauba salalemak nang eb, nimi guma guklesak nang eb, bisaʾ girik gala giblemak nim eb, nimi nidyaʾ sondaʾ hwam nim eb dara, ban sobaʾ singilamlaʾ uk mek gwanek sam doboka dabnesil. Wera penenya somoganamakaʾ ara an,” wenhyok.

WAHYU 22:15

Bok nimi guma guklesak nang eb, gel salanaʾ hwam ok ulumak nang eb, nim dib olomak nim eb, bisaʾ girik gala giblemak nim eb, sondaʾ hwam ok lelemak nim eb, nera yuba sirik adya sondaʾ lelemak gom, sene bobnenewoka wanaʾ ulumak nim eb, ban nimi digum nidyaʾ ara, perob heikek ab weilik geboka ulumnemak,” hyok.