1 TESALONIKA 3:3 - PERJANJIAN BARU NALCA YUBA

³ Wera anadya nunja wen an igina kwelesilnya nenesa leboka, ugun gangganek ara, nimi hnon nang era Kristus ak ganya kweboka unaʾ ara lobmunuk aboka bokonam. Ban unu igina kwelesilaʾ ara, Imik Neyung adya hnon unuwanasil senemokaʾ ak ulusilaʾ ara ella ululum.

1 TESALONIKA 3:3 ပူးပေါင်းရင်းမြစ်များ

LUKAS 21:12

”Bok ban nidyaʾ anam unuwanggumlya salek era, yok nang edya ugunuk heng gouboka saboka obnesak. Ugunda Yahudi nim edya yuba don e pik ab hnon, henga gouboka yana lelewanasaakanya, henga gouboka gasa ek hnon doronggoka beibnesak. Ugunda nadya yuba donaʾ nimi dibaʾ ululumaʾ anasa leboka, ugunuk mok soko dub nang eb yok-yok senenggom nang edyaʾ saramek henga geregoka bol giriklemnesak.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 2:25

Onoʾ hnon, ”Yesus amba Daud bedya lebokaʾ ara ban: Nadya Wenelenelnya bera, nadya hogunguk sam sobaʾ eillilamna. Alda nab neikaʾ ulunam adya, yokaʾ-yokaʾ adya daldom-daldom henggununel.

RASUL 21:11

Alda nuk sam yeiniboka, Paulus bedya gouka noronaʾ ek domok. Dara, Paulus bek ab dobok gouka noronaʾ adya, alja yan eb, soruk ab norobdangoka lebokja, ”Imik Neyung Geisinya bedya nak wenyanel ara, Ban gouka noronaʾ damnya bera, Yerusalem heikek ab, Yahudi nim edya henga goubijekanya, Yahudi gom nim edya sorukuk eleganamak,” wenyaboka lemok.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

RASUL 9:16

Dara nadya eimik era, Saulus bek nasamba leboka alak yokaʾ-yokaʾ nidyaʾ igina kwebnamla anyek elegoka aawanamna anasa, or bilom,” hyok.

ROMA 5:3

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

1 KORINTUS 4:9

Nadya seinilamna dara, nu Imik Neyung yuba lenaʾ gak nang dara, Imik Neyung adya nuk seleb, nim adya ngoluksin nanga hnon, lero nang edya ngoluksin nanga hnon dangiyisuk. Nuk dara, malya umnaʾ anasa, obnamna nim eneso uboka, nimi hogung ok sam obnemab aboka, onoʾ sokok anyeb ebngalogoka glollisin nim enesoʾ ak ulumab.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

PILIPI 1:28

Ugunja isaʾ nang ek lok ganya bonaʾ loboka, sobaʾ asaʾ ganya ok bolomnelumaʾ anyek hnon, ella ubnamna. Ban unulumunaʾ adya, wera sikenek orok nenewanasil beknaʾ laga danasilikanya, ugunuk dara, Imik Neyung adya blebnesil beknaʾ laga danasil.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

1 TESALONIKA 5:9

Imik Neyung ara yu ganya boboka obsununaʾ aboka dobnenggusuk, nunja Wenelesilnya Yesus Kristus adya dib blebsululaʾ aboka dosuk.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

1 PETRUS 2:21

Ban nenesa leboka, Imik Neyung ara ugunuk youbsuk. Anasa Kristus ara ugunsamba leboka somogookanya, ugunda alja unaʾ diliwoululumaʾ aboka, alda ugunsamba pik dibaʾ yarawousuk.

WAHYU 2:10

Wene salek enyek, yokaʾ-yokaʾ igina kwebnenggelnya nenesa leboka, anda lok ganya bonaʾ ara mem. Anda pe beknelamaʾ nong ara, anak sunuwanenggelaʾ ara, Iblis adya ugun gangganek sam hnon nimi doboka gasa ek sam henga geregoka beibnesil. An henga geregoka beiyisilya salek era, lika sagobadya mabnelum. Unuweigijaʾ anaba, anda bojam ululom! Anya somogamen dara, nadya anak dib embengaʾ ulmoubnaʾ huk golunaʾ ek goliyiwanenggen.”

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”