1 TESALONIKA 2:8 - PERJANJIAN BARU NALCA YUBA

⁸ Nunda ugunuk hyak wanaʾ ulusubnya nenesa leboka, Imik Neyung adya perob lero yanggan yub ok leb eleganggusuba, alda nunja nong unaʾ enyek babya elegesuba. Ban nenera nunja ugunuk wanaʾ nauba ulusubnya nenesa usuba.

1 TESALONIKA 2:8 ပူးပေါင်းရင်းမြစ်များ

LUKAS 7:2

Dara Kapernaum heikek ara yin bonaʾanya bedya alja wanaʾ nong ulumok wa wenya benyek hyak neiknaʾ salamookanya somogoununaʾ ulumok.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

ROMA 10:1

Hem yabo nang o, nadya ganya era sikbabya blebsulul senewoka Imik Neyung ak heng uboka mololamna.

ROMA 15:29

Anya nara ella ulumnaʾ ara, wera nara ugunuk yanya dara, nara Kristus adya perobaʾ lelenel lomok, hyak senenya loboka unuwanasin senelamna.

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

PILIPI 2:20

Al Timotius bek hnonok alak ok nadya ganya seininaʾ eneso uboka, ugunuk perob senewanameijaʾ anyek aboka seinilesilnya bera an.

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

KOLOSE 1:28

Dara, ban benyek, nunda nim ek neklesab. Nidyaʾ yok-yok geremseng adya wenewoka, neklesab ara, nimi yok-yok Kristus lomok unaʾ anyek munaʾ kabnok aboka unulumab.

KOLOSE 1:7

Anasa, ban nidyaʾ ara, nunja neikaʾ welemabakanya, wanaʾ ulumabnya Epafras bek ab ella dangalum. Benera ugunja dara, Kristus wa wenya hyak bojamnya bek ulumla.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

PILEMON 1:1

Nunjaʾ hem Pilemon o, nunjaʾ hem be uboka, neik wa welemabnya ululam! Nara Paulus, Yesus Kristus amba leboka henga goubnyeknya bedya, nunjaʾ hem be Timotius beb neikaʾ uboka, ban momnya donaʾ enera anak beibgenem,

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

1 YOHANES 3:16

Nunda ban pik enyek anyeb, wera nimi yok nim ek wanaʾ unaʾ damok era ella dangalamabaʾ ara, Yesus Kristus alja nong era, nunsamba leboka, nuk elegosukaʾ adya, ella dangalamab. Anasa wera, ban unuwosuk bar aboka, nunja nong enyek, nadya hemyab emba aboka elek lobnesibya.