1 TESALONIKA 2:7 - PERJANJIAN BARU NALCA YUBA

⁷ Nunda aldib Kristus adya yuba lenaʾ gak nang ulumabaʾ anasa, aldib ugunuk an yokaʾ-yokaʾ elegosululum aboka molowanasisibya. Bok, nimi gela hnon alja mab ek bojam uboka pe bo ulumla sok, nunda ugun gangganek an ulumouba dara, perob ganya boboka namenaʾ anyek unulusuba.

1 TESALONIKA 2:7 ပူးပေါင်းရင်းမြစ်များ

RASUL 13:18

Dara, Kanaan heikek binob aboka pikik sam anam balamek dara, hwalek sam ulumek salek era, gibnaʾ denga hnonok uboka ebdobnya mekbadya dangamok. Nera sikja gasa ganya boboka, Imik Neyung ak yokaʾ-yokaʾ unulumek anaba or siklewoka bo balasuk.

1 KORINTUS 2:3

Nara ugunuk yeilimsa dara, nara hmengaʾ uboka lok gargadyaʾ ber-ber anaʾ hwam ulumsa.

1 KORINTUS 9:22

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 13:4

Kristus nong anyek, hmengaʾ lomok, oboka gal ak glabemek bok, wera Imik Neyung migib adya ulmorulamla. Numbabya Kristus lomok uboka hmeng ulumabjok, ugunuk an wa welemnesab anasa, Imik Neyung migib adya Kristus ablaboka ulumnamab.

GALATIA 4:19

Nadya wanaʾ ulusin mab o! Ugunsamba leboka, nara hyak nauba duboka, me bomna gel gek me juga gweklamla sok, neik so unulunel. Kristus adya unun ganya ugunuk an dib yinaʾ mebnenggumnesil dara, sobaʾ ara anaso ok ulumnenel.

1 TESALONIKA 2:11

Nunja ugunuk unulusubaʾ ara, nimi ben hnon alja mab ek pe unulamla sok, nimi yok-yok sunuwoka pe unulusubaʾ ara, ugunda seleb ella ululum.

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.