1 TESALONIKA 2:5 - PERJANJIAN BARU NALCA YUBA

⁵ Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

1 TESALONIKA 2:5 ပူးပေါင်းရင်းမြစ်များ

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

RASUL 20:33

Ugunja nak rupiah gom, ongon akleng gom, hnon eleganenok senewoka ganya wenggulumsa.

ROMA 1:9

Nadyaʾ ugunuk seinilisinaʾ beknaʾ aldib anaʾ dibaʾ ara, Imik Neyung adya, alja me nedya perob lero yanggan yub wa pik uboka, nadya ganya gouluwoka laga welemna pik an ella ulumla.

ROMA 16:18

Banaso nim era, nunjaʾ wenesinya, Kristus amba wenggulumak anasa, bok sikja mon emba weldalamak nim. Sikja yub sanaʾ edya hyak or senewanok aboka bugumaʾ saboka, sikja yub era pero makaʾ lelewoka, ganya pe ulumak nim ek wenyaboka sondaʾ lelemak.

ROMA 9:1

Nara Kristus adya aldib nongnya nenyek lebnamna, nara sondaʾ lebnenggunumna. Geisinya adya nadya mek ganya hnon aldib lelenel.

2 KORINTUS 12:17

Nera hekasa unuwanasisinya! Nim ugunuk an wa webnelum aboka bokol yalasin nang pik anyeb uboka, ugunja denaʾ bonaʾ doboka delesisa de?

2 KORINTUS 2:17

Nimi nauba yok nim edya Imik Neyung yuba lero yabanaʾ ara, deknaʾ dobnobaʾ aboka welemak so nang ek, nunda ununggulumab. Nunda Imik Neyung adya wa nera welemnelum aboka elegousukaʾ anasa, nunja lero yabalamabaʾ ara, geisa ganya adya welemab. Nunda Imik Neyung yuba lelemabaʾ ara, Kristus lomok uboka, Imik Neyung saramek uboka lelemab.

2 KORINTUS 4:2

Nunda doknololanya, nimi malya dangoka alya dangananya nera, lek aboka lolomab. Nunda nim ak bob geregoka, Imik Neyung yub ak dangab menegoka unggulumab. Alda nuk dara, Imik Neyung wa welemabaʾ ara, dib nong yub enyek laga amawoka welemab. Ban adya, nimi nidyaʾ ara nuk dara, Imik Neyung hogung ak ara, aldib anara welemak senewoka, sikjaʾ mek ganya ek ab wensenewaneseng.

2 KORINTUS 7:2

Ugunja ganya edya nu nonga doboka beibsululum. Nunja dara, yok nim ek ara, hnon malya ubnenggumouba, dara onoʾ hnon malya danok senewoka malya nenewanggumouba. Nunda yok nim ek ab bobnenewoka perobaʾ dobnenggumouba.

GALATIA 1:20

Imik Neyung hogung ak aldib lebna, adya momnya dobnaʾ banera dib ubna, sondaʾ ak ubnenggubna.

1 TESALONIKA 2:10

Ugun Kristus ak dib senelum nimi gangganek ara, nunda geisaʾ uboka, hyak pe unuwoka, si gegena ponaʾ loboka, ulumouba. Nunja unu ulumoubnya nera, ugumba seleb eillilisulum, hnonda Imik Neyung anaba ella ulusil.

1 TIMOTIUS 3:3

Nimi bo usinnya bera, yu meka delelenya bek gom, oldanaʾ hwamnya bek gom, alda saawoka, namen ganya boboka, yok nim ek heknaʾ ganya ok uboka ululenya benyek ululul. Alda rupiah hogung ok bololenya bera beilinaʾ ara, mem.

1 TIMOTIUS 3:8

Neikso, Imik Neyung ek arasinaʾ nang eneba, eirigal ganya bonggulumak nang, sibamaʾ penya-penya lenggulumak nang, yu mek denggulumak nang, rupiah nauba dobsibya ganya bonggulumak nang enyek, yok nim edya sikenek perob senewanemeija nang ek, ulunok.

TITUS 1:7

Yuba don nimi bo usinnya bera, Imik Neyung bedya wa nek welemlaʾ anasa, alda si gegena ponaʾ ara hyak mem. Alda dengdang ganya boboka yu ganya bonaʾ loboka, yu meka deregoka ganya uu anaʾ oroknya bek, oldanaʾ hwam ganya unggululanya bek, rupiah nauba dorowonun senenggululanya bek ululul.

1 PETRUS 5:2

Imik Neyung adya ugunuk lebsuk domba pam danyek pe bo ulululum. Imik Neyung adya seinilamla sok sunuwoka, igin ganya bonaʾ loboka, perob ganya boboka beiyiwoka bo ulululum. Wa webnemunaʾ ara deknaʾ anyek dobnun senen ganya boboka wenggom, alda ugun nong adya aldib yok nim emba welemak nang ululumnya nenesa leboka welelulum.

2 PETRUS 2:18

Sikda umeng-ameng aboka, hyak salyaʾ nong yuba hnon, dengdang ganya bon yub enyek nekdo yabalasak. Sikda nimi ganya oka desinaʾ anyek unuwolulum aboka wenewoka, nimi wenyek malya unaʾ ak abaʾ ganya dangawanob senen ulumak nim ek wenewoka gliboka bo malya nenelemak.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.