1 TESALONIKA 1:9 - PERJANJIAN BARU NALCA YUBA

⁹ Nunda youmaʾ ugunuk sam yuba bo yanggumouba dara, hekaʾ huboka nuk ugunja perobaʾ leboka dosulumaʾ ara, nimi nidyaʾ sikda anaso unumek aboka neklesak. Nimi nidyaʾ ara, ugunda hekaʾ huboka, bisaʾ ak molowoka gibnaʾ loboka, Imik Neyung hnonok ululanya bek alak ok dib beiliwoka ulunobaʾ aboka nidyaʾ ara lolumnya nenyek, sikja dara unuwek aboka neklesak.

1 TESALONIKA 1:9 ပူးပေါင်းရင်းမြစ်များ

MATIUS 16:16

Dara Simon Petrus bedya, ”Neyung, anda Kristus, nimi blebsinaʾ dubnya ululam. Anda Imik Neyung embengaʾ ululanya bedya me ululam,” hyok.

RASUL 14:15

”Wei, ugunda hekasa ban nenera unulum do? Nunda im nang gomaʾ. Ugumba ululum sok, nundaʾ nim anyaʾ. Nunda anyagan younum ara, ban unuwoka yokaʾ-yokaʾ giblelumaʾ anyek loboka, Imik Neyung bek, im ab, soko ab, senenggom mek gwan eb, lomok sam ulumla nidyaʾ ab, uyisuknya bek sam ganya angawoka yoululum aboka, perob lero yanggan yuba bo yeiniboka lel yosunum.

ROMA 9:26

Anya sikenek hanyagarab, ”Ugunda nadya nim gom,” amnyaʾ ak ara, anyeganyeb sikenek, ”Embengaʾ ulumla Imik Neyung bedya mab aboka henemak,” hyok.

1 KORINTUS 12:2

Ugunda Wenelesilnya bek anam elgom ululum salek era, ugunda yuba gomnya giblemakaʾ ak gliboka bo balasuk.

1 TESALONIKA 2:1

Na kabo nim o! Ugunuk seʾ yeilimoubaʾ ara, salyaʾ lelem danggumokaʾ ara, ugunda ella ululum.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

1 TIMOTIUS 4:10

Nimi nidyaʾ blebsinaʾ dubnya, Imik Neyung embengaʾ ululanya bek, dib nong ara, nu yuba dib senelemab nimi bleblesilnya bek eleganesin amokaʾ ara, dib eleganesil anyaʾ aboka, nunda duboka yeiriwoka welemab.

IBRANI 12:22

Bok ugunuk dara, Sion meinik, Imik Neyung embengaʾ ululanya bedya heikek, Yerusalem imik heik adyaʾ ak sam ab, anya salyaʾ dengsalyaʾ anyek longowoka eiya hlalamak lero nang ek sam ak, seleb youlum.

1 YOHANES 5:21

Najabo yab o, ugunda yokaʾ-yokaʾ sunuwoka giblemakaʾ ak abaʾ ara mok nenewoka ulululum e.

WAHYU 17:2

Sokok an bo uboka wenesin nang era, alak nauba salawoka, onoʾ sokok an ulumak nim era, ban alak salanaʾ ganya edya uu aro yabalamak,” wenyaboka lebnyok.