1 PETRUS 5:5 - PERJANJIAN BARU NALCA YUBA

⁵ Dara onoʾ ugun anam goubenya ululum nang ek hnon lebnesin. Ugunjaʾ nauba so nim edya yuba pe kelelulum. Imik Neyung yub ek sam ara, ”Imik Neyung ara dengdang ganya bolomak nim ek lek senelesilikanya, sokok nenebdangoka ulumak nim ek wanaʾ ulusil,” aro momnya dobokaʾ anasa, ugunda nidyaʾ ara ganya sokok nenebdangoka pe kemeldalamnelum.

1 PETRUS 5:5 ပူးပေါင်းရင်းမြစ်များ

LUKAS 22:26

Bok ugunuk dara, anaso ununaʾ ara hyak mem. Alda ugunda ban nenyek unulululum, alda wenyek ugun gangganek sam senenggom nanga dangoka ulumak nang era, mek sirikaʾ anaso dangoka ulunok; alda wen nauba dangoka ulumak nang era, wa oruknaʾ nang eneso ulunok.

ROMA 12:10

Ugunda nadyaʾ hem senewoka wanaʾ uldalamunukanya, perob aboka gibildanaʾ ak dara, anja hem bek men nonokdangoka gibildalamnelum.

ROMA 13:14

Bok Wenelesilnya Yesus Kristus anyek dilinaʾ yin mal nong geboka ongolomunukanya, ugunja nong era ganya ok denaʾ amba hmanggom mem.

EPESUS 5:21

Ugunda Kristus ak lok ganya boboka, ugun moumen anaba ganya sokok nenebdangoka pe keldalalulum.

PILIPI 2:3

Ugunda yokaʾ-yokaʾ unuwanamunaʾ ara, nunokok perob dosulul senewanamunya nek gom, dengdang ganya bobnemunya nenyek unuwanamab senenaʾ ara hyak mem. Alda saawoka, ugunda nidyaʾ yok-yok ganya sokok nenebdangoka ulumunukanya, nak dara or malye bok, yok nim ek danyek, perob nang era, an senen ganya bobdangoka ulululum.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

IBRANI 13:17

Dara ugunjaʾ dub nang era, ugunuk bo un nang nenebdangoka, sikda ugunjaʾ ganya nong anyek, Imik Neyung kemelesil senewoka, pe keeboka bo ulusakaʾ anasa, ugunda sikenek pe keboka ganya imik doro dillilisululum. Wera ugunda sikenek igina nenewanalum dara, ugunuk perob damok lanawanggunumla anasa, sikda eiya daboka welesinokaʾ aboka, ugunda sikenek pe keboka unulululum.

YAKOBUS 4:6

Ban ununaʾ anaba, Imik Neyung adya nuk elegosuk wanaʾ uboka arasinaʾ enyek hyak senenggomaʾ ulumla. Ban nenesa leboka Imik Neyung yuba bukuk sam ara, ”Imik Neyung ara, ganya imik nenewoka ulumak nim ek lek senelesilikanya, ganya sokok nenebdangoka ulumak nim ek wanaʾ uboka aralesil,” aro momnya dobok.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

1 PETRUS 4:1

Kristus ara nimi bokaʾ adya gweklemokaʾ anasa, numba alba seinilemok sok seinilemnemab senen ganya boboka migiba gebeldalalulum. Nimi nong sirikaʾ anyek oka gweklelanya bera, onoʾ malya unaʾ lolomla.

1 PETRUS 4:5

Bok onoʾ sikbabya, eimik embengaʾ ulumak nimi hnon, seleb sogomek nimi hnon, yana lelewanasilnya Imik Neyung be yanamla sum enyek, sikba nunda anaso ulumab aboka laga lelewanamak.