1 PETRUS 5:1 - PERJANJIAN BARU NALCA YUBA

¹ Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

1 PETRUS 5:1 ပူးပေါင်းရင်းမြစ်များ

LUKAS 24:48

Ugun nong anyek, ban damok en eiblum nang ulumnelum e.

RASUL 1:8

Bok, ugunda Imik Neyung Geisinya ugunuk sam seleb yeisilya dara, ugunda migibaʾ dobnelum. Dara, Yerusalem heik ab, nidyaʾ Yudea sokok ab, Samaria sam ab ara, nidyaʾ soko dagolongnaʾ me nidyaʾ, nasamba yuba bo lero yabalemnelum,” hyok.

RASUL 11:30

Dara, seleb bolowoka mamagoka beibek dara, yuba dolomekaʾ dam nang ek bo binirum aboka, Barnabas beb Saulus bebdak orugosik.

RASUL 14:23

Wera nim Imik Neyung yuba dib doboka, yuba sikba yok lebdangoka longolamna heik era, Imik Neyung yuba dam nanga doboka sekiyiwoka ubgiga yalarek. Dara, sikda gwanenga denaʾ loboka heng uboka, sekiyisirek nang ara sikja dib senemek Imik Neyung bek elegoka, ban nang enera anja wa welemnemak anasa, wenyaboka molowoka Imik Neyung yuba e dam nang sekillilisirek.

RASUL 15:4

Wera sikda Yerusalem heik nong ok lanal byik dara, anyagan Imik Neyung yuba lenaʾ gak nang eb, yuba dam nang eb, Imik Neyung yuba donaʾ nim eb dadya, pe leboka doro diyisik. Dara wera, Paulus Barnabas arob nang edya sikenek pik uboka, nimi Yahudi gom nang ek Imik Neyung adya yokaʾ-yokaʾ nidyaʾ unulumok anyek nekesik.

RASUL 15:6

Dara, yuba lenaʾ gak nang eb, yuba dam nang eb, ban yub enesa longowoka sabnob aboka longomek.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 20:17

Wera Paulus bera Miletus heikek ab uboka, Epesus heikek sam Imik Neyung yuba dam nang ek, nara Miletus heikek an ulumnaʾ anasa, el yananulum aboka yuba beibok.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 21:18

Ampum ara nunda Paulus beblaboka, Yakobus bedya ek eibdangoka ubnobaʾ aboka kemel byuba dara, wera Imik Neyung yuba dam nang era, nidyaʾ Yakobus bedya ek ok gobdo ulumek.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

2 KORINTUS 5:1

Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

2 KORINTUS 5:8

Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

PILIPI 1:19

Ugunja nasamba heng uboka mololenulumaʾ ab, Yesus Kristus Geisinya adya aralenelaʾ ab dadya, henga gouboka beibnyekaʾ anaba lobnenyakaʾ ella ulumnaʾ anasa, eiya dablemnenel.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

1 TIMOTIUS 5:19

Nimi ben hnonjok bo usinnya bek malya ubok aboka yuba bo yanamla dara, kenggom mem. Alda nimi penya winilya aldib meknemokaʾ ak nunja okoka eibuba aboka, yuba bo yanamak dara, or kebnelum.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

TITUS 1:5

Nadya anak Kreta sokok sam lo yeilinggesaʾ ara, webnamen ulumla wa nenyek meewoka welelomaʾ aboka sene lo yeilinggesa. Hnonda, heik elaʾ gigiro Imik Neyung e dam nang sikillililomaʾ aboka lo yeilinggesa. Dara onoʾ ban nadya anaso unuwanalam aboka nekgenaʾ banara pe beklom.

PILEMON 1:9

nunda wanaʾ uldalanamnya nenesa, unuwanalam aboka molowagenaʾ ok. Nara seleb yamen danakanya, wera Yesus Kristus amba leboka gasa ek seleb henga geregoka beinyek.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

1 PETRUS 4:13

Bok ugunda Kristus ab neikaʾ igina kwelesilaʾ anasa, pelesil senewoka eiya dabnesuso. Dara Imik Neyung adya Kristus imik nenemokaʾ laga danamla salek enyek, ugunja ganya hyak nauba eiya dabnesil.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

2 YOHANES 1:1

Genong Imik Neyung adya an weboka donjok gel geb, anaʾ mab abdak momnya doboka beibsin. Ban momnya donaʾ enera, yuba don nimi bo usinnya bedya, dib yuba lomok uboka ugunuk wanaʾ uboka beibsin. Nera or nadyok wanaʾ unggulusin. Alda nimi nidyaʾ dib yuba ella ulumak nim edya ugunuk yadyek senewoka wanaʾ ulusak.

3 YOHANES 1:1

Hem Gayus wanaʾ nong ulunggenya o! Nara nimi yuba don nimi bo usinnya bedya, dib yuba lomok uboka wanaʾ ulunggenya bek momnya doboka beibgen.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.