1 PETRUS 4:18 - PERJANJIAN BARU NALCA YUBA

¹⁸ Imik Neyung bukuk sam ara, ”Nimi pe ulumak nim enyek babya okoka blebsinaʾ okna ulusil dara, nimi nauba malya ulumaakanya, Imik Neyung ak hyak gobdo mekaʾ elgom nim ek ara hekaʾ hubnesil!” aro momnya dobok.

1 PETRUS 4:18 ပူးပေါင်းရင်းမြစ်များ

LUKAS 15:1

Yok sum enyek, rupiah molowoka dolosik nang eb, heik yokaʾ nang edya dara, malya nang senelesik nang eb dara, Yesus yuba lelesukaʾ ak sam dol yeilimek.

LUKAS 23:31

Anasa wera, embengaʾ ulumla gal ak anyek babya nim adya anaso unuwanamak dara, wera orowek oulaʾ olomla gal ek ara, eimik era hekaʾ hubnemak do?” hyok.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 27:24

Paulus o, anda lok ganya bonaʾ ara mem. Anda Kaisar dubnya bek alja hogung ak binilam bok anasa, onoʾ Imik Neyung adya, alja anak perob ununaʾ edya anasa leboka anab neikaʾ mek ekla bunaʾ pik yabalelum nanga nidyaʾ ara merewanalum, anel.

RASUL 27:31

Bok Paulus bedya sekoka, mek ekla bunaʾ lomok an ulumek yin bonaʾ dubnya beb, yin bonaʾ nang ebdak lebsuk ara, ”Mek ekla bunaʾ glilimak nang enyek, nidyaʾ anyagan unggulumeija dara, ugunuk dara, hyak merewanggunulum,” hyok.

ROMA 1:18

Dara nim ara malya ganya boboka malya ulumaknya nera, ban dib yub enyek siklilimak, anasa Imik Neyung adya yu ganya bonaʾ ara imik ab nimi malya ulumak nang ek laga dangalamla.

ROMA 5:6

Wera anasa, nunda anam hmeng ulusuk salek, Imik Neyung adya ban salek enyek senemokaʾ sunuwoka, Kristus ara nunda wonaʾ dangamoub nang emba seleb somogosuk.

ROMA 5:8

Anaso bok, nunda anam malya unaʾ bo ulumoub salek, Kristus ara nusamba seleb somogok pik uboka, Imik Neyung adya alja yadyek ulusilaʾ laga dangalamlaʾ ara an.

1 KORINTUS 10:12

Anasa, pe sekemna senelelam nim era, malyinggimenek aboka, pe keeboka seklom.

1 TIMOTIUS 1:9

Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

YAKOBUS 5:6

Nimi nidyaʾ malya unaʾ orok nim ek, ugunja henga geregoka ololum bok, sikja dara ugunuk ara hnon kemel samasinaʾ orok.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.