1 PETRUS 4:11 - PERJANJIAN BARU NALCA YUBA

¹¹ Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.

1 PETRUS 4:11 ပူးပေါင်းရင်းမြစ်များ

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

YOHANES 13:31

Yudas be seleb bilimok dara, Yesus ara, ”Wenyok nimi dibaʾ me nek imik nenewanamlakanya, Imik Neyung ak, nimi dibaʾ me pik moruwoka imik nenewanamla.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 12:3

Nak wanaʾ uboka eleksinaʾ damok enyek sunuwoka, nara ugunuk nimi yok-yok wenyhenemna, Ugunda ugun seiniwoka unuwanasomnya nera hwiboka, hyak senenggom imik unuwanggunusomnya nenyek seininggom, mem. Bok ganya onoʾ yok so uboka pe seinililulum, wera anedya ugun nong ara, ban Imik Neyung adya nimi yok-yok eleklesilaʾ, ganya dib senenaʾ pik uboka, yokaʾ ak ganya sobaʾanya senewanalum.

ROMA 16:27

Yesus Kristus pik uboka, Imik Neyung al alak ok hnonok, hyak geremseng nongaʾ si imik nenewoka gibnaʾ ara, alsamba ok hyak sob-sobaʾ ululul! Amin.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

1 KORINTUS 10:31

Ugunja yokaʾ-yokaʾ nidyaʾ unululumaʾ ara, ugunda gwaneng deregoka meka deregoka, Imik Neyung si imik danalenya nenyek ok unulululum.

1 KORINTUS 12:4

Imik Neyung Geisinya adya, wa wenaʾ damok eleklesilaʾ ara, yok-yok ululabok, ban nidyaʾ ara, neik Geisinya bedya ok eleklesil.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

2 KORINTUS 2:17

Nimi nauba yok nim edya Imik Neyung yuba lero yabanaʾ ara, deknaʾ dobnobaʾ aboka welemak so nang ek, nunda ununggulumab. Nunda Imik Neyung adya wa nera welemnelum aboka elegousukaʾ anasa, nunja lero yabalamabaʾ ara, geisa ganya adya welemab. Nunda Imik Neyung yuba lelemabaʾ ara, Kristus lomok uboka, Imik Neyung saramek uboka lelemab.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

EPESUS 1:19

Hnonda onoʾ Imik Neyung adya nunda dib senelemab nang emba leboka migibaʾ hyak yok so ulusilaʾ anyek, ella dololumaʾ aboka mololesin. Imik Neyung migib ak dara, hyak senenggomaʾ lok so migib edya unuwoka,

EPESUS 4:29

Ugunda yuba sabnemun dara, malya yub enyek geregoka salyaʾ sanaʾ ara mem. Nimi perob yuba ok salamakaʾ adya, nimi kelemak nim era, perobaʾ dousululaʾ aboka, nimi keboka perob danamlya yub ok sunuwoka saldalalulum.

EPESUS 5:20

Or yok-yok damoka nidyaʾ ulumlaʾ amba leboka, nunjaʾ Wenelesilnya Yesus Kristus anasa leboka, neyung Imik Neyung ak hyak sobaʾ perob aboka giblelulum.

EPESUS 6:10

Anya wera, ugunda Wenelesilnya lomok uboka, migibaʾ ak ulululum. Alja senenggomaʾ unulamla migibaʾ ak ab doboka ulululum.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

KOLOSE 4:6

Ugunja yuba sabnelumaʾ anaba, wanaʾ un yub ok namen lebnalum bok, onoʾ angawom anaʾ dibaʾ gasa sonya hnon salalulum. Anedya yok nimi nidyaʾ ak yuba sabdanalum dara, hekaʾ uboka saawoka sabnamna senewoka ella ubnalum.

1 TESALONIKA 2:4

Orok. Imik Neyung adya dara, nuk anyek perob lero yanggan yuba lebnokaʾ aboka lobonggosukaʾ anasa, banyek bekoka lelemab. Lelemabaʾ ara, nimi ganya perob senewanokaʾ aboka lenggulumab, alda Imik Neyung nunjaʾ ganya ak anaba sunulusilnya benyek perob senewolulaʾ aboka lelemab.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

TITUS 2:1

Titus o, bok anak dara, hyak dib perob nong eikaʾ yub enyek ok neklesilom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

IBRANI 13:7

Dara ugunjaʾ dub nang, ugunuk Imik Neyung yuba seleb lel eleklesak nang ek ara beklelulum. Anya sikja unulumakaʾ ak ab lanelamla anyek pe kemelemunukanya, ugunda sikja unulumakaʾ anyek dililda doblelulum.

IBRANI 5:12

Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

YAKOBUS 1:19

Nadya wanaʾ ulusin hemyabo nim o, ugunda banyek hyak pe seiniwolulum! Nimi nidyaʾ ara ken dara, berra kebnemak bok, yuba saboka nim ek yu ganya bosinaʾ ak dara, mandewanamak dara, perob.

YAKOBUS 1:26

Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 PETRUS 4:10

Imik Neyung adya yok-yok eleknaʾ eleklesilaʾ ara, ugumbabya yok-yok sunuwoka webnesomaʾ sunuwoka dolum. Imik Neyung adya eleklesilaʾ doboka welemak nimi beknaʾ ululumaʾ anasa, ugunja webnesomaʾ geknelemla wa nera, yok nim emba webnun senen ganya boboka pe welelulum.

1 PETRUS 4:16

Bok, Imik Neyung yuba donaʾ nim ululumaʾ amba leboka igina kwelesil dara, ban nenesa leboka, ugunda alya ganya bonaʾ ara hyak mem. Bok alda saawoka, nunda Kristus si ak bo yabalamabaʾ senewoka, Imik Neyung ak perob aboka giblelulum.

1 PETRUS 5:11

Imik Neyung ak hnonok alak ok hyak sobaʾ or migibaʾ ulmorululul. Amin.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.