1 PETRUS 3:9 - PERJANJIAN BARU NALCA YUBA

⁹ Ugunda naba malya ubnelaʾ anasa, alba malya ubnun senewoka malya unaʾ moumen dirigeldanaʾ ara mem. Bok saawoka, alda Imik Neyung perobaʾ nenelesilom aboka mololdalalulum. Imik Neyung adya ugunuk yoululum aboka youbsukaʾ ara, anaso perob unaʾ enyek unuwoka onoʾ perobaʾ dobnokaʾ aboka ubsuk.

1 PETRUS 3:9 ပူးပေါင်းရင်းမြစ်များ

MATIUS 19:29

Nimi nidyaʾ nasamba leboka, alja e gom, al nang yilaʾ nengmabo gom, gelewa gom, genong neyung gom, memabo gom, wa masa gom, nasamba leboka loboka nak yalalanya bera, lunuwoka dengaʾ yubaʾ dombadya anaso dobnamla. Anya hyak sidyaʾ nong ara, eimik era embengaʾ ulmoubnaʾ damoka dobnamla.

MATIUS 25:34

Dara dubnya bedya sirik ek sam nim ek lebnamlaʾ ara, Nadya neyung bedya perobaʾ nenewousuk nim ek anasa, youlululum. Ban soko en uyiwanggom salek enyek, ugunsamba orowek leboka beibsuk heik enyegan or weklulum.

MATIUS 5:39

Bok wenyek dara, nara ugunuk ban dib lebnesin, Ugunuk malya ulusak nim ek lunuwoka sikbabya onggom, mem. Alda nim adya ugunuk sirik sum ak waboka obsija dara, waneng sum eneba or obsululum aboka elegolulum.

MATIUS 5:44

Bok wenera nadya ugunuk lebnesinaʾ ara, Ugunja isaʾ nang ek wanaʾ ulumunukanya, ugunuk lek senelesak nim emba heng uboka Imik Neyung ak mololelulum.

MARKUS 10:17

Wera Yesus ara pikek balamok sab-sab, nimi be hnon bik-bikal yeiniboka, Yesus ak oumuwoka giboka alak, ”Neyung neksinya hyak perobnya o, nara hekaʾ hubnyaʾ adya, dib embengaʾ unaʾ ara dorowanamna do?” wenyaboka heibuk.

LUKAS 10:25

Dara onoʾ Yahudi yuba neksinya ben hnon Yesus ak sene sunuwonunaʾ aboka goboka sekel yeilimok. Benedya Yesus ak, ”Neyung neklesilimnya o, nara hekaʾ ak hubnyaʾ adya embeng unaʾ ara dobnamna do?” aboka heibuk.

LUKAS 18:18

Yahudi nang dubnya ben hnonja Yesus ak, ”Neyung, perob neklesilimnya o, nara hekaʾ ak hubnyaʾ adya dib embengaʾ unaʾ ara dobnamna do?” aboka heibuk.

ROMA 12:14

Heknedya anak lobaʾ nenewoka olonggelnya bek ara perobaʾ lelelom, perobaʾ lelemenekanya, saawoka wonaʾ dangoka si leblul anaʾ ara mem!

ROMA 12:17

Yunya nera onoʾ yunya nedya dirigildanggom, mem. Alda nimi nidyaʾ ak ara, perobnya nenyek unuldalalulum!

ROMA 8:28

Nunda wenera ella ulumabaʾ ara, Imik Neyung ara alak wanaʾ ulumak nang ek, alja adya ganya seinimokaʾ sunuwoka weboka dobsuk nang ek, siksamba perob damok lanalalulaʾ aboka dara, yokaʾ-yokaʾ nidyaʾ ara, Imik Neyung adya arawoka welesil.

ROMA 8:30

Dara sik ban men danyek alja sunuwoka bokosuk nang enyek, alja al sikinek yoululum aboka lebok. Anya al sik alja yoululum aboka lemok nang enyek, alja al sikenek perobaʾ nenewousuk. Wera sikenek alja perobaʾ nenewousuk nang enyek, alja al sikenek imik senenggomaʾ nenewosuk.

GALATIA 3:14

Kristus adya hweboka blebsuknya nera, anadya wera Imik Neyung adya Abraham bek an perobaʾ eleganenggen amoknya nera, nimi Yahudi gom nimi hnon Kristus Yesus pik uboka, dobnokaʾ aboka ubsuk. Wera anadya hnon, nu Yahudi gom nimi bok, Imik Neyung adya eleganesin amok Geisinya era dib senenaʾ adya dobnokaʾ aboka ubsuk.

EPESUS 4:32

Alda ugunda perob ganya bobdangoka, nimi nidyaʾ ugun moumen wanaʾ uldalalulum. Hnonda Imik Neyung adya Kristus pik uboka, ugunja malya unaʾ doro bobogousuk sok, ugun moumen malya unaʾ doro bologoldalalulum.

1 TESALONIKA 5:15

Malya ubnyok senewoka, onoʾ saawoka albabya diriganamna seneweijek aboka, pe kemero ulumnelum bok, ugun dam nang ak hnon, perob dolulaʾ aboka unulumunjok onoʾ nimi yok nim ek hnon, perob ok unulumnalum.

IBRANI 12:17

Dara ugunda ella ululumaʾ ara, Esau bera eimik era alda hyak nauba engewoka elemokaʾ anyek babya, alja meknenaʾ era or pe memewolul senewoka hnon eleknaʾ orok adya, ban perobaʾ misaʾ ara dobnenggubuk.

IBRANI 6:14

Imik Neyung adya dara, ”Nara anak perobaʾ lebnenggenaʾ hnon, onoʾ hnonda anda senenggom nang yilaʾ nenewanenggen,” hyok.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.