1 PETRUS 3:4 - PERJANJIAN BARU NALCA YUBA

⁴ Bok saawoka, alda ugunuk goubenya ubnelumaʾ ara ban: ugun goubenya ubnamna senen ganya era, ugunjaʾ ganya lomok anyek namen uboka, dogom aboka pe ulunun senen ganya, ugunjaʾ ganya lomok ab, Imik Neyung adya nenyek perob senelamlaʾ anasa, ugunja perob neneldanaʾ ara an.

1 PETRUS 3:4 ပူးပေါင်းရင်းမြစ်များ

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

MATIUS 23:26

Ugunda Parisi heng lum nim o! Ugunja denaʾ yanganaʾ ab mek hmeiya ab dara, lomok sam anyek pe mek elegomunaʾ anadya, wera eilibik sam anaba pe geisa ubnamla!”

MATIUS 5:5

Nimi ganya siklewoka namen ulumak nim era, Imik Neyung adya sikenek yoka unuwanasin amoknya nera gigiwoka unuwanasil bok anasa, pe ulumak!

LUKAS 11:40

Ugunda hyak dongdang anaʾ ak ululum! Imik Neyung adya eilibek sam uyimoknya bedya, onoʾ lomok sam anaba uyiwanggumok de?

LUKAS 16:15

Bok Yesus adya sikenek lebsukaʾ ara, ”Ugunda nimi hnoum ara, pe ulumak nang de senen dangalalum bok, ugunja ganya lomok ara, Imik Neyung adya ok ella ulusil. Nim adya hnon perob senelemaknya nera, Imik Neyung adya dara, hyak lek senelamla.

ROMA 1:23

Dara sikda Imik Neyung adyaʾ perobaʾ denghenggunumlaʾ ara, lowoka nim anasoʾ sunulumakaʾ denghenelanya nenyek lunuwoka, wining anasoʾ gom, yokaʾ-yokaʾ ganya orokaʾ yan dombadya ulumlaʾ anasoʾ gom, soko pik belega yabalelanya nenesoʾ gom, anyek lunuwoka memelemek.

ROMA 2:29

Bok yuba dolomla adya ok Yahudi nang ulumla ara an. Anya bolaʾ garasinaʾ dibaʾ ara momnya donaʾ ulumlaʾ sunuwoka nim adya unulusaknya nek gom, alda yuba dobnaʾ adya, ana pik uboka ganya garalasilaʾ anyek dib. Anasa benyek gigiwoka perob anaʾ ara, nimek ab lananggulumla, bok Imik Neyung bek ab lanalamla.

ROMA 6:6

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

ROMA 7:22

Anara nadyaʾ ganya lomok ara, Imik Neyung adya unuwanalum an yub enyek hyak perob senelamna adya.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 4:16

Ban anasa, nunda okna bar aboka hmeng ganya boboka unggulumab. Aldib nunja eilibik bokaʾ ak dara, blobgiga balalabok, ganya lomok ak dara, li sob-soba migib nenebgiga balasil.

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

EPESUS 4:2

Ugunda sobaʾ ganya sokok nenebdangoka, ganya siklewoka namenaʾ ulululum. Ulumunukanya, meknelesakaʾ ak anaba wanaʾ ubdangoka dogom aldalamnelum.

KOLOSE 3:12

Wera anasa, Imik Neyung adya alja angoo yadyek ulusuukanya, geisa nenewoka weboka dobsuk nim geknebaʾ uboka, yadyek senen ganya, angoo senewoka men aran ganya, ganya sokok neneldan ganya, nonga namenaʾ un ganya, sobaʾanya senewoka or malye senen ganya, ugunda ban ganya danyek bololulum.

1 TESALONIKA 4:11

Ugunuk seleb wenyamouba sok, namenaʾ ulumnulum. Yok nim edyinya nek doboka salyaʾ makal banggom. Ugunja soruk adya ugun dam nang wa welemnelum.

2 TESALONIKA 3:12

Anasa Wenelesilnya Yesus Kristus alja migib si sibuka, sikda ganya daklinggoka uboka, denaʾ pe eboka deregoka ulunokaʾ aboka, unulululum hyabakanya, wenewasab.

1 TIMOTIUS 2:2

Hnon ara, mok soko dub nang amba hnon, yokaʾ-yokaʾ duka salawoka bo ulumak nim emba hnon, mololululum. Nu ulumab soko namen uboka, nunda Imik Neyung bek lok ganya boboka hyak pe ulunobaʾ aboka unuro mololululum.

2 TIMOTIUS 2:25

Alda bera, nimi yok nim edya alak bleklemak nim ek, sikba Imik Neyung adya ganya dangiyiwoka, perob jong yuba dobnok senewoka diri ulusilyikanya, pe namen uboka wenelemnesil.

TITUS 3:2

Onoʾ sikenek, yok nimi si ak malya yub edya, malya nenewomunuk aboka hnon, nimi yok nim eb mala weboka waldanaʾ loboka, pe heknaʾ ganya boboka ulululum aboka hnon, nidyaʾ yok nim ek, namen uboka pe heknaʾ hwam ok ulululum aboka hnon, wenelesilom.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.