1 PETRUS 3:22 - PERJANJIAN BARU NALCA YUBA

²² Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.

1 PETRUS 3:22 ပူးပေါင်းရင်းမြစ်များ

MATIUS 22:44

Wenelesilnya bedya nadyaʾ wenenanya bek lebokja: Anda nadyaʾ sirik soruk ak sam bulumen sok moruwoka, anjaʾ isaʾ nang era nadya anja yan damumduk sam bo bolol yanenggel, hyok.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MARKUS 12:36

Nenesa dara, Daud bera Imik Neyung Geisinya gologomokaʾ adya lebokja, Wenelesilnya bedya, nadyaʾ wenelenelnya bek lebokaʾ ara, Anda nadyaʾ sirik soruk sam bulumenaʾ moruwoka, anja isaʾ nang era, nadya anjaʾ yan damumduk sam bo yanenggen, wenhyok,” hyok.

MARKUS 16:19

Wera Yesus ara, alja yuba doro diriga ban nang ek seleb wenyabgogowok dara, alda imik heikek sam welewookanya, Imik Neyung adya sirik sam bukok.

LUKAS 20:42

Wera onoʾ Daud bedyaʾ anaba Mazmur yub ek alja dara lebokja, Wenelesilnya bedya nadyaʾ wenelenelnya bek lebokaʾ ara, anda nadyaʾ sirikek ok buklom,

YOHANES 13:32

Dara, Imik Neyung ak Yesus pik moruwoka imik nenewanamla dara, Imik Neyung lomok al damnya onoʾ alja me nek imik nenewanamla.

RASUL 1:11

Dara sik penya nang edya, Yesus alak diriga ban nang ek, ”Wei, ugunda Galilea nang o, ugunda hekasa anyagan ok sekoka imik sam kemelelum do? Yesus imik welemla eiblum sok, onoʾ eimik era hyak onnya benyek neikso unuwoka yanamlaʾ ak eibnelum,” arek.

RASUL 3:21

Petrus bedya onoʾ wenyasuk, ”Ban Yesus ara, youmaʾ Imik Neyung adya geisa ununumnaʾ lelemek nang edya lelemek sok, yokaʾ-yokaʾ nidyaʾ Imik Neyung adya meewanggumlya salek, imik heik ulumlya ara, meewanamlya salek ok laga danamla.

ROMA 8:34

Kristus Yesus, seleb somogokaʾ ara, onoʾ imik soʾ dara, alda seleb embengaʾ subuk, dara onoʾ al alak Imik Neyung adyaʾ sirik sam bulumla, wera onoʾ alja nusamba yuba ligiwoka sanya danamla ara heknya do?

ROMA 8:38

Anasa nadya dib senelamnaʾ ara, or somoknaʾ embengaʾ, lero nang gong, bisaʾ wenesin dub nang, or wen ulumlaʾ eimik lanawanamlaʾ,

1 KORINTUS 15:24

Dara, hyak dakalongnaʾ nong sum yanamla. Ban sum enyek, Kristus adya wenewoka bo usinaʾ eb, yok-yok senenggom dub unaʾ ab, yok-yok migibaʾ ab dara, sokok nenewanamla. Dara nidyaʾ migib gong danara, Kristus adya doblyekanya, nunja neyung Imik Neyung bek elegoka lebnamla.

KOLOSE 3:1

Dara, ugunda Kristus ab ganya neikaʾ subuka bukiyiwosuk anasa, Kristus ara, Imik Neyung alja sirik soruk imik bulumla ak, imik sam ululanya nenyek elelulum.

IBRANI 1:13

Ban nidyaʾ alja me nek lemok bok, Imik Neyung adya dara, yok lero ek ara, ”Anda nadya sirik soruk ak sam buknelam dara, anjaʾ isaʾ nang era anja yan damak beil yanamna dara, anja yan doroknaʾ gebnalam,” anaʾ ara hnon wenyhenggumok.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 1:6

Dara Imik Neyung adya aljaʾ yando me sokok an bokol yanggok sum enyek, Imik Neyung adyaʾ, ”Nidyaʾ Imik Neyung lero nang gong dara, nadya me nek giblemnemak,” hyok.

IBRANI 10:12

Bok saawoka, ban yuba lenaʾ gaknya Kristus ara, alja nong anyek soko nimi malya unaʾ doboka boloklemnesin aboka, lika hnonok munaʾ elekdanggogobok dara, alda imik heikek welewoka Imik Neyung adyaʾ sirikek sam bukok.

IBRANI 12:2

Anasa nunda nunja, ganya dib senenaʾ arawoka bo balasilnya be Yesus bek, nunja ganya dib senenaʾ ara pe munaʾ peldaknaʾ ak bo balasilnya bek heng yokaʾ bekoka hyak pe unulumnamab. Alda derelemekaʾ ara eiwaawom aboka, ganya eiya dabnaʾ alsamba ulumokaʾ ara lunuwoka on gal enyek ganya gouluwoka jaboka bobok. Anya wera alda Imik Neyung bedya ekla bunaʾ ek ara sirik ek sam bulumla.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

IBRANI 8:1

Anyagan nidyaʾ lelewoka lebab yuba damok ara, nunjaʾ yuba wa gakaʾ dubnya ulusilnya bera, alda Imik Neyung imik senenggomaʾ ululanya alja sirik ek sam bulumla.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.