1 PETRUS 3:11 - PERJANJIAN BARU NALCA YUBA

¹¹ Bera onoʾ malya unaʾ ak dara, mok geboka ululul. Hnonda anya, alda perobnya nenyek ok unululul. Nara yok nim ek ara heknaʾ ganya ok boboka ulumnamna senewoka duboka ululul.

1 PETRUS 3:11 ပူးပေါင်းရင်းမြစ်များ

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

MATIUS 5:9

Nimi yuba sekoka hillilisak nim era, Imik Neyung adya ban ununanya nemba leboka pe laga nadya mabo henesilaʾ anasa, pe ulumak!

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MARKUS 14:7

Bonaʾ garan uboka araweisiseng senen nim era, ugun gangganek sam sobaʾ ulumak. Anasa ugunda arawanob senewanesom dara, sikenek arawanasusum. Bok nak dara, ugunub sobaʾ neikaʾ unggulumnemab.

LUKAS 1:79

Nera sik lok ganya hwam uboka, gunaʾ hnoum ulumak nimi gong enyek yeblesilyekanya, nunja yan era hyak perob pik, ganya pe namenaʾ un heklesil pik eboka bo binisil amba,” wenyaboka lebok.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

LUKAS 6:9

Dara Yesus ara sikenek, ”Nara ugunuk heibnesin, Sabat mem sum era hekaʾ ak or unulunok hyok do? Perobnya nek ununaʾ ak gom, malyinya ununaʾ ak gom? Nim nong ak blebnaʾ ak gom, nim orok nenewoka onaʾ ak gom?” wenyaboka heibsuk.

YOHANES 17:15

Neyung o, sik nong anyek sokok anyebaʾ ara dobsilomaʾ aboka molonggulumna. Alda sikenek malya unaʾanya bedya obsilyek aboka, anja pe bleboka bo ulusilomaʾ aboka mololamna.

ROMA 12:18

Ban unun ganya era ugunja ganya doboka unulumnelum dara, wera yok nang eb ganya kwebdangoka ulumnelum!

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 14:19

Anasa nunda ganya pe namenaʾ unaʾ ab, wenebdangoka ganya pe unaʾ ab, damok en lanawanamlyaʾ anyek yeiriwoka doblemnemab.

ROMA 5:1

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab.

ROMA 7:19

Anedya nara perobnya unuwanamna senelenanya nenyek ununggulunabok, alda nadya lek senenanya malyinya yunya nenyek, unulamna.

ROMA 7:21

Wera an unulamla adya, pik enyek anyeb nara ban unuwanalum an yuba damok enyek ella ulumnaʾ ara, Nara perobnya nenyek unuwonun senewan dara, wera ban malyinya nera nak an ul ganaklenel.

ROMA 8:6

Anasa nimi ganya adya seinililanya nera somoknaʾ damok ak ulumla. Bok Geisinya adya seinililanya nera embengaʾ unaʾ ak hnon, ganya pe namenaʾ unaʾ damok ak hnon, ulumla.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.

1 TIMOTIUS 6:18

Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

IBRANI 12:14

Anasa nimi yok nimi nidyaʾ ab dara pe ganya olokdangoka ulunob senewoka ulululum. Anya pe geisa unaʾ orok dara, nimi be hnon Imik Neyung ara eibnenggunumlaʾ anasa, pe geisa unaʾ anyek yeiriwoka doblelulum.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

YAKOBUS 4:17

Wera anasa, nimi ben hnon pe ununaʾ ara ella ululadyok, ununggulumla dara, malya unaʾ ara alan.

1 PETRUS 3:12

Imik Neyung ara malya ulumna nim era, malya nenelesilnya anasa, alak pelemak nim ek kemelesilikanya, sikja molonaʾ nauba kelesilnya bek anasa, pe ululul,” aboka momnya dobok.

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.