1 PETRUS 3:1 - PERJANJIAN BARU NALCA YUBA

¹ Anasonya neikek ugun gelewa anaba, ugunja nenyab edya yuba pe kelelulum. Dara, ugun gangganek ara, Imik Neyung yuba dib senenggulumeija nimi hnon ulumnemak dara, ugunja dara sikenek ara yuba sal eleknaʾ loboka, ugunja pe unulumun nong unaʾ enedya sikda Imik Neyung ak dib senewanamak.

1 PETRUS 3:1 ပူးပေါင်းရင်းမြစ်များ

MATIUS 18:15

”An kabo edya anak malya ubgelya dara, anda malya ubgelenya bek an biniboka, ban nak malya ubnelem aboka laga neknelam. Ban nenera geleleng aboka ugun penya ok unubdanarum. Anja lebnelam yub enyek, an kabo edya dib senewanenggel dara, wera anda an kabo ek pe doboka perobaʾ ak bo yalalam.

ROMA 10:16

Bok ban perob lero yanggan yub era nimi nidyaʾ ara seleb dobnenggurub. Anasa Yesaya bera alja anaso wenyalamok, ”Wenelesilimnya o, heknedya nunja an wenyalamab yub era ganya aldib senewanamla do?”

ROMA 6:17

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob.

ROMA 7:2

Anasa sununaʾ ara, gela hnon alja nenya anam umna salek ok, unuwanalum an yub adya alaʾ nenya ak ganya malamla. Bok alja nenya somoklamla dara, ban ganya era unggulumla.

1 KORINTUS 11:3

Wera hnonok ella daseng senenanya donok pe ella danalumaʾ ara, nenya adya hukuk ara, Kristus hnonok dubnya ulumla, gel adya hukuk ara, nenya ulumla. Dara onoʾ, Kristus adya huk dubuk ara, Imik Neyung ok hnonok ulumla.

1 KORINTUS 14:34

yuba dololum salek era, gelewa ara yuba sanaʾ ara loboka geleganok. Gelewa ara yuba salalulum anaʾ ara mem. Unuwanalum an yuba bukuk sam momnya dobok sok sunuwoka, sikda dub danganaʾ ara, mem.

1 KORINTUS 7:16

Ugun Imik Neyung yuba dololum gelewa edya dara, anja dara, nadya nenya era, Imik Neyung ak bleboka bo yanamna gom, orok gom ara, ugunda elgom ululum. Anasa onoʾ, ugun Imik Neyung yuba dololum nengmab edya dara, neikik nadya gel gera bleboka bo yanamna gom, orok gom ara, ugunda elgom ululum.

EPESUS 5:33

Bok onoʾ Imik Neyung yuba wenyalamlaʾ ara, ugunsamba hnon lelemlaʾ ara ban: Nenya ara al damnya wanaʾ uldalamla sok, alaʾ gel ak wanaʾ ululul; dara onoʾ gel ara alaʾ nenya ak, nadyaʾ dubnya senewoka giblelul.

KOLOSE 3:18

Wei, gelewa o, ugunda Imik Neyung adya perob senelamla sunuwoka, ugunjaʾ nenyab ak, alja bo ulunel senewoka ganya sokok neneldalulum.

KOLOSE 4:5

Ugunda yok nim ek ara, geremsengaʾ perobaʾ adya ok ulululum, anya wen an ubla salek ululanya nera, pe salawoka unulululum.

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

IBRANI 11:8

Dara Abraham bera ganya dib senenaʾ adya, alda yok mok soko aljaʾ misaʾ danamok sokok sam binilam aboka ebok dara, alda hek mok balamnaʾ ara elgomaʾ anyek pe keboka lanawoka byuk.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 3:2

Ugunja yuba sanaʾ orok bok, sikda yuba donggulumak nenyab era, ugunja lok ganya boboka geisa uboka pe ulumunaʾ nong anyek eibnesaakanya, dib senewanamak.

1 PETRUS 3:7

Onoʾ neik so ugun nengmab ak dara, ugunja gelewa ek anaso nim ek ulumla senewoka ella dangoka ulululum. Gelewa ara sikda hmengaʾ yakaʾ ak ulumak senewoka, ugunda sikenek perobaʾ leboka pe unulululum. Ugun nengmab ab neikaʾ Imik Neyung adya embeng unaʾ ara dolomab senewoka sikenek pe unulululum. Wera ugunja molonaʾ era okna dabsilyek anasa, ban nidyaʾ unulululum.

1 PETRUS 4:17

Imik Neyung adya sokok an yana lelewanamla hyok salek era, wera seleb ubnabla. Imik Neyung mab ulumak nim enyek men yana lelewanasil. Dara, Imik Neyung nu alja mab ulumab nim enyek men yana leleb einiwanasil dara, Imik Neyung adyaʾ perob lero yanggan yub ek dib senewoka donggulumak nim ek ara hekaʾ hubnamla do?