1 PETRUS 2:7 - PERJANJIAN BARU NALCA YUBA

⁷ Ban girik enera, ugunja alak dib senelelum nim ek dara, deknaʾ nauba girik era an. Bok girik enyek an, dib senenaʾ orok nim emba dara, ban yub enyek lero momnya dobokaʾ gigilamlaʾ ara, ”E sonaʾ nang edya ikoka sobnenggumek girik era, wera hyak gobdo perob girika dok,” aro momnya dobok.

1 PETRUS 2:7 ပူးပေါင်းရင်းမြစ်များ

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

LUKAS 2:32

wera, yok-yok mok soko nim emba dara, laga aamanaʾ geknenaʾ danamla dilinaʾ era yalakanya, anja nim Israeli nim emba dara, imik giginaʾ damok danamla,” hyok.

LUKAS 2:34

Dara Simeon bera sikenek perobaʾ leb elegousuukanya, dara me nen aljaʾ genong Maria gek wenhyokaʾ ara, ”Hyak dib nong ara ban me nera, nimi gong Israel sam ara hnon golugiyiwoka, hnon sekiyiwoka ubsululaʾ aboka orowek memewookanya, nimi nauba ara alak malya aboka walamnemak aboka, alda yokaʾ nong lok so beknaʾ danamla.

LUKAS 20:17

Dara Yesus ara sikenek keebdaboka lebsukaʾ ara, ”Anasa yuba ban hnon ulumlaʾ ara, E sonaʾ nang edya e denewoka sobnenggumekaʾ lobek girik era, men youboka perobnya dal, aboka Imik Neyung yuba bukuk sam momnya dobokaʾ ara, damok ara hekaʾ ak lebok do?

YOHANES 4:42

Dara, Samaria nim edya ban gel genyek an, ”Anja nuk wenyasilimaʾ adya ok dib senewanggumab. Wenyok alda nun dam nang okoka heng yokaʾ bekoka eiyimabakanya, alja lelemla yuba kemabaʾ adya, alak dib senewoka doboka, alda soko nimi bleblesilnya dibaʾ ulusilaʾ ara ella ubab,” hyek.

RASUL 26:19

”Anasa neyung dubnya o, nadya ban Imik Neyung ak ab heng eiyiwoka domsa anyek, dib senewoka bleknenggumsa.

ROMA 10:21

Bok Israeli nim emba dara alda wenhyok, ”Li sob-sobaʾ ara nak pe kenggulumaakanya, sondaʾ aboka orokaʾ geblemak mok soko nim ek, nara nadya soruk era bebegeldibilloklamna,” hyok.

ROMA 15:31

wera anedya, nara Yudea sam bleklemak nang ek ab pe arawoka bo ubnelekanya, onoʾ anedya Yerusalem amba webnamna wa nera, sik munaʾ Imik Neyung mab edya ganya hekoka or senewanok.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

TITUS 3:3

Anya wera, nunda numbabya youmaʾ dara, yuba blekoka dongdang anaʾ ak ulumouba. Nunda youmaʾ dara, bob nenewoka lelesiikanya yok-yok ganya seininaʾ edya hnon, yokaʾ-yokaʾ unuweisinya senen ganya edya ok goluwoka malya ulumouba. Nunda yu hwam ok uboka, hmana lebdangoka, hyak lek senebdangoka ulumouba.

IBRANI 11:31

Wera ganya dib senenaʾ adya, Rahab gera salyaʾ dongolomok gel bok, alda mok soko maka hmeil bilirek nang ek perobaʾ leboka doboka doknosukaʾ anasa, yok bleklemek nim eb dara neikaʾ obnenggubsuk.

IBRANI 4:11

Men nim edya keboka pe unaʾ orok adya sikda malyinggilimek sok, numba ben hnon unuwalyek aboka, Imik Neyung adya dek-deka sonaʾ ak weknobaʾ aboka, perob so pik era sobaʾ duboka elemnemab.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

1 PETRUS 2:4

Kristus al nong ak dara, nim adya malya girik senewoka lobek bok, Imik Neyung adya dara, perobaʾ leboka weboka domokaʾ embeng un girik ek ulumla. Anasa, ugunda Wenelesilnya bek youmun dara,

1 PETRUS 2:8

Anya, ”Nimi yok oluka diknaʾ girika dok, hnonda alja yok nim ek malyanggal dilisil girika dok,” hyok. Nimi nidyaʾ oluka diklesilaʾ ara, Imik Neyung yuba nong ak dib senenggulumakaʾ nong adya ulusil. Nenesa leboka, sikda yuba dib senenaʾ orok nim era, ban amba orowek gegewoka beibsuk.