1 PETRUS 2:2 - PERJANJIAN BARU NALCA YUBA

^2-3 Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

1 PETRUS 2:2 ပူးပေါင်းရင်းမြစ်များ

MATIUS 18:3

Anya Yesus adya dara, ”Ugunda hyak dib senewanalum! Ugun nong ara dangawoka, saaboka mekmab anasa danggubmun dara, wera aldib Imik Neyung alja wenesin heikek binggunulum.

MATIUS 19:14

Dara Yesus adya, alja yuba doro diriga ban nang ek, ”Banaso mab enyek, Imik Neyung wenesin heikek weknemak nim era anaso ulumnemakaʾ anasa, ugunja sikenek nak yangganaʾ mem aboka yuba seknenggom, mem. Alda or nak yalanok,” husuk.

MARKUS 10:15

Anasa ugunuk dib lebsin! Heknedya mek mab edya ganya boboka, Imik Neyung adya wenesin heik era, yeng asaʾ donggulumla dara, alda Imik Neyung adyaʾ wenesin heik ara weknenggunumla,” hyok.

LUKAS 18:17

Mek sirik mabo yokaʾ-yokaʾ dolomak sok, Imik Neyung wenesin heik era dobnenggunumak nim era, eimik era Imik Neyung wenesin heikek weknenggunumak, ugunda pe beknelum,” hyok.

ROMA 6:4

Wera anasa, al somogokaʾ lomok meka dabsik dara, nunda al ab neikaʾ soko lokosik. Dara, Neyung bedya si senenggomaʾ adya Kristus ara somoklomak nang gangganek ab embengaʾ subuka bukiyiwok sok, eimik era numbabya wenyok embengaʾ unaʾ lomok ulumnemab aboka, neikaʾ soko lokosik.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

EPESUS 2:21

Wera Kristus nong pik ab moruwoka, ugunja nong era Imik Neyung alja denewoka solosilikanya, Wenelesilnya Imik Neyung amba ok munaʾ gobdo un e dangalamla.

EPESUS 4:15

Bok onoʾ saawoka, nuk dara, wanaʾ ganya nauba uboka perobnya dib nongnya nenyek ok lelemnemabakanya, nunja dubnya Kristus ulumla ak sam, nidyaʾ ak nebgiga balamnemab.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.