1 PETRUS 2:19 - PERJANJIAN BARU NALCA YUBA

¹⁹ Ugunuk hyak malya nenelesijaʾ anaba, Imik Neyung amba leboka or siklewoka ulumnelum dara, Imik Neyung adya ugunuk perob senewanasil.

1 PETRUS 2:19 ပူးပေါင်းရင်းမြစ်များ

LUKAS 6:32

”Anya ugunda ugunuk wanaʾ ulusak nim ok wanaʾ ulumun dara, hek deknaʾ ek ugunsamba lanawanasuso do? Nenera sik malya ulumak nim eneba, sikenek wanaʾ ulusak nim ek wanaʾ ulusak bok anasa lebna.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

ROMA 13:5

Wera anasa, nunda ganya yok-yok sok lobdanamab, nenera Imik Neyung ara wabsilyek aboka gom, alda nunja ganya adya wenyalamlyaʾ sunuwoka unulumnemab.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

2 KORINTUS 1:12

Nunjaʾ mek ganya edya dara, nunda sokok an ulumoubaʾ ara, onoʾ nauba so ara ugunuk ulusubnya nek dara, nunda perob ganya adya hnon, perob geisa ganya adya anara unulumoubaʾ anasa, nunda eiya dablesil. Nunja ban unulumoubnya nera, nimi ganya geremseng adya unggulumoub bok, alda Imik Neyung adya wanaʾ uboka eleksinaʾ sunuwoka unulumouba.

2 KORINTUS 8:1

Hemyabo nim o, Imik Neyung adya Makedonia moka yuba dolomak nim ek wanaʾ uboka pe arawoka unulusukaʾ anyek, hnon ugunda ella danalum senelesab.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

IBRANI 10:2

Nim Imik Neyung ak masa unuruwaʾ beil yeiniboka giblemek nim era, ban adya Imik Neyung adya sikja malya unaʾ seleb doboka boboganamso dara, saawoka beil yanggunuseng. Anaso dara, sikda malya ulumab senen ganya bonaʾ loboka, Imik Neyung ak masa unuruwaʾ beillilimekaʾ adya, sikja malya unaʾ doboka bobogoka perobaʾ nenesusoʾ anasa, saawoka beil yanggunuseng.

1 PETRUS 2:20

Ugun malya ulusom enyek, henga geregoka igina kwelisinaʾ anyek siklewoka ulusom dara, ugunuk gigiwanasiseng de? Orok! Bok perobnya nek unululumaʾ amba leboka ugunuk igina kwelesil dara, pe siklewoka ulumun dara, wera nera Imik Neyung adya ugunuk hyak perob senewanasil.

1 PETRUS 4:15

Ugun gangganek ara nimi ben hnon, alda nim olomla gom, hokaʾ dolomla gom, yu ganya boboka malya unulamlaʾ adya gom, yok nim edyaʾ bok dobsalawoka ulumlaʾ adya, malya dangalamla adya igina kwewoka gweklelum dara, perob gom.