1 PETRUS 2:16 - PERJANJIAN BARU NALCA YUBA

¹⁶ Ugun nong ara seleb numba yok sekuba nimi geknewaʾ anaso ulululum, bok ugun sekiyiwosukaʾ ak dara, malya unaʾ lomok hnon siklewoka unaʾ ara loboka, Imik Neyung adya wa wen nang beknaʾ ulululum.

1 PETRUS 2:16 ပူးပေါင်းရင်းမြစ်များ

MATIUS 23:13

”Ugunda yuba neksin nang eb Parisi nang eb dara, hyak omom nongaʾ ak ululum! Ugun hyak sene bol nenenaʾ hwam nim ek ululum. Ugunda nimi yok nang era, Imik Neyung wenesin heikek pika garalelum. Ugun nong anaba Imik Neyung mabo danganggululumukanya, yok nim Imik Neyung wenesin heikek pika garalelum.

YOHANES 15:22

Nak yanggusinyekanya, ban sikenek wenyanaʾ orok dara, malya unaʾ sikenek unggulumnususo bok, wenyek dara, sikja malya unaʾ orok senen lebnengguneseng.

ROMA 6:18

Ugunda malya unaʾ ak ab seleb lob lobsuukanya, pe unaʾ adya wa wen nang dangalum.

ROMA 6:22

Bok wenera, ugunda malya unaʾ ak ab seleb lob lobsuukanya, ugunda Imik Neyung bedya wa wen nang doulum. Dara, banedya perobaʾ dolumnya nedya pe munaʾ gobdo unaʾ ak bo balasilikanya, hyak sidyaʾ nong ara embengaʾ ulmoubnaʾ dangalamla.

1 KORINTUS 7:22

Nimi ben hnon, oruknanya bek bok, Wenelesilnya bedya youbomok bok dara, wenera alda Wenelesilnya bedya gloʾanya dangalamla. Bok, youbomok sum enyek, gloʾanya ulumok bok dara, alda Kristus adya wa wenya dangalamla.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

EPESUS 6:6

Nim adya heng eiyiwoka unu welemak aboka kemelesija salek ok perob seneweisinok senen ganya boboka wenggom, mem. Alda Imik Neyung adya senelamlaʾ ak unulumak nang geknewaʾ Kristus yuba domek nang ek adya, alsamba ganya gouluwoka welelulum.

KOLOSE 3:24

Ugunda Wenelesilnya Kristus amba wa welelum anasa, ugunda na an welemna wa nemba dara, Imik Neyung bedya beibnyokaʾ ak deknaʾ dobnamna senewoka ella ulululum.

1 TESALONIKA 2:5

Nunda ugunuk ara perob-perobaʾ yub edya meka lelewoka lebnenggusuba, orokaʾ anaba malya ubsinob senewoka hnon, ugunuk bob leregiyiweisinob senewoka Imik Neyung yuba leb eleganggubsuba. Imik Neyung ara ella ulumla!

YAKOBUS 1:25

Bok, Imik Neyung adya unuwanalum an yub era, nimi blebsinaʾ migib damok ara an ulumla. Anasa nimi nidyaʾ yuba keb loboka hibigal henggonggom pe doboka einiwoka pe keeboka unulumak nim era, alja yok-yok wa welemlyaʾ ara, Imik Neyung adya alak aralamnamla.

YAKOBUS 2:12

Imik Neyung adya eimik nimi bleblesilaʾ sunuwoka yana lelewanasil nimi geknebaʾ uboka, ugunda unuwanalum an yuba saboka yokaʾ-yokaʾ unululum e.

2 PETRUS 2:19

Ban malya uboka bobnenewoka neklesak nang edya dara, sikja malya ul eleklesak nim ek an, ugumba yok perob nimi dangoka ulumnelumaʾ amba or seknelum anaʾ eleganasab alasak bok, sik nong ak dara, sokok an nimi malya nenesinaʾ damok adya sikenek seleb henga goubsuk nang ek ulumakjok lelemak. Anasa nim ara yokaʾ-yokaʾ adya henga goublamla dara, wera bera henga goumnaʾ anadya wa wenya ulumla.

YUDAS 1:4

Imik Neyung orowek obnamna senewoka memeb gegewok nang era, nu gangganek sam seleb gelelenga wekel yalamakaʾ anasa lebna. Sikja malya ubnob senewoka, Imik Neyung adya gouluwom aboka wanaʾ un yub enyek, nimi ganya oka desinaʾ amba samab menegoka, sikda malya nim ek ulumak. Anya sikda nunja hnonok dubnya Yesus Kristus anyek, Wenelesilnya gomaʾ aboka boro dorogol dilimak.