1 PETRUS 2:13 - PERJANJIAN BARU NALCA YUBA

¹³ Imik Neyung amba leboka, nimi soko dub nang ulumak nanga nidyaʾ sikja yuba pe keboka unulululum. Nera or mok soko damnya bedya yuba gom,

1 PETRUS 2:13 ပူးပေါင်းရင်းမြစ်များ

MATIUS 22:21

Wenyek sikja, ”Dubnya Kaisar benyaʾ,” hyek. Dara Yesus adya sikenek, ”Anasa wera ugunda dubnya bedyinya nera dubnya bek eleganalum bok, Imik Neyung adyinya nera Imik Neyung ak eleganalum,” hyok.

MARKUS 12:17

Anasa, Yesus ara sikenek lebsukaʾ ara, ”Wera anasa, Kaisar dubnya wenesinya bedyinya nera, dubnya Kaisar bek elegolulum. Anya, Imik Neyung adyinya nera, Imik Neyung ak elegolulum,” hyok. Dara sikda alja wenyaboka neksukaʾ anyek, sikda hyak loka dabsuk.

LUKAS 20:25

Yesus adya sikenek lebnesukaʾ ara, ”Anaso ulumlaʾ ak eiblum dara, dubnya bedyinya nera, dub nang elegolulum, Imik Neyung adyinya nera, Imik Neyung ak elegolulum,” hyok.

EPESUS 5:21

Ugunda Kristus ak lok ganya boboka, ugun moumen anaba ganya sokok nenebdangoka pe keldalalulum.

TITUS 3:1

Wenewoka bo usin nang ek hnon, senenggom dub nang ek hnon, pe giboka yuba kelemunukanya, onoʾ perobnya nera, sobaʾ yeng ganya boboka unulululum aboka, anja yuba dolomak nim ek pe wenelesilom.

1 PETRUS 2:17

Nimi nidyaʾ nim ek perobaʾ lelelulum. Ugun neik yuba dololum nim ek nauba wanaʾ ulusululum. Imik Neyung ak dib senewoka lok ganya bolomunukanya, mok soko damnya bedya yuba pe kelelulum.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!