1 PETRUS 2:1 - PERJANJIAN BARU NALCA YUBA

¹ Anasa wera ban nenesa leboka, ugunuk ab nidyaʾ yu hwamaʾ ara gwiriwoka loblulum. Sondaʾ lenaʾ ab, sene or-or unaʾ ab, hman ganya boldanaʾ ab, yok nimi geklewoka derewoka wanaʾ nidyaʾ ara hyak loblulum.

1 PETRUS 2:1 ပူးပေါင်းရင်းမြစ်များ

MATIUS 15:7

Ugunda hyak sondaʾ hwam nim o! Ununumnaʾ lelemoknya Yesaya bedya ugunsamba leboka momnya dobokaʾ ara,

MATIUS 23:28

Anasa ugunda anaso nim ek ululum. Ugunda hogung adya dara, yok nim ek pe ulumak nim senen bok, ugunja ganya lomok ara sondaʾ hwam ab bleknaʾ mandebnaʾ ab dadya deknenaʾ hwam nim ek ululum,” ara Yesus adya wenyhusuk.

MATIUS 24:51

Yanamlakanya, wera ban malya uboka wa welelenya bera, malya uboka saboka obnamlakanya, sene bol nenenaʾ hwam nim hnoum boboganamla. Dara, malya unaʾ nim eb neikaʾ engewoka si glengdarreb aboka nauba gweklemnemak,” aboka Yesus adya wenyhusuk.

MATIUS 7:5

Anda sene bol nenelelamnya o! Anja nauba gal siknaʾ enyek men dobdamenekanya, anja henga pewagelya dara, wera an kabo edya alja heng soloknaʾ pe eiyiboka doboka boboganalam.”

MARKUS 12:15

Wera Yesus ara, sikja sene heibeknya nera seleb ella ubsuukanya, alja sikenek lebnesukaʾ ara, ”Ugunda hekasa nak ara sene sunulunulum do? Wera ugunda rupiah hnon, na kendenemnaʾ anasa, bo yoululum,” hyok.

LUKAS 11:44

Ugunda hyak omom nong nang ek ululum! Ugunda nimi soko lokomna oulyang ek beknaʾ beibnenggumna ek, yok nim eibnenggonggom yan ingiwoka yabalemak oulyang anaso ak ululum,” hyok.

LUKAS 12:1

Nimi denga sal-salyaʾ anyek dokol dalameekanya, yan ingib sabdangda balamek. Wera nimi dara mamagal yalamek dara, Yesus ara alja yuba doro diriga ban nang ek, ”Ugunda Parisi nang edya roti welenaʾ enyek keeboka diri uldalalulum. Nadya lebnanya nera, sikja sene or-or lelesaknya nenyek lebna.

LUKAS 6:42

Dara anda anjaʾ hem bek lelelamja, Hem o, wera or anjaʾ heng soloknaʾ dobnenggen e, wenyalelam bok, anjaʾ heng ek senenggom gal booma era eibdanggunadyok dara, nera har sonya nek lelelam do? Anasa bol nenenaʾanya o, anja heng ek gal booma senenggomaʾ anyek men dobdamenaʾ adya, wera anjaʾ hem bedyinya mek heng soloknaʾ era anedya pe eiyiboka dobnelam” hyok.

YOHANES 1:47

Yesus adya Natanael oka yokaʾ eibuk dara, wenhyok, ”Israeli nang yokaʾ ara alan. Sondaʾ ara al lomok hyak unggulumla,” hyok.

ROMA 1:29

An unulumakaʾ ara, hyak malya ganya hogung ok deknewoka, yu hwam ganya ab, naubaʾ dero bolosinya ganya ab, song ganya ab, hyak lek senen ganya ab, oldan ganya ab, waldan ganya ab, sondaʾ miniwoka len ganya ab, malya unaʾ nang eb neikaʾ hiboka, an ganya danyek unuru yabalamak.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

1 KORINTUS 5:8

Nenesa leboka nunda wenera, youmaʾ blebsukaʾ bekoka Paskah sum delemak sok, numbabya delemnemab. Youmaʾ malya unaʾ anaso welenaʾ makoka denggulumnemab. Hyak eldaknenggulumla perob unaʾ roti ok delemnemab. Anasa, sununaʾ ara an lebsin.

2 KORINTUS 12:20

Nara kemel yeisinya sum enyek, ugunja unaʾ era, nadya anaso ubneseng senemnyaʾ unaʾ orokaʾ ak eibnyek aboka hnon, onoʾ ugunja dara, nak alda anaso ubnamso senenumunaʾ anyek eibmunuk aboka hnon, lok ganya bolomna. Hnonda wabdoumunuk, hnonda hman ganya bobdangoka, yu ganya boboka, nanokok pewonulul yok nim era lek senewoka, derewoka wabdangoka, o lom-lom pik gelelenga lebdangoka, dengdang ganya boboka, doluwoka malya nenebdangoka ubdoumunuk aboka, lok ganya bolomna.

EPESUS 4:31

Malya ganya bobdangoka, nidyaʾ yu ganya ab gogobaʾ ganya boldanaʾ ara mem. Ugunda senenggomaʾ iriri aboka derewoka waldanaʾ ara mem. Benewa malya seneldanaʾ gom, anaso yok malya ganya boldanaʾ era hyak loblulum.

1 TESALONIKA 2:3

Dara, nunja ugunuk unuwanalum alamabaʾ ara sondaʾ amba leboka, ugunja ganya bob leregeisinobaʾ aboka lenggulusab.

1 TIMOTIUS 3:11

Anasonya neikek, gelewa anaba, yok nim ek malya yuba lenaʾ ab, gelewa danara ganya siklewoka diri ubdangoka, yok nim edya anaba pe ulumak aboka dib senewanemeija gelewa enyek ulunok.

TITUS 2:3

Anasonya neikek, onoʾ seleb kalamla nauba nim ek, Imik Neyung mabo pe ulumak diligaʾ enyek doboka ulunokaʾ aboka, yok nim ek miniwoka len yuba loboka, yu meka nauba deregoka unaʾ ara mem aboka neklesilom. Onoʾ sikda perob yub enyek nekdangoka ulunokaʾ aboka neklesilom.

IBRANI 12:1

Wera nuk kemelesak nim era nuk goulub ganagok debaʾ anasoʾ anyek ulumakaʾ anasa, wera nuk igina ul eleklesilaʾ nidyaʾ ab, men meknewaneseng malya unaʾ eb dara loboka, ugunsamba yeiriwoka bik-bik aboka unulululum hyokaʾ ak ara, ganya gouluwoka bik-bik alamnamab.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

YAKOBUS 3:14

Bok ugunda hman ganya boboka, ganya oka debdangoka, yok nim era malya so bok nanokok pewonulul senen ganya bolomun dara, wera perob dib unaʾ yub powegoka dangab menegoka, nonggo abdangoka geremseng ulumna senenaʾ ara mem.

YAKOBUS 4:11

Na kabo nim o, ugunda geklewoka waldanaʾ ara hyak mem. Neik yuba dolomak nimi moumen geklewoka wabdangoka, yana lelelanya bera, alda Imik Neyung adya unuwanalum an yub ak geklewoka waboka yana lelelamla. Anya ugunda ban Imik Neyung yub ak yana lelelelum dara, wera ugunda Imik Neyung adya unuwolulum alamla yub ek, ununaʾ loboka, alda yana lelen nimi dangalalum.

YAKOBUS 4:5

”Nunjaʾ nong lomok ara, Imik Neyung adya beibuk geisa ganya enyek dibum-dibum aboka ulumlaʾ” ara, Imik Neyung yuba momnya dobokaʾ anyaʾ anasa salyaʾ lebok senenggom, mem.

YAKOBUS 5:9

Imik Neyung adya ugunuk henga geregoka obsilyek anasa, ugun moumen malya nenebdangoka, youmburaʾ debdangoka uldanaʾ ara mem. Nimi yan lelesinaʾanya bera seleb younunaʾ aboka gegelamla bok anasa, ugunda pe beknelum!

1 PETRUS 2:16

Ugun nong ara seleb numba yok sekuba nimi geknewaʾ anaso ulululum, bok ugun sekiyiwosukaʾ ak dara, malya unaʾ lomok hnon siklewoka unaʾ ara loboka, Imik Neyung adya wa wen nang beknaʾ ulululum.

1 PETRUS 2:22

”Kristus ara malya unaʾ hyak mekaʾ hnon unggululanya bek ulumok. Dara onoʾ yok nim edya anyek sondaʾ lebokaʾ ara, alak ab hnon mekaʾ kebnenggumek.”

1 PETRUS 3:10

Imik Neyung yuba bukuk sam ara, ”Nimi ben hnon nara pe deregoka uboka, pe ubgiga binimnaʾ ak ara pe ulumnamna senewalenya bera, malya unaʾ yub ara sablyek anasa, sibamaʾ serekdangoka, sondaʾ ara salyaʾ lero yibilyek anasa, pe diri uldalalul.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

1 PETRUS 4:4

Wenyek dara, ugunuk ara yuba donaʾ orok nim edya dara, lok anasa ngoluklesak. Nera ugunja youmaʾ nong unaʾ enyek, malya ura un nong unaʾ enyek orokaʾ anyek eililesakaʾ anasa lelesak. Ban nenesa leboka wera ugunuk ara sikja dara walasak.

WAHYU 14:5

Dara, sikenek ara sondaʾ lenaʾ mekaʾ sibin anaba hnon lenggulumeekanya, sikda mekaʾ gegena ponaʾ orok nang ek ulumek.