1 PETRUS 1:8 - PERJANJIAN BARU NALCA YUBA

⁸ Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

1 PETRUS 1:8 ပူးပေါင်းရင်းမြစ်များ

MATIUS 10:37

”Heknedya nak ara loboka, aljaʾ neyung genong ak wanaʾ nauba ululanya bera, nadya yuba donaʾanya henggunuseng. Anasonya neikek, heknedya alja mabo gelmabo ek wanaʾ nauba ululanya bera, nadya yuba donaʾanya dibaʾ henggunuseng.

YOHANES 14:15

”Ugunda nak wanaʾ ulunumun dara, nadya oruklesin yub ek sunuwoka unulumnulum,” hyok.

YOHANES 14:21

”Heknedya nadya oruklesin yub ek salawoka unululanya bera, nak wanaʾ ulunelnya bera alan. Dara, nak wanaʾ ulunelnya bek, nadyaʾ neyung bedya alak wanaʾ ulumnamlakanya, nababya alak wanaʾ uboka nadya nong alak aawanamna,” hyok.

YOHANES 14:24

Nak wanaʾ unggulunelnya bera, nadya neklesin yuba sunuwoka unggulumla. Nadya neklesinaʾ kelum yub era, narinya gom, na bokol yeilinyoknya bedya yub ek neklesin,” hyok.

YOHANES 16:22

Wen an lebnanya nera, ugunuk neik so danamla. Wen ganya engelelum bok, nara ugunuk onoʾ eibdeibya sum era, ei-ei ganya bolomnulum. Dara, ugunja ei-ei ganya ara yok nim edya ugunja ganya ek ab salyaʾ lolowoka dobnenggunusak,” hyok.

YOHANES 20:29

Dara onoʾ, Yesus adya Thomas bek lebokja, Anak dara, nak ok okoka eibnelemaʾ anasa dib senewanelem bok, nimi yok nimi nak heng eilinenaʾ orokjok, nak dib senewanyak nim era, hyak pe ulumak,” hyok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

RASUL 16:34

Wera nimi henga gereksinaʾ dubnya bera Paulus beb, Silas beb, alja ek sam eboka bo biniboka denaʾ siksamba urusuk. Dara alab, alja ek nimi nidyaʾ Imik Neyung ak wen dib senewab senewoka, sikja ganya ak eiya dasuk.

ROMA 14:17

Anasa Imik Neyung adya wenesinaʾ era, denaʾ mek arabaʾ ak unggulumla, bok Geisinya adya pik uboka perobaʾ nenenaʾ ab, ganya pe namenaʾ unaʾ ab, ganya eiya daboka unaʾ ab, danyek ulumla.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

1 KORINTUS 16:22

Heknedya Wenelesilnya bek nauba wanaʾ unaʾ orok dara, bera hyak malya dolul. Maranata. Nunja Wenelesilimnya o, yalom e.

2 KORINTUS 1:22

Onoʾ Imik Neyung adya, nuk ouma debsuukanya, alja Geisinya bera aljaʾ nunja ganya lomok eleganesin amokaʾ anyek dib eleganesin an beknaʾ elegosuk.

2 KORINTUS 12:4

Bera alda imik heikek bo byuk dara, nim ek ella dangoka salalulum henggomaʾ, sabnamenggom yub enyek, kemok.

2 KORINTUS 4:18

Dara, nunda nonga laga ululanya nenyek kemero unggulumab bok, alda heng eilinaʾ oroknya nenyek kemero ulumab. Henga laga eillilemabnya nera seʾ salek ok ululabok, heng eilenggulumabnya nera eimik era, hyak sobaʾ ulmoublumnamla.

2 KORINTUS 5:7

Nunja nim adya heng eillilemakaʾ ak sunuwoka unggulumab bok, alda Kristus ak dib senewoka un nong enyek ulumab.

2 KORINTUS 9:15

Imik Neyung adya nuk hyak seinildaknaʾ okna eleknaʾ emba, nunda alak pe giblemnemab!

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 3:19

Anya Kristus adya wanaʾ ulusilaʾ ara, nimi ganya sirikaʾ adya dara, nidyaʾ pe olowoka ella danggunusengnya nenyek, ugunda ella dolulum aboka mololesin. Dara, ugun nong ara, Kristus adya wanaʾ unaʾ pe olowoka ella ulumunukanya, Imik Neyung hnonok ok ulumla nong unaʾ enyek, deknewousululaʾ aboka mololesin.

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

PILIPI 1:25

Nara ban nenyek perobaʾ ara ella ulumnaʾ anasa, ugun nong anyek Wenelesilnya bek dib senenaʾ anyek eiya ganya boboka migiba danggiga balalulumaʾ aboka, ugunuk arasin danasa, nara ugunub neikaʾ ulumnemab senewoka ella ulumna.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

IBRANI 11:1

Anasa ganya dib senenaʾ ara, yokaʾ-yokaʾ nunja ganya weboka dobnemabaʾ senenaʾ nong ak ulumlakanya, nunja yokaʾ-yokaʾ eibnenggunanya nek beknaʾ dibaʾ ak ulumla.

IBRANI 11:27

Dara ganya dib senenaʾ adya, Musa bera dubnya be wabnelyek senewoka loka dabnenggubookanya, alda Mesir mok soko lobok. Anya alda lak gomnya nenyek heng yokaʾ bekoka eiyimnaʾ anaso anyek kemeldablemok.

1 PETRUS 1:6

Dara, ugunda wenyek dara, yokaʾ-yokaʾ nauba seʾ amba bobgeregoka sunulusil bok, ban amba bekoka ei-ei ganya bololum.

1 PETRUS 2:7

Ban girik enera, ugunja alak dib senelelum nim ek dara, deknaʾ nauba girik era an. Bok girik enyek an, dib senenaʾ orok nim emba dara, ban yub enyek lero momnya dobokaʾ gigilamlaʾ ara, ”E sonaʾ nang edya ikoka sobnenggumek girik era, wera hyak gobdo perob girika dok,” aro momnya dobok.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.