1 PETRUS 1:6 - PERJANJIAN BARU NALCA YUBA

⁶ Dara, ugunda wenyek dara, yokaʾ-yokaʾ nauba seʾ amba bobgeregoka sunulusil bok, ban amba bekoka ei-ei ganya bololum.

1 PETRUS 1:6 ပူးပေါင်းရင်းမြစ်များ

MATIUS 11:28

”Ugunda nidyaʾ hmeng uboka, igina yakaʾ adya igina kwelesil nim era, nadya ugunuk jakmana gibiyiwanasinaʾ anasa, nak an yanalum.

MATIUS 26:37

Dara Petrus beb, Zebedeus bedya mabo moumenaʾ penya uboka bo busuk. Anya Yesus ara ganya igina berewoka, engenaʾ ganya beibuk.

MATIUS 5:12

Ugun orokaʾ wenyek, ununumnaʾ lelemek nang eneba unu nauba olosik. Anasa, ugunuk neik so waboka obnesak dara, Wenelesilnya bedya ugunsamba deknaʾ beillilesilaʾ ara nauba anasa, ei-ei ganya boboka glololulum,” hyok.

LUKAS 1:47

Anya nadya ganya era Imik Neyung ara nadya bleblenelnya ulumla anasa, hyak eiya dablenel.

LUKAS 10:20

Ban seleb bisaʾ ara ugunja yuba keboka goboka balamlaʾ amba leboka perob senewoka ei-ei ganya bonaʾ ara mem. Alda ugunja si nenyek imik heikek sam momnya dolosilaʾ anasa leboka ei-ei ganya bololulum,” hyok.

LUKAS 2:10

Bok lero era sikenek, ”Nara nimi soko nimi nidyaʾ amba ganya hekoka eiya dabnesil yub ek ugunuk wenyhenesinaʾ anasa, ugunda lok ganya bonggom mem.

YOHANES 16:22

Wen an lebnanya nera, ugunuk neik so danamla. Wen ganya engelelum bok, nara ugunuk onoʾ eibdeibya sum era, ei-ei ganya bolomnulum. Dara, ugunja ei-ei ganya ara yok nim edya ugunja ganya ek ab salyaʾ lolowoka dobnenggunusak,” hyok.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

ROMA 5:11

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.

ROMA 5:2

Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

ROMA 9:2

Ara nara hyak ganya lomok soloma dablenelekanya, sobaʾ ganya angoo senelamna.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

PILIPI 2:26

Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

PILIPI 3:3

Nera nuk danyek bolaʾ garanaʾ dibaʾ ara seleb domouba, sikenek dara orok. Nunda Imik Neyung giblemabaʾ ara, Imik Neyung Geisinya adya bo ulusilaʾ adya giblemab dara, onoʾ nunda Yesus Kristus ab seleb neikaʾ kwebdangoka ulumabaʾ adya perob aboka giblemab. Nunda sokok an seʾ nim adya ok ganya doboka unulumaknya nek ganya dib beiliwoka unggulumab.

PILIPI 4:4

Ugunda Wenelesilnya beb seleb neikaʾ kwebdangoka ululumaʾ anasa leboka, ei-ei ganya sobaʾ bololulum. Onoʾ saawoka hnon wenyhenesin: Ugunda ei-ei ganya bololulum e.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

YAKOBUS 1:2

Hemyabo nim o, ugunuk yokaʾ-yokaʾ damok adya nauba sunulusil dara, ban ara perobaʾ ak ulusil senewoka pe eiya daboka ulululum.

YAKOBUS 1:9

Imik Neyung yuba don nimi bok, bonaʾ garana ulumak dara, Imik Neyung adya alak imiknya nenelamla dara, alda bera ei-ei ganya bololul.

YAKOBUS 4:9

Ugunda hyakaʾ gobdo solom ganya boboka, angwei senewoka, engewoka, ugunja oksenaʾ ganya anyek, engenaʾ geboka, perob ganya anyek, sugunaʾ ganya geboka, ulululum.

1 PETRUS 3:17

Imik Neyung adya or unuwaseng senemnelanya nenyek, pe unulumnelum bok, ugunuk igina kwebnesil dara perob bok, malya ulumunaʾ anasa igina kwelemnesil dara, nera hyak malya nong.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 5:10

Wene salek enesemba ok ugunda seʾ igina kweboka gwekgogowomun dara, Imik Neyung adya alja ok ganya doboka perobaʾ nenewanasil. Imik Neyung adya ugunuk gasa geboka, migibaʾ nenewanasilikanya, ugunuk ara pe sekiyiwanesil. Anasa alda Imik Neyung ara Kristus pik uboka imik nenewanasil aboka youbusuknya bera, alda perobaʾ eleklesilnya bek anasa, ugunuk anaso pe unuwanasil.