1 PETRUS 1:3 - PERJANJIAN BARU NALCA YUBA

³ Nunda Imik Neyung ak nunjaʾ Wenelesilnya Yesus Kristus alja giblelanya aljaʾ neyung bek gibnemab! Alda nuk angoo yadyek senewoka arasukaʾ sunuwoka, Yesus Kristus somoknaʾ ak ab embengaʾ suboka bukiyiwokaʾ adya, wenyek embeng unaʾ ara nuk elegosuk. Ban adya ganya welmorunaʾ ganya nuk elegosuk.

1 PETRUS 1:3 ပူးပေါင်းရင်းမြစ်များ

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 4:25

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

ROMA 5:10

Wera, nunda anam isaʾ gebdangoka ulumoub salek eneba, Imik Neyung bera alja me somogok pik uboka neikaʾ hiyiwosukaʾ anasa, dara wen nunda neikaʾ hiyiwosuk nang era, nauba so ara, wera alja embengaʾ unaʾ edya blebnesil ok.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

ROMA 8:24

Anasa nunda ban ganya wenaʾ lomok uboka blebsuk. Bok eillilimaknya nera, ganya hnon wenaʾ anggulumak. Anasa nim ara alja seleb eillilisonya nek ara, ganya webnamso dara, har so do?

1 KORINTUS 13:13

Anasa wera, wenyek dara, ban winilya damok danyek ulumlaʾ ara, dib senenaʾ hnon, ganya nebem anaʾ hnon, wanaʾ unaʾ hnon, ulumla. Ban winilya ululabok, dib nongnya nera, wanaʾ unaʾ ak hnonok hyak dib nong.

1 KORINTUS 15:20

Bok, Kristus ara somoknaʾ ak ab seleb bukiyimokaʾ ara, hyak dib unumok. Anan nong adya, wera seleb somogek nim era, embengaʾ suboka buknemakaʾ damok ara anadya dangamok.

2 KORINTUS 1:3

Nunjaʾ Wenelesilnya Yesus Kristus alja neyung Imik Neyung ak sobaʾ giblenob. Imik Neyung ara alda hyak angoo yadyek senewoka unulusilnya bek ulumlakanya, onoʾ alda nim ek heknaʾ ganya lanalamlaʾ damoknya Imik Neyung ek ulumla.

GALATIA 6:16

Wera anaso ganya boboka ulumak nim eb, onoʾ nidyaʾ Imik Neyung alja Israeli nang dibaʾ ara, Kristus yuba dib dolomak nim enyek, Imik Neyung adya namen unaʾ ab, angoo yadyek senewoka arasinaʾ ab, ugunuk ulusulul senelamna.

EPESUS 1:17

Hyak senenggomaʾ imik ululanya Imik Neyung ara, nunjaʾ Wenelesilnya Yesus Kristus aljaʾ Imik Neyung bedya, ugunuk yokaʾ-yokaʾ elegosululaʾ aboka mololesin. Imik Neyung ak olowoka pe ella dolulumaʾ aboka, geremseng un ganya hnon, ella dangan ganya hnon, ugunuk elegousululaʾ aboka mololesin.

EPESUS 1:3

Wei, nunjaʾ Wenelesilnya Yesus Kristus aljaʾ neyung Imik Neyung ak sobaʾ perob aboka giblenob e! Nunda Kristus ab neikaʾ kwebdoubaʾ adya, Imik Neyung adya, imik heikek digumaʾ ganya eleknaʾ perobaʾ nidyaʾ ganya doboka elegousuknya bek giblenob.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 2:4

Bok Imik Neyung ara, alda angoo yadyek senewoka arasinaʾ hwamnya bedya, nuk hyak wanaʾ nauba ulusukaʾ anasa,

EPESUS 3:20

Imik Neyung migiba nunjaʾ ganya lomok sam seleb welemlakanya, nunja ganya seiniwoka mololemabnya nera mek so bok, Imik Neyung adya dara, hyak nauba so sounuwoka yokaʾ perobaʾ nidyaʾ unululanya bek,

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

1 TESALONIKA 1:3

Ugunda dib senewoka wa wenaʾ ak hnon, ugunda wanaʾ uldalalumaʾ ak hnon, ugunja Wenelesilnya Yesus Kristus yanamla senewoka ganya mel-mel aboka salalmoublelumaʾ ak hnon, banera nunja neyung Imik Neyung saramek sam sobaʾ beklemab.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.

2 TESALONIKA 2:16

Ugunda perobnya weboka, onoʾ perobnya nenyek unulululumaʾ aboka, nunjaʾ Wenelesilnya Yesus Kristus adya, hnonda nunjaʾ neyung Imik Neyung adya, sobaʾ amba ganya sangab elegoka, nunja ganya migiba gebnesil. Imik Neyung adya nuk wanaʾ ulusilekanya, aljaʾ perob ganya edya, siklerob ganya boboka, perobnya nek ganya nebom aboka diri ulumab.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 1:21

Wera ugunda Kristus anyek nimi somoknaʾ ak ab embengaʾ suboka bukiyiwoka, imik nenewoknya be pik anyeb uboka, Imik Neyung bek ara dib senelelum. Anasa Imik Neyung enyek anyek, ugunda dib senewoka, onoʾ Imik Neyung enyek ganya nebom aboka diri ululum.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

1 PETRUS 2:2

Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

1 PETRUS 3:5

Ban neneso ununaʾ enedya youmaʾ Imik Neyung amba munaʾ ulumek gelewa dara, Imik Neyung ak hnonok ganya dib beiliwoka, sikja nenyab edya yuba pe keboka unulumekaʾ adya perob neneldalamek.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:18

Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.