1 PETRUS 1:18 - PERJANJIAN BARU NALCA YUBA

¹⁸ Ugunjaʾ neyung yabo youmaʾ ulumek nang edya salyaʾ lelem ulumekaʾ ara, ugunuk lobonggeisikaʾ anyek, loboka blebnesukaʾ amba dara, alja dara hekaʾ adya ugunsamba deksukaʾ ara, ugunda ella ululumaʾ anyaʾ. Alja deksukaʾ ara dangman meilika joboka dengalamlaʾ anasoʾ ak deknenggubsuk,

1 PETRUS 1:18 ပူးပေါင်းရင်းမြစ်များ

MARKUS 8:37

Anasa, alja nong unaʾ amba dara, hekaʾ ak lunuwanamso do?

ROMA 1:21

Wera sikda Imik Neyung ak seleb pe ella ulumek anyek babya, sikda alak Imik Neyung anasoʾ aboka si imik nenenggulumeekanya, alak perob aboka gibnanya neneba orok. Alda saawoka sikja ganya seininaʾ era salyaʾ hwam dangalamookanya, sikja dongdang anaʾ ganya era gunaʾ dangalamok.

1 KORINTUS 3:20

Onoʾ momnya dobok ara, ”Yokaʾ-yokaʾ nauba ella ulumak nim era, sikja yokaʾ-yokaʾ seinilemakaʾ ara, Imik Neyung adya dara, nera salyaʾ lelem seinilemakaʾ ara, ella ulumla,” ara dobok.

1 KORINTUS 6:20

Imik Neyung adya ugunuk seleb deknaʾ doboka deksuk. Anasa wera, ugunja nong era pe ulumunaʾ adya, Imik Neyung si imik dangallilimnelum.

1 KORINTUS 7:23

Imik Neyung adya deknaʾ edya seleb deksuk. Anasa wera, nimi yokaʾ adya oruknanya dangoka ununggom, mem.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

EPESUS 4:17

Anasa wera, ugunda nim Imik Neyung elgom nim edya ulumak sok, ununggom, mem aboka, Imik Neyung si sibuka dukaʾ lolom-lolom aboka lelesin. Imik Neyung elgom nim edya, salyaʾ dib gomnya nok, seiniro ulumaakanya,

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 9:12

Kristus ara hyak geisa nong ekla ak ara, li hnonok wekoknya nedya, nimek bleboka sobaʾ pe ulmorulunokaʾ aboka wekok. Kristus unu weknemok sum era, youmaʾ nimi sirikaʾ adya ulumek sok, kambing yem eneng ab pam eneng ab bo weknenggubuk bok, alda alja eneng enyek bo wekdok.

1 PETRUS 1:7

Ban yokaʾ-yokaʾ ak geregoka sunulusilaʾ damok ara, ugunda aldib Wenelesilnya bek okoka dib senelum gom, orokaʾ anyek, laga dolulaʾ aboka ulusil. Dangmana perobaʾ anaba jobok orokaʾ ara, uk ak dalyamalemak. Anasa Imik Neyung ak dib senenaʾ ara hyak perobaʾ ak uboka, eimik denghenemla dangman era or malya so anasa, ugunuk hnon sunulusil. Dara Yesus Kristus laga danamla sum era, ugunja dib senenaʾ ara seleb laga dokaʾ adya, ugunuk dara, perobaʾ leboka gibnesilikanya, ugun nong ara imik nenewanasil.

1 PETRUS 4:3

Ugunda youmaʾ yuba dobnenggulum salek era, nim Imik Neyung yuba dobnenggom nim edya unulumak ununaʾ seleb ura dakdowolum. Ugunda hyak nauba malya ululum. Ugunda youmaʾ dara, yokaʾ-yokaʾ malya unuweisinya ganya adya hnon, gela salaweisinya ganya hnon, yu meka deregoka ganya uu asin meka delelum, malya unaʾ hwam adya goluwoka, bisaʾ nauba hyak pe giboka, henga kemenaʾ malya dangalamla malya unaʾ eneba unululum.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.