1 PETRUS 1:13 - PERJANJIAN BARU NALCA YUBA

¹³ Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 1:13 ပူးပေါင်းရင်းမြစ်များ

MATIUS 20:4

Dara eibsuukanya sikenek, Nadya wa webnumun dara, deknaʾ sunuwoka pe eleganesinaʾ anasa, wera nadya wa wel bininulum, hyok.

LUKAS 12:35

”Yokaʾ-yokaʾ unuwanamunaʾ ara, keebdangoka pe diri ubdangoka unulululum. Ugunda sobaʾ akleng ongobmoruwoka, ugunja wesaʾ era sobaʾ yebeldalalulum.

LUKAS 17:30

Nimi dibaʾ me yanamla sum era, neik so unuwanamla.

LUKAS 17:8

Orok wenyhenggunumso! Alda wa dubnya bedya wa wenya bek ara, nadya denaʾ meewoka beibnenelem. Yok akleng ongowoka, na anam gwaneng ab mek ab delemnya salek era, diri seklenemnaʾ ara debgogowanya dara, wera anda or denelam, henemso.

ROMA 13:13

Anasa nunda yubyek danyek ulumak diligaʾ ganya namenaʾ anyek pe ulunob. Salyaʾ eiya hlaboka bolowoka dero yabanaʾ mem, yu mek denaʾ mem, malya unaʾ ak molonaʾ hogunga bobmoubuka, salyaʾ salaldanaʾ ak unggom mem, soloma daboka wabdangdo unggom mem.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

1 KORINTUS 1:7

Anasa, nunja Wenelesilnya Yesus Kristus yanamla senewoka diri ululum salek era, ugunda yokaʾ-yokaʾ ganya eleknaʾ ak dara, garan unggululum.

1 KORINTUS 13:13

Anasa wera, wenyek dara, ban winilya damok danyek ulumlaʾ ara, dib senenaʾ hnon, ganya nebem anaʾ hnon, wanaʾ unaʾ hnon, ulumla. Ban winilya ululabok, dib nongnya nera, wanaʾ unaʾ ak hnonok hyak dib nong.

EPESUS 6:14

Wera anasa, ugunda hyak pe diri uboka welsinilelulum. Ugunda perobaʾ nenesinaʾ anyek goukwa noronaʾ dibaʾ norowoka, jong ununaʾ anyek girik seng anasoʾ anyek enegoka, we seklelulum.

KOLOSE 3:4

Dara, nunja embengaʾ ulumabaʾ Kristus ara, eimik laga nenebdalya dara, ugumbabya alablaboka alja senenggomaʾ unaʾ ak sam neikaʾ laga nenewanesil.

2 TESALONIKA 1:7

Wen ugun an yokaʾ adya igina kwelesil nim ek hnon arawanasil dara, onoʾ nuk anaba neik so arawanasil. Anasa Imik Neyung ara imik heikek abaʾ ara aljaʾ senenggom migib lero nang neikaʾ hiboka yingginimak sum enyek unuwanesil,

2 TIMOTIUS 4:5

Bok anak dara, nidyaʾ yokaʾ-yokaʾ lanalamla ak ab, ganya pe siklewoka diri ululom. Anda Imik Neyung bedya wa wennya dibaʾ uboka, yokaʾ-yokaʾ igina kwelenggel bok pe kaboka ululom. Anda perob lero yanggan yuba len wa hyak pe lelewoka welelom. Anak elegenjok wa nidyaʾ anyek, sobaʾ luka bongoldililom.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

IBRANI 10:35

Wera anasa, Imik Neyung adya perob deknaʾ nauba ugunuk eleganesilaʾ anasa, ugunja men ganya goulowoka dib senelumaʾ ara loboka ganya boknaʾ ara mem.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.

IBRANI 6:19

Nunja dobnemab senewoka ganya nebom alamabaʾ ara, girik ak henga geregoka, mek lomok sam doublenggamnaʾ anaso ulumla. Ban unu ganya nebom alamabaʾ ara, Yesus ara nunsamba aboka mengewosuukanya, lomok wiknenaʾ aklenga poboka wekel byuk adya, hyak gasa ulusil. Dara Melkisedek benesoʾ anyek, Yesus ara imik heikek wekoka, yuba wa gakaʾ dubnya nunsamba hyak dibaʾ amba ulusil.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

1 PETRUS 1:10

Ban ugunja ganya blebsinaʾ nong anasa leboka, youmaʾ ununumnaʾ len nang era ella ubsibya senewoka eboka dulumek. Hnonda ugunja ganya blebnesilaʾ anyek, sikda orowek lelemek.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.

1 PETRUS 5:8

Bisaʾ dubnya Iblis ara alda ugunjaʾ senenggom isaʾanya ulumlaʾ anasa, ugun nonga pe diri ubdangoka mala websiniwoka ulululum. Iblis ak dara, bei gam adya denaʾ eibnenggumnekanya ngouboka ero yabalamla sok, ero yabalesilaʾ anasa keeboka uluulum.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.